الموضوع: إستفسار عن الباك فاير

أيوا طبعاً ،، دي بيتعلملها شغل في الشجرة بتاعت الجكمان ولا اياً كان أسمها !! علشان متعملش باك بريشير جامد على الموتور !!! :((

ماجيفر

لا يا مجيفر بيتعمله تعديل في الشجرة بتاعت الجاكمان

و علشان يكون صح بيتعمل معاه تعديل في الكزوزت كمان ،، أنا شغال دلوقتي في موضوع الباك فاير ده و بترجم عنه مواضيع ،، علشان كنت حاطط موضوع في قسم التعديل عن كل ما يخص تعديل نظام العادم

و دلوقتي حلحق بيه موضوع عن الباك فاير أن شاء الله حيحل شفرة الموضوع ده خالص ،، بس بترجم فيه و بجمع معلومات من هنا و من هنا بس للأسف متأخر شوية علشان أمتحاناتي شغالة حالياً

و لما أنزلك الموضوع بالمصدر بتاعه حتعرف أن الباك فاير الصح بيتعمل فيه تعديل في الشجرة .. ده لاااااازم !!

و كون أن حد يعمل باكل فاير بموبينه و بوجيه و يعد يعمله على الفاضي و المليان ده كده بيقضي على موتوره !! و مش محتاجه تفكير أوي لأن المفروض بالعقل كده !!

العادم طالع براحته !! و فجأة مرة واحدة بيحصل أنفجار في آخر أنبوبة العادم !! ده بيزود الباك بريشر مرة واحدة على الموتور و بيحصل "نوكينج" في البساتم ، ممكن بعد الشر تجيب معاك طقم باستم و صبابات !

و ممكن تكسر كرنك كمان !!!

لأن منظومة عمل البساتم بتتبرجل لأن الي عمل كده معملش حساب ان الباك بريشر ممكن يزيد مرة واحدة و مش عامل حساب الضغط ده ولا سماحات ليه !!
و مرة على مرة على مرة !! بتبوظ !!
و هي ممكن تتعمل بسهولة في أي عربية كاربراتير بطريقة معينة كده !! بس مش تنفع للمنظرة !! علشان بيبقى شكلها عيرة أوي !! :)))

المشاركة الأصلية كتبت بواسطة ggaamm

هو حضرتك تقصد أيه بالحتة دى أنا مش فاهم يريت توضح

بجد توهت منك هنا :))

الموضوع أيه ببساطة ؟؟

هو أنك تطلع بنزين مش محروق ،، في العادم من ورا !! في الكزوست يعني ،، و انا بدور علشان أكمل الموضوع بتاعي بتاع تعديل العادم
لقيت الطريقة دي موجودة في مواقع كتيرة ،، بتختلف الطريقة بمعدل طفيف من موقع للتاني ،، و لكنها في الغالب واحدة و جربتها على عربيى شاهين موديل 2000 بنفسي :))) و كانت نتيجة حلوة يعني أوي

الموضوع انك تدور العربية ،، لحححد ماتوصل لدرجة حرارة التشغيل بتاعتها "تسخمنها يعني"
بعد كده دوس بنزين بحيث الآر بي أم يعلى،، أنا فضلت عاملة كده و الآربي ام على معايا لحد 3500 و تقوم طافي الموتور !! "تقفل كونتاكت يعني"
و تقوم دايس بنزين لحد الآخر و العربية مش دايرة ثانيتين او تلاته كده و بعد كده دور العربية بسرعة و دوس بنزين برده لما تبدأ تدور !!! و دوس جامد !!!

النتيجة أني سمعت طرقعة غريبة من ورا ،، و الواد صاحب العربية قعد يقول "أوباااا .. أيه الحلاوة دييي !!"

و أنا قاعد جوا العربية باشا

بس المشكلة أن كده و عملها كتير ،، بدون متكون مجهز العادم بتاعك و معدل في الشجرة و المواسير
بيضر العربية جددددددددددداً !!!!!!!!!! و ممكن يبوظلك موتورك ،، و على أقل تقدير يبوظلك المحول الحفزي بتاعك "بيجيبلك آخرة .. بياكله و يبوظه بسرررررعة أوي عن المعتاد"

بس ده في حالة تكرارها أكتر من مرة !! :)
================================
الفكرة أن ده بينفع في الكاربرايتر مش الأنجيكشان ،، انك لما بتدوس على الدواسة سواء العربية دايرة أو لا !! انت بتدخل بنزين في الكاربراتير !!! ده الطبيعي ،، عكس الانجيكشان الي لما بتدوس في بنزين سواء الموتور شغال أو لا !! انت بتفتح الثروتال فالف ،، علشان يدخل هوا ،، و حساس الماف هوا الي بيحسب العملية و يدخل على أساسها البنزين اللازم لحتراق الوقود أحتراقاً كاملاً نظرياً و طبيعياً يساعده في تلك العملية "حساس البوابة و حساس حرارة الهواء الداخل و درجة حرارة الموتور التقريبية و حساس العادم __في اغلب العربيات الحقن وقود الحديقة و ليس كلها"
بالتالي الحساسات دي كلها بتقلل جداً فرصة طلوع بنزين مش محروق من السليندر أصلاً "أحتراق عير كامل"

ده لينك رفرينس لطريقة عمل الباك فاير على العربيات العادية بالطريقة الي شرحتها فوق دي

أكتب بس في جوجل how to back fire your exhaust ?و أنت حتلاقي عليه حاجات بالهبل

تختلف بسيطاً ،، لكن الفكرة العامة واحدة :)

تحياتي و يا رب أكون أفادتك :)

How to Make a Car Backfire - wikiHow