الف مبروك وربنا يباركلك فيها ان شاء الله
رقم العضوية : 92470
تاريخ التسجيل : 26Mar2011
المشاركات : 65
النوع : ذكر
الاقامة : Maadi
السيارة: نيسان صني 2011
السيارة[2]: دايو لانوس 2006
الحالة :
السلام عليكم ورحمة الله وبركاته
أسعد الله أوقاتكم بكل خير
بدايتاً أعتذر عن تأخري في إنشاء هذا الموضوع لأني كنت تعبان شوية بسبب تغيير الجو وبعدين لعدة اسباب هتعرفوها ان شاء الله خلال الموضوع . أيضاً أنا بعتذر لأني محطتش صور في الموضوع عشان كاميرا الموبايل بتاعي تعبانه وعشان مكنش عندي وقت بصراحه اني أخد صور للعربية بسبب ظروف الشغل والترخيص . إذا ربنا اراد هاخد صور بموبايل واحد صحبي وأحطها كرد في الموضوع هنا.
الحمد لله والفضل لله أستلمت العربية يوم السبت اللي فات وقمت بإنهاء أجراءات ترخيصها اليوم .
بالنسبة لحجز العربية وأستلامها : أنا عايز اقول اني حجزت العربية يوم 2 / 4 وأستلمتها يوم السبت اللي فات 16 / 4 من معرض السبع موتورز الموجود بشارع اللاسلكي بالمعادي . بدايتاً المعرض كويس وكل حاجه وأسلوب المبيعات في الشرح جميل وواضح بس الملاحظ عدم اهتمام المبيعات بالعملاء نهائياً لا حد بيتصل بيك ولا بتاخد مواعيد مظبوطه ولا حد بيديك معلومات عن أي حاجه خالص . بمعنى أنا حجزت العربية يوم 2 وورقها خلص بعدها بأربع أيام . كل يوم يقولوا ليك هتستلم العربية بعد يومين وهنتصل بيك ومفيش حد بيتصل بيك ومن الاخر كل شوية أتصل يقولوا ليا يومين وتستلم العربية وهكذا لحد ما استلمتها . المشكلة انك مش بتسمع اسباب مقنعه ولا بتعرف أيه سبب التأخير لدرجة أني جالي توهم أنهم عندهم العربية وحطينها في المعرض يومين للعرض قبل ما أستلمها . ثانياً ورق العربية عشان ترخصها نفس النظام يومين في يومين ومفيش حد بيتصل بيك يقولك أي حاجه خالص بالاضافة إلى ان في عدم مصداقية في التعامل بتاخد معلومات وكلام مش صحيح في بعض الاحيان . بالاضافة ودي ملاحظة مهمة جداً يا جماعة ورق المبايعة بتاعت العربية ليك مش مكتوب فيها غير أسمك فقط لا مكتوب فيها رقم بطاقتك ولا عنوانك ولا تليفون حتى هو أسمك فقط والموضوع ده عملي مشكلة كبيرة لأنهم كانوا كاتبين الاسم الرابع عندي غلط ( مع أنهم معاهم صورة البطاقة بتاعتي ) وعشان يتصلح الاسم يوم كمان وفي الاخر وبعد قرف الراجل راح مصحح الاسم بقلم جاف مع أن الاسم مطبوع بالكمبيوتر بوصوا أي عك في أي عك .
الخلاصة: بالنسبة لتقييمي للمعرض هو ممتاز كشرح وطريقة عرض العربية بس سيء جداً من ناحية الاهتمام بالعملاء بعد الشراء . ثانياً لا توجد عينات ألوان في المعرض تقدر تختار منها لون العربية اللي يعجبك . مفيش غير في برشور العربية بس وبصراحه الصور بتختلف عن الواقع بس على الاقل كانوا جابوا زي قطع صغيرة عليها اللون (زي غطاء تنك البنزين مثلاً ) حاجه تشبة غطاء تنك البنزين في الحجم وعليها اللون بتاع العربية .
بالنسبة للعربية : العربية بسم الله ما شاء الله جميلة جداً وناعمة في السواقة ومريحة وتقفيل العربية من جوه وبره ممتاز وده بيدل على الجودة المصرية في التجميع . العربية فيها الاوبشينز اللي ممكن أي واحد يحتاجه زجاج كهرباء وكاسيت CD يدعم MP3 و WMA بالاضافة إلى وصلة خارجية AUX تقدر تشتري أي وصلة من راديو شاك وتوصل الكاسيت بالموبايل أو mp3 بتاعك ، لوحة العدادات رياضية وجميلة فيها عداد RPM وساعة رقمية بالاضافة إلى العدادات التقليدية ، وسادة هوائية للسائق فقط ، مرايات كهرباء ، زر قفل مركزي للأبواب والشبابيك ، فوجات ، ريموت كنترول وأنذار ، أماكن تخزين كثيرة في مقصورة القيادة . ( اللي عايز المميزات كلها أنا ممكن اكتبها ليه من الكتالوج بتاع العربية )
الخلاصة : العربية مريحة جداً وجميلة بس من الملاحظ التالي : أستهلاك الوقود عندي مرتفع جداً ( العربية أتوماتيك ) ومش عارف اعمل أيه بصراحه والموضوع ده مضايقني أوي .. أرجوا الافادة ، يجب غلق الابواب بقوة نوعاً ما عشان تتقفل صح ( محتاجه ظبط أبواب ) ، لو نسيت وبطلت العربية خالص وشيلت المفتاح وزجاج الشبابيك مفتوح لازم تحط المفتاح تاني وعلى الاقل تشغل كونتاك عشان تقدر تقفل الزجاج ( مع العلم أن في سيارات بتديك 15 ثانية أو أكثر لأغلاق زجاج الشبابيك بعد سحب المفتاح من الكونتاك ) ، مش فاهم ومش قادر أفهم لحد دلوقتي رغم أني قرأت موضوع هنا في المنتديات بخصوص زر Over Drive الموجود بالفتيس الاتوماتيك بس مش قادر أفهم لحد دلوقتي هل موضوع Over Drive ده كويس ولا وحش ؟ وأمتى الواحد يستخدمه ؟ ثانياً بغض النظر عن وضع الزر (OFF | ON) هل لما اللمبة تنور في التبلوه بتاعت O/D off هل ده معناه أن Over Drive غير شغال ولا شغال؟؟
أصل المنطقي أن مدام Over Drive مش شغال يبقه اللمبة تكون مطفية لكن اللمبة لما بتنور بتظهر O/D off أنتا واخدين بالكم أن في كلمة Off فأنا مش فاهم بصراحه بقه أيه اللخبطة دي. ثالثاً هل من الخطأ أن الواحد يعمل تليين ووضع Over Drive يعمل ؟؟ رابعاً هل من الممكن أن وضع Over Drive ده هو السبب في أستهلاك البنزين الزائد اللي بعاني منه؟؟
بالنسبة لموضوع الترخيص : يا خراااااااااااااااااشي على اللي بيحصل في البلد . يا جماعة أحنا عندنا مشكلة بجد في المرور والموظفين لسه كأن الثورة محصلتش وبعدين سيبك من كده مش هعلق على النقطة دي عشان قلت بصراحه والناس بطلوا ياخدوا فلوس شوية . بس اللي لاحظته جايبين موظفين مش فاهمين أي حاجه خالص خالص ومقعدينهم في الشبابيك عشان يرخصوا للناس عربياتهم لا بيعرفوا يستخدموا الكمبيوتر ولا اي حاجه وعقبال ما يكتبوا حرف على الكمبيوتر يا نهاااااااااار يكون الناس زهقت واتخنقت يعني على سبيل المثال أنا العنوان بتاعي (الحمد لله أني لاحظت قبل ما الرخصة تطبع) أن العنوان كله ملزق في بعضه مفيش مسافات بين الكلمات زي مثلاً: مدينةنصرشارععباس العقاد وكلمة صني مكتوبة صاني (دي أطبعت في الرخصة كده ) ورقم الشاسية مكتوب 16Z0009999999 (الرقم مش حقيقي) معرفش أول مرة أشوف رقم شاسيه فيه 16Z مش عارف ده أيه ده (ده أطبع في الرخصة كده )؟ ومن الملاحظ بقه أن لسه في كوسة ولسه في ناس واسطة بتخلص ورقها الاول ولسه في ناس بتقعد تشرب الشاي مع الباشا لحد ما ورقها يخلص وهما مستريحين وفي لسه موظفين بياخدوا أكراميات أو رشوة أو هدية أو عربون محبه سموها زي ما تسموها الواحد اتخنق بجد .
بتروح تشتري ورق الترخيص من الخزينة الاول ثم تخلي المختص ياخد ليك بصمة الماتور والشاسية وبعدين تخلي المهندس المختص في نفس المكان يختم على ورق الفحص ثم تروح تشتري طفاية الحريق وتختم الورقة بتاعتها ثم تتجه إلى أي كشك تأمين وتدفع قيمة التأمين الاجباري على حسب المدة اللي أنتا عايزها ثم تروح لشباك تصوير المستندات تشتري منه دوسيه وإذن استلام ثم تروح للشباك المختص وتديله كل الورق في الملف . هتستلم ورقة تروح تدفع بيها الضريبة في الخزينة وبعدين هترجع للشباك بتاع ترخيص العربيات الجديدة وأول لما الموظف المختص يخلص مراجعة ورقك هيقولك انتظر أستلام الرخصة . تروح تستنى عند شباك استلام الرخصة وبعدين لما تستلمها أن شاء الله بإذن الله راجع بياناتها كلها وأتأكد أن كل حاجه صح في الرخصة ثم روح لشباك استلام اللوحات المعدنية وأستلم لوحاتك وخلي الراجل المختص هو اللي يركبها ليك وألف مبروك وربنا يبارك ليك في عربيتك ويديك خيرها ويكفيك شرها وشر الطريق .
الخلاصة : طفاية الحريق بـ 121 ج وتأمين أجباري 3 سنوات بـ 318 ج وورق ترخيص 3 سنوات بـ 45 ج وضريبة 3 سنوات بـ 813 ج.
شكراً ليكم وبعتذر على التأخر في عمل الموضوع ده وبإذن الله قريب هجيب ليكم صور العربية .
أشهد أن لا إله إلاَّ الله وأشهد أن محمد رسول الله
سبحان الله وبحمده ... سبحان الله العظيم
رقم العضوية : 26900
تاريخ التسجيل : 05Dec2008
المشاركات : 2,549
النوع : ذكر
الاقامة : Cairo
السيارة: nissan sunny 2010
السيارة[2]: فولكس بورا 2002
دراجة بخارية: لا يوجد
الحالة :
الف مبروك وربنا يباركلك فيها ان شاء الله
رقم العضوية : 78571
تاريخ التسجيل : 25Aug2010
المشاركات : 879
النوع : ذكر
الاقامة : Cairo-Fayoum
السيارة: Corolla06-Lancer ex sport
السيارة[2]: Vectra98-Megan06pano
دراجة بخارية: no
الحالة :
الف مبروك وربنا يباركلك فيها ويديك خيرها ويكفيك شرها بالنسبه للاستهلاك هايتحسن بعد فترة التليين خلال الفتره دى بلاش حرق او تشغيل التكييف بمعنى ماتعديش 3 ار بى ام
انا الاوفر درايف ده بيشتغل بعد 90 او 80 المهم انه بيشتغل على السرعه العاليه فقط بس اللمبه بتنور عادى وانت بطئ بس مابيشتغلش بس كده
رضيت بالله ربا وبالاسلام دينا وبمحمدا صلى الله عليه وسلم نبيا ورسولا______________
Ahmed hussein
mido353235 سابقا
رقم العضوية : 60382
تاريخ التسجيل : 29Jan2010
المشاركات : 568
النوع : ذكر
الاقامة : 10th of Ramadan
السيارة: -
السيارة[2]: Sunny EX AT 2011
دراجة بخارية: -
الحالة :
الف الف مبروك ... وربنا يرزقك خيرها و يكفيك شرها ....
و الحمد لله انك استلمت ورخصت على خير
نقطة مهمة جدا جدا جدا ..... لازم تخلى اللمبة اللي مكتوب عليها o/d off ( مطفية ) - كدا يبقى يبقى تمام .. و ان شاء الله مش هتعاني من الاستهلاك العالي للبنزين اللي بتتكلم عنه ...
و للتوضيح معنى (o/d off ) غلق النقله الاعلى للاوتوماتيك - اللي هيا الرابعة - و ذلك للحرق على النقلة الادني - لزيادة تسارع السيارة ... --- معلش على قد فهمي ----- يعني لما تكون اللمبة منورة هتلاحظ ان السيارة بتنقل و الار بي ام عالي ... لكن لو مطفية هتلاحظ انها بتنقل و الار بي ام قليل - تقريبا 2.5 -
نقطة كمان ... انا معاك تماما ان المرور عندنا لسة تقريبا زي ما هوا - الا ما رحم ربي - ..... مش عارف شكلهم عاوزين 70 ثورة علشان يتعدلو .... ربنا المستعان
[aldl]http://www.sarkosa.com/vb/imgcache/36351.imgcache.gif[/aldl]
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
وعليكم السلام ورحمة الله وبركاته
اولا.... الف الف الف مبارك عليك ا /محمد علي الصني ...وربما يرزقك خيرها ويكفيك شرها.... وربنا يحفظهالك من كل عين ان شاء الله
بالنسبة للسبع ا لمشكله ان دلوقتي ممكن تلاقي تأخير في تسليم العربيات لان الحجز عليها زاد ... والعربية هاتغلي زي مانت عارف .... وبالنسبه للورق بتاع العربية هو بيجي بعد العربية بيومين ولا حاجه .. لكن موضوع المبايعه بلاسم بس ده انا مخدتش بالي منه.....!!!!!
بالنسبه لاستهلاك البنزين ... متحكمش عليه خالص دلوقتي بعد التليين ومعاك لغاية 10000 ويكون طريق طوالي وفي معانا (ا/محمد نجيب) عربيته اوتو عامل في الصفيحة حوالي 257 كم .... رقم ممتاز ماشاء الله
والازا انتت كده كده هاتتعود عليه .. وتبفي تركب عرض مودرن ( سينسور ركن+ وحدات رفع) وتكبر دماغك
بالنسبه للاوفر درايف .... انا مفهمش فيه بصراحة .. ان شاء الله حبايبي معاك هايشرحهولك ان شاء الله
وانا بصراحه مش عايز اتكلم علي المرور علشان مفتكرش واليوم يضيع مني :)))
المهن انك خلصت علي خير الحمد الله ... وطبعا عايزين نشوف حضرتك في اقرب وقت .... ومتحرمناش بقي من مشاركاتك الطيبه .... وربنا ييسرلك الخير ان شاء الله
اقعد بالعافية
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الف مبروك وان شاء الله تستمتع بيها وربنا يحفظهالك
رقم العضوية : 92470
تاريخ التسجيل : 26Mar2011
المشاركات : 65
النوع : ذكر
الاقامة : Maadi
السيارة: نيسان صني 2011
السيارة[2]: دايو لانوس 2006
الحالة :
والله انا بحبكم كلكم كتير والله بحبكم في الله .. أنتوا أجمل اعضاء أنا قابلتها في حياتي ودودين جداً وديماً بنساعد بعض وبنفيد بعض بخبراتنا .. ربنا يبارك ليكم ويوفقكم ويبارك ليكم في عربياتكم ويكفيكم شرها وشر الطريق ..
أنا دلوقتي اللي هعمله كالتالي : هخلي لمبة Over Drive مطفية ( مطفية مطفية مطفية ) يعني مش منورة في التبلوة خالص بغض النظر عن حالة الزر إذا كان مضغوط أو لأ . وبصراحه أنا مش من النوع اللي بيجري في الشارع ويعمل سباقات والكلام ده عشان هو أصلاً الشوارع مش مستحمله وحتى في السفر بتلاقي الردار محطوط يعني أنتا مربوط مربوط فأنا شكلي مش هستعمل زر Over Drive ده نهائياً .
ثانياً مش هتخطى سرعة 90 لحد ما أعدي فترة أول 1000 كلم .
بس دلوقتي الاستفسار بتاعي أنا سمعت أن مركز صيانة السبع بيحط زيت شل 10000 لما تروح تعمل صيانة 1000 عنده هل ده صحيح ولا لأ ؟ وأيه أفضل زيت أحطه في العربية عشان انا محتار بين زيت موبل 1 وزيت شل وسمعت عن زيت فيسكو 5000 بيقولوا ممتاز وزيت تخليقي .
أهم من ده كلو أنا بشكركم كتيييييييييييييير كتييييييييييييير يا جماعة على أهتمامكم بالرد عليا والدعاء ليا ولكم بالمثل أن شاء الله بإذن الله .
عايز اعرف بقه لو أنا حبيت أعدل الموضوع ده وأحط صور للعربية اعمل أيه؟؟؟ وأرفع الصور فين؟؟؟
شكراً كتير ليكم يا أجمل أعضاء ..
أشهد أن لا إله إلاَّ الله وأشهد أن محمد رسول الله
سبحان الله وبحمده ... سبحان الله العظيم
رقم العضوية : 82616
تاريخ التسجيل : 03Dec2010
المشاركات : 6,066
النوع : ذكر
الاقامة : حلمية الكلاماتا :)))
السيارة: Ex Sunny M/F/O 2011
السيارة[2]: Polo M/F/O 1995
دراجة بخارية: مولتوسيكل :)
الحالة :
أحبك الذي أحببتنا فيه .. جزاك الله خيرا أ/محمد ومشكور علي الدعوات الطيبـــــــــــة ديه
ربنا يعزك ويبارك في عمرك.
بالنسبة للسبع بيحط شل 5000 او 10000 زي ما انت تحب وبيحط 3 زجاجات لتر = تقريبا بـ190 جنيه ال10000
وهو افضل من موبيل علي رأي كثير من الاعضاء
فيسكو .... محدش شجعني عليه .... خليك في الشل.
بالنسبة للصور وتعديل الموضوع
جنب اي مشاركة هتلاقي علامة حمراء علي اليمين اسمه تقرير مشاركة ... شوف انت هاتعدل ايه وظبطه وزي الفل وابعته في تقرير المشاركة اللي هاتبعته
بالنسبة لرفع الصور
الموضوع ده هايفيدك ... طريقة ادراج الصور (صور + شرح)
http://www.nilemotors.net/Nile/203183-a.html
واي استفسار احنا تحت أمرك
اقعد بألف عافية
أُمـــ الغوالــــــــــــــــي ..... أُسطــــورة لـــــهــــــا تاريـــــخ
[img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
[marq="4;right;2;scroll"]Eng.Hussein GaMal[/marq]
[marq="4;left;2;scroll"]Mob. +20111 960-9399[/marq]
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
الف مليون مبروك الاستلام على خير الحمد لله
وربنا يعطيك خيرها ويكيفك شرها يارب
بخصوص الابواب عندك اى باب حاسس ان قفله متعب شوية قولهم عليه فى صيانة الالف اللى جاية
حاول تخلص فترة التليين بسرعة واتبع موضوع التليين اللى فى القسم عندنا وامشى على خطواته
بخصوص صيانة الالف لو حتعملها فى السبع حاول تبعد عن يوم السبت ده لانه بيكون زحمة جداا , وروح يوم غيره عشان الضغط اللى عليهم
حتحط زيت شل وحتتحاسب على الكمية اللى حيخدها الماتور , انت مفروض بالفتر حتاخد 2,8 بس حتتاحسب على 3 المهم
ابعد عن زيت فيسكو خالصصص ناس جربوه ومش كويس , وبعدين زيت شل ممتاز وبيستخدم فى عربيات مشهورة وكبيرة زى الاودى والجولف , وزيت محترم جدا
وبخصوص الاوفر دريف , بص الاول لازم تعرف معنى الاوفر دريف الاول
هو نقلة رابعة زيادة , انت مفروض ان ماشى العربية بتنقل 4 نقلات وعامل اوفر دريف , لما بتدوس على الزار , بيكتبلك اوف فى الشاشة , وبكدا العربية بتقفل الاوفر دريف وبتنقل 3 غيارات , وبتحرق بيهم , وكمان صوت الماتور بيعلى شويتين ,
فالخوف لتكون كنت مخلى اللمبة منورة وماشى بيه فعشان كدا استهلك بنزين شويتين
اهم حاجة تخلى اللمبة دى مش منورة ابدا , الا وقت الطلب عشان تحرق بيه , بس الكلام ده مش دلوقتى ابدا لما توصل الى 800 كيلو وتكون لينت شوية
وبردوا حاول تحط نيتروجين عشان الدنيا تتظبط معاك وتلاقى العربية ناعمة معاك فى المطبات ومتدبش وكمان بيكون افضل للكاوتش وبيحافظ عليه وبيخليه بارد دايما
وبخصوص تركيب عرض مودرن للسنسور ووحدة الرفع كمان اسبوعين المهندس اللى اعرفه حيكون فى مودرن ابورواش وحيظبطلك الدنيا ونعملك خصم ونظبطلك الدنيا لما يرجع بس من فرع اسكندرية واروح مع حضرتك كمان
تحياتى ليك يا استاذ محمد وبالتوفيق ان شاء واى خدمة كلنا حاضرين
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 27398
تاريخ التسجيل : 11Dec2008
المشاركات : 1,307
النوع : ذكر
الاقامة : Egypt
السيارة: Sunny 2011
السيارة[2]: X - A 516
الحالة :
للعلم زيت موبيل وان بتاع ال 10 الف و شيل بتاع ال 10 الف مش فارق خالص بل العكس ممكن شيل منتشر عن موبيل
بالتوفيق والف مبروك واختيار موفق واستهلاك البنزين فى المتوسط من 180 الى 200 فى الصفيحة
وفى راءى ان احسن موزع مهتمد بالترتيب هما حسب الاهتمام بالعملاء
المتحده --- عند الرقابة الادارية -- عن تجربة
اوتو ايجبت - مهندسين و مدينة نصر --- عن تجارب الاعضاء
السبع - المعادى --- عن تعتمل و استفسار
المفضلات