هستلم اللوجان بكرة وهديكم تقرير مبدئي 16-4-2011

**roua2007** · 16-04-2011 01:19 PM

[justify][justify] بسم الله الرحمن الرحيم

[/justify][/justify][justify][justify][/justify][/justify][justify][justify]ادعولي يا شباب انا ان شاء الله هستلم بكرة

ودي اول مشاركة و اول عربية بردة
انا الحقيقة كنت ناوي اشتري مسعمل علشان انا لسة جديد في العربيات فجبت اكسيل 98 قعديت معايا اسبوع ورجعتها لان صاحبها مكنش صادق معايا والعربية كان فيها مشاكل فلما قررت اني اجيب جديد ودورت علي النت ملقتش احسن من المنتدي ده وملاقتش احسن من اللوجن في التقيم ويارب تكون عند الظن لاني متفائل الحقيقة وهكتب تقرير مفصل علي قد مقدر ان شاء الله

علي العموم انا جبت اللوجن موديل 2011

من معرض السبع مصر الجديدة

مبلغ 68500
اللون بترولي
قسط بنك الاهلي سوسيتية
تامين مصر للتامين %3
وانتظرو بقيت التفاصيل والتقرير
ولو حد عنده نصيحة ليه في الاستلام و التلين والمرور ياريت يقولي
وادعولي ربنا يكفيني شرها
[/justify][/justify]

**HOSSAM99** · 16-04-2011 01:40 PM

السلام عليكم و رحمة الله و بركاته
إن شاء الله تستلم العربيه علي خير و ربنا يكرمك فيها
و إن شاء الله مشاركاتك تدوم في النتدي
بخصوص الإستلام ركز مع الدهان ميكنش فيه غلطه هو و الزجاج
و تأكد من أن جميع الوظائف في العربيه تعمل و بكفائه
و تأكد من منسوب الزيوت و المياه في العربيه
تأكد من الكاوتش بأنه بحاله سليمه ولا يظهر عليه أي آثار للتلف و معه الجنوط

أما التليين خليك أمشي بيها 1000 كيلوا علي أر بي أم أقل من 3
أما المرور فهو موضوع بسيط بتاخد ورق العربيه من المعرض أو المندوب بياخدهم و بيروح معاك تخلص كل حاجه إن شاء الله

و ألف مبروك

**roua2007** · 16-04-2011 02:28 PM

مشكوووووور والله يعطيك الف عافيه
وانشاء الله تعدي علي خير لاني مقلق شوية لانها اول عربية وخايف حد يضحك عليا في حاجة

**HOSSAM99** · 16-04-2011 02:42 PM

متخفش إن شاء الله تعدي علي خير و جمد قلبك كده و إن شاء الله متكنش آخر عربيه و تكون بداية خير

**roua2007** · 16-04-2011 03:18 PM

الاستبن بيبقي نفس النوع ولا لا
ومعلش علي الزن بس انا لوجاني جديد

**osama.m** · 16-04-2011 03:26 PM

الف مبروك مقدما و ربنا يديك خيرها و يكفيك شرها

و متمضيش على اقرار الاستلام قبل ا تشوف كل حاجة في العربية الاول .. جرب كل حاجة فيها و اتأكد من عداد الكيلومترات شغال ولا لأ
شوف دهان العربية كويس و الفوانيس
لما تخرج بالعربية عدي على اول بنزينة و ظبط ضغط الهوا عشان بيبقوا مزودينة

مبروك مقدما يا باشا

**HOSSAM99** · 16-04-2011 03:26 PM

أنا مش معايا لوجان لكن أتفرجت علي عربيتين لوجان قبل كده و الإستبن نفس النوع لكن هاتلاقي عليه تقريبا أختام ملونه و خطوط كده
و متقلقش كله بيبقي تمام

**roua2007** · 16-04-2011 03:45 PM

لا اخرج بيها افول ولا لا
علشان انا سمعت ناس بتقول متفولش اول مرة مش عارف ليه
وحكاية التكيف اكيد انا بكرة هشغلة علشان بكرة حر مووووووووووووووووووووووت

**ABOHAZEM_NEW** · 16-04-2011 04:57 PM

1- ألف مبروك وربنا يبارك لك فيها ويكفيك شرها وإن شاء الله تكون فاتحة خير عليك
2- ياريت يكون معاك أسرتك أو صديق وفى علشان لو نسيت حاجة يفكرك ويكون الإستلام فى نور ربنا الصبح يعنى
3- خد وقتك فى الإستلام ومحدش من المعرض يستعجلك ولف حوالين العربية كلها عينك على الصاج كله ولو فى بلاستيك أبيض شيله تذكر أن تقول بإستمرار بسم الله ماشاء الله
4- جرب كل زراير الأنوار والإشارات شغل التكييف (سخن وبارد) - زاير الأزاز ، وزرار التحكم فى المرايات (يمين وشمال)
5- شغل الكاسيت ويكون معاك إسطوانه أديو (لازم تكون أديو ) ومستساش علبة وش الكاست والإريال وبالمره الكوريك والإستبن من يكون زى باقى العجل
6- هيكون فى كتاب الكتالوج (الضمان) وكتالوج الكاسبت وعقد المبايعه وصورة شهادة الإفراج لو أنت هتكمل موضوع المرور لوحدك (المسأله بسيطة ولما تستلم إن شاء الله هنقول كل التفاصيل)
7 - شيك على السوائل وأعرف مكانها (ماء ريديتير ، ماء مساحات ، زيت فرامل ، زيت باور)
8- شيك على قراءة عداد السرعه(فى التوكيل بيكون أقل من 10 كم) وتأكد من مستوى البنزين وأسال فى المعرض أقرب بنزيه كويسه علشان تمون
9- سم الله وتوكل عليه وإن شاء الله كله هيكون تمام وتذكرنا بالدعاء