مقاطعة الاهرام والاخبار والجمهورية

**meza** · 16-04-2008 11:13 PM

شوفوتووووووا
والله شعب كوريا دول محترمين .. و برضه شعوب كتيير فى أوروبا

لو أى حد هناك عايز يعمل إضراب .... كله يشارك حتى لو مش هيستفيد بشكل مباشر من الإضراب ... كنوع من مشاركة أخوانه فى الوطن.

حتى شعب كوريا بيساندنا من غير ما يكون ليه أى مصلحة عندنا.

......و هنا الناس مش ناقص غير نبوس رجليهم عشان يشاركوا فى إضراب هما أساساً هيستفادوا منه بشكل مباشر.
مش عارف إيه السلبية دى ؟!!!! :(

**Noha.M** · 16-04-2008 11:18 PM

المشاركة الأصلية كتبت بواسطة meza

......و هنا الناس مش ناقص غير نبوس رجليهم عشان يشاركوا فى إضراب هما أساساً هيستفادوا منه بشكل مباشر.
مش عارف إيه السلبية دى ؟!!!! :(

لا والله يا ميزا مش كدة هم الناس دول عندهم ديموقراطية بجد ...هيروحو يقفوا وقفة سلمية و معاهم اليفط و الكلام دة و بعدين كل واحد هيروح ينام في بيته ... هنا بأة هيعمل اضراب و هيضرب

**airbus320** · 17-04-2008 03:01 AM

المشاركة الأصلية كتبت بواسطة gemino

انا باجيب اهرام الجمعة و طبعا انا معاك طبعا بس للاسف مراتى بتحب تقرا صفحة النكد و العواجيز:d(صفحة بريد الاهرام) بس من بعد بكره مافيش جرايد حاتخش البيت و ياريت كمان نحط معاهم القنوات التليفزيونية الارضية المحلية

هو فعلا المقاطعة شاملة القنوات الارضية المحلية

**abdelaziz-waleed** · 17-04-2008 09:32 AM

بصراحة النت خلى الواحد ما بيفكرشي يشتري جرايد خالص على الاقل الواحد ممكن يتتبع الخبر في كذا مكان ويعرف مدى مصداقيته وانا مع المقاطعة

**محمد ابراهيم 1** · 17-04-2008 07:29 PM

يا جماعه الجرايد دى فى الباى باى من زمان
لدرجه تبدل نداء بائعى الجرائد الشهير ( أهرام أخبار جمهوريه ) إلى دستور مصرى اليوم وفد
ولو تعرف أحد بائعى الجرائد إسأله عن توزيع الصحف الحكوميه مقارنه بالصحف المستقله
الناس فاقت من زمان وبطلت تدفع فلوس لناس بتكدب عليها

**TaoTao** · 17-04-2008 10:11 PM

أنا فعلا بعد التهريج بتاع أحداث 6 أبريل كنت بافكر مانشتريش الأهرام تاني (ناس لسة عايشة بعقلية الستينات !!)
بس زي ما قال د. المشد ده إدمان، أنا ساعات باقرا الجورنال ع النت ولما ييجي بابا بالجورنال باقراه تاني !! إدمان .. مافيش متعة -بالنسبة لي- أكتر من إني أمسك الجريدة واقلب الصفحات واختار الأعمدة اللي هاقراها.
ريحة الجريدة نفسها منعشة -بالنسبة لي برضه-
بس أنا مستعد مانشتريش الجريدة من تاني.
على فكرة بابا هو اللي بيجيب الجورنال وانا باضرب عليه ساعتين اقراه وارجعه تاني، وده فكرني بنكتة عن واحد بخيل بعت لجريدة جواب بيهددهم "لو مابطلتوش تكتبوا نكت عن البخلاء .. مش هاستلف الجورنال من جاري تاني" :d:d

**crazylambada** · 17-04-2008 10:16 PM

بامانة احسن جرنال هو المصري اليوم
لان الجرائد القومية مخلية الدنيا وردي
و جرائد المعارضة مخلية الدنيا جحيم
ده غير جرائد الصفراء
اللي عاوز جرنال حلو بامانة المصرياليوم
عهده في الصحافة قليل جدا
بس عمل لنفسه مكانة متميزة جدا

**Noha.M** · 17-04-2008 10:56 PM

المشاركة الأصلية كتبت بواسطة crazylambada

بامانة احسن جرنال هو المصري اليوم
لان الجرائد القومية مخلية الدنيا وردي
و جرائد المعارضة مخلية الدنيا جحيم
ده غير جرائد الصفراء
اللي عاوز جرنال حلو بامانة المصرياليوم
عهده في الصحافة قليل جدا
بس عمل لنفسه مكانة متميزة جدا

انت عامل زى مامتييييييييي

مبتجيييبش غير المصري اليووووووووم

دة حتى والله يوم الجمعة حيث اهرام السيـــاراااااات برضه تجيبلي المصري اليوم

اضطر انا بأة انزل اجيبه بنفسي عشان البواب مش بيعبرنا يوم الجمعة بيبقي ال conge بتاعه :D

**crazylambada** · 17-04-2008 10:58 PM

ههههههههههههههههههه
انا برضه بحب اجيب اخبار اليوم يوم السبت و الاهرام يوم الجمعة
ليه معرفش

**دموع الثلج** · 18-04-2008 10:54 AM

دائما بشترى الاخبار بس بعد موضوع الاضراب اللى حصل تانى يوم رحت اشترى الاخبار ملقتش جبت الجمهوريه وطبعا قريت كلام عن دوله تانى فى اوربا مثلا مش عن مصر وتمجيد ومدح وكلام فارغ

رحت اشوف قناه العربيه او الجزيره لقيت بلاوى مش صور ولا صوت فيديو عن المظاهرات حلفت من ساعتها مش هشترى جرنال حكومى تانى ابدا
والمصرى اليوم برقابتهم