الموضوع: صوت غريب

المشاركة الأصلية كتبت بواسطة tiktaktok2008

بعد إذن صاحب الموضوع.طيب انا كمان عندي المشكلة دي في صوت تكتكه و انا مشي و بيبان خصوصاً و انا علي الغيار الأول و روحت للميكانيكي و خليتو ينضفلي المانفولد بالمرة و يغير جوان التاكيهات و فعلاً العربية سحبها بقى احسن و صوتها بقى انعم كتيير

بس المشكلة دلوقتي ان صوت التكتكه ده لسه موجود و قالي غير الزيت و هو فعلاً كان محتاج يتغير الزيت اللي كنت حاطوا كان وطنية 3000 وغيرتو بزيت موبيل 3000 xhp بس مجاش في بالي خااااااالص حكاية تخليقى و معدني دي معا اني كنت عارفها
المهم رجعت للميكانيكي تاني علشان الصوت حتى بعد تغيير الزيت لسه موجود و قالي امشي بيها النهاردة و بكره ولو لسه موجود هتجيلي تاني و نشوف الشواكيش اكيد في بوش فيهم
انا قلقان و مش عارف اذا كان الموضوع كبير ولا لأ
و يا ريت لو حد متاكد من أن العيب ده من الشواكيش يقولي تمنهم كام علشان لما اروحلوا متصدمش
وأتمنى أن الأستاذ محمد ممدوح يفيدنا بخبرته

انا روحت للميكانيكي امبارح وفتح وش الموتور و فعلاً لقي تلات شواكيش بايظين و متاكلين شوية بالتدريج ( يعني اول واحد أكثرهم تآكلاً لحد التالت )
و الكامه كمان بردو متاكل فيها شوية من نفس الاتجاه بتاع الشواكيش و قالي هنغير 3 شواكيش وعمود الكامه
الشاكوش الاستيراد لقيتو بــ 20 جنية و الجديد بــ 20 جنية طبعاً جبت الجديد و عمود الكامه جبتو بــ 350 جنية GM genuine أصلي يعني وصناعته كوري
و رجعت ركبتهم والحمد لله الصوت راح و معنتش سامع صوت للمكنه خصوصاً مع تنظيف المنفولد قبل كده
.