مقاطعة الاهرام والاخبار والجمهورية

**airbus320** · 21-04-2008 06:59 PM

المشاركة الأصلية كتبت بواسطة mohamedsaadaly

ودلوقتي انسي ودا طبعا بعد ما خربوها بالمبتدئين اللي الواحد منهم بقي صحفي عشان بابا وعموا وطنط

لكن حقيقي في الجرايد دي قي ناس كويسة ولكن مخنوقين وممكن نقول كل اسبوع مين الآفضل مثلا بدل المقاطعة اللي ها تزود المنافقي
اخيرا المشاركة احسن حاجة وعامة ها تلاقي معارضة في الجرايد البايظة اكتر بس لاحظ ودي حقيقة مش تمثيل لان القصة كبيرة واحنا عايزين فول بزيت احسن من عسل فيه سم

اخى العزيز اولا شكرا على المشاركة يعنى بعد نقضك للجرايد الحكومية ترجع وتقول لا منقطعش و وضحت اسبابك بس تفتكر ان الاسباب ده منطقية

ثانيا احنا مش عايشين فى عالم ملائكى لكن احنا لما يببقى عندنا قدرة المقاطعة نقدر نجبر الجرايد التانية ان تقول الى احنا عايزينه والا :D

ثالثا الجرايد الحكومية مش فول بالذيت ده فول بالسم كمان فيها كل عيوب الجرايد الخاصة وفوق كده كمان عندها استهزاء شديد بعقول الناس وبعد كده فى جرايد خاصة محترمة جداااااااااااااا

**mohamedsaadaly** · 22-04-2008 04:25 PM

أخي العزيز شكرا علي ردك الجميل
اولا احب ابلغك اني مش معترض علي اي حاجة انت قولتها بل علي العكس انا معاك من ناحية المبدأ ولكن حبيت الفت نظرك فقط لاني لقيت كتير من الاخوة بيبدل جرنان بأخر جديد محدش يعرف مصادر تمويله ايه وكل الناس فاكرة زيك كده انهم محترمين واختي العزيزة ردت عليك وقالت ان مامتها بتشتري المصري
لا انا اسف مين الي بينشر المقالات المشبوهة للمفكر العالمي جمال البنا !!!!
مين الي غير حقاذق في احداث اسكندرية وقيس علي كده عرفت بقي ليه وجب ان احنا ننبه بعضنا زي مانا بقولك مثلا ما تشتريش حاجة من محل معين دول نصابين لا فيها حكومة ولا قطاع خاص وعشان كده كنت بتكلم معاك ان الجرايد المشبوهة مش المنافقة تبقي هي لسان حال الشعب
ياراجل دي المفكر اللي بيصيتوه بيكلم في ثوابت دينية وموضوعات الفتنة يضخموها وغير كدة كتيييير
عامة شكرا لطرحك الموضوع لان ده بيخلي الكل يفكر ويطرح رؤيته والتي لا تفسد للود قضية

**talent** · 22-04-2008 08:33 PM

انا متهيالى والدى عمره ما يقاطع الاهرام
ده انا يوم الجمعه لو نسيت اجيب الاهرام البيت يتقلب
اخواتى و والدى

**airbus320** · 22-04-2008 11:08 PM

المشاركة الأصلية كتبت بواسطة talent

انا متهيالى والدى عمره ما يقاطع الاهرام
ده انا يوم الجمعه لو نسيت اجيب الاهرام البيت يتقلب
اخواتى و والدى

البركة فى الشباب مش لازم 100 فى المية من الناس تشارك بس اهم حاجة يا جماعة فى مقولة نفسى ما اسمعهاش تانى

يعنى هيحصل ايه

لازم نتعلم المشاركة بسلب او الايجاب عندى الناس المعارضة للفكرة احسن من الناس الى مش مهتمة عشان ده مستقبل بلدنا ولازم يبقى لينا راى فى كل حاجة لازم نتعلم النعبير عن الراى