يا جماعة ليه ما فيش حد بيتكلم فى البورصه
هل فى حد هنا من المهتميين ببورصة الأوراق المالية
لو فى حد ياريت يقول عشان نتبادل الخبرات
عرض للطباعة
يا جماعة ليه ما فيش حد بيتكلم فى البورصه
هل فى حد هنا من المهتميين ببورصة الأوراق المالية
لو فى حد ياريت يقول عشان نتبادل الخبرات
جلسة النهارده تخلي محدش يفتح بقه تاني في الموضوع ده :(
طلعت مصطفى ... قصدي نزلت مصطفى :mad: خربها
ده اللى انا عايزه نتبادل الخبرات ونكسب بعض
No Risk No Fun
قصدك ::
يفوز باللذات كل مغامر ****** ويموت بالحسرات كل جبان
انا تعاملاتي كلها في بورصه العملات Forex
معنديش فكره عن البورصه المحليه ولو ان عندي شوية فضول للتعامل فيها
انا مشتغلش فوركس خالص
كل شغلي بورصه محليه ... قصدي ممره :>
البورصه المصريه فيها فرص كويسه بس محتاجه اسلوب مختلف في التعامل
يعني لو انت دارس تحليل فني وفاهم
ما تحاولش تطبق حاجه من ده هنا
أنا نفسى نتناقش يحيث تعم الفائدة
اي سؤال انا تحت امرك (في حدود معلوماتي طبعا)اقتباس:
أنا نفسى نتناقش يحيث تعم الفائدة
انا تعاملي مع شركه فوركس سوليوشن وهي وكيل امريكي لبنك امريكي اسمه مورجان بانك
الهامش المستعمل هو 400 ضعف المبلغ (طبعا هيا مخاطره عاليه جدا بس ده النظام اللي عاجبني) وطبعا ممكن تفتح حساب ميني ستاندر بـ 250 دولار
مشكلتها انها بتجيب للواحد ضغط و صعب ان الواحد يقوم من قدام الكمبيوتر
لانها بتتطلب فهم عالي اوي اوي و عايزة متابعه لكل شارده ووارده سواء اقتصاديه او سياسيه بخصوص العملات اللي بتتعامل معاها ... (24 ساعه يوميا على مدى 5 ايام في الاسبوع .... وخر يا ابو السيد بقا :d )
يعني مثلا في تعاملاتي مع الاسترليني و الين لازم اتابع سياسات الاقتصاد المحلي و الخارجي لكلا الدولتين و طبعا مشاكلهم السياسيه و اضف لده الكوارث و العمليات الارهابيه و طبعا على راس ده كله اقتصاد و سياسه امريكه لانها المتحكم الاساسي في اقتصاد العالم
وكل شوية الحق ... دول ال G8 الكبرى عامله اجتماع اقتصادي ... وتلاقي بيانات الاجتماع ده بتتسرب للبنوك و انتا طبعا قاعد تتفرج و مش عارف تعمل ايه ...وتبقا على اعصابك لمده يوم كامل
من تجربتي معاها حوالي 4 سنين هيا اجمالا كويسه
بس مش عايزة واحد يكون ماشي زي ما الناس اللي زيه ماشيه ... لان اللي بيتحكم في السوق ده بنوك ... وفي لحظة واحده ممكن تصفرلك حسابك وانتا بتتفرج ... فلازم تعمل تحليل فني و اساسي قوي جدا وتتابع تحاليل البنوك الكبيره (وخصوصا السويسريه)
والدخول بتأني وحذر و الخروج بسرعه جدا
بس على اي حال اللي بيفهما كويس اوي بيكسب ... اللي بيفتكر نفسو انو علامه زمانه (زي اخ سعودي) هتلاقي 2 مليون دولار راحو منك في ساعه زمن
هوا انا نفسي فعلا اشوف نظام البورصه المصريه لان التنشن والشد العصبي فيها اقل بكتييييييير
بس مش عارف اوصل لاي حاجة من البورصه المصريه علشان اجرب فيها بشكل (وهمي) علشان طبعا مخسرش فلوس بجد
وسمعت طبعا انها افضل بورصه على مستوى المنطقه من ناحيه الدخل و اسوء بورصه على مستوى المنطقه من ناحيه المصداقيه ... فمش عارف إلا لما اجربها وربنا يسهل
اللى انا شايفه هنا فى بورصة الأوراق الماليه
الشركات الكسبانه بتخسر زى نزلت مصطفى والشركات الخسرانه بتكسب
فالعبره هنا ان الواحد يشوف الموجه رايحة فين ويحاول يخش من غيرمخاطرة كبيره عشان يكسب فى المعقول
مثال
فى هوجه الكابلات
انا أشتريت 2000 سهم وكسبت فيهم 2000 جنيه فى حين ان لى أصدقاء اشتره 5000 سهم وكسبه 5000 جنيه وما يزالو بيلعبو فى الكابلات وانا قلت شكرا يا كابلات
البورصه المصريه اتطورت اخر سنتين بصوره ملحوظه
وان كان تحكمها للاسف معايير مختلفه
اهمها تسرب كتيير من اخبار الشركات .... و غالبا مجموعه محدوده بتقدر تشتغل على الاخبار دي ... وتلبس الباقي
عشان كده لازم يكون عندك مصادر للاخبار ... عشان تقدر تلعب معاهم
في المجمل ممكن لو اتلعبت بحرص تحقق عائد سنوي معقول جدا بس تبعد عن الجيمات والمضاربات الا لو عند اخبارها ............
الكابلات لسه فيها كلام كتيير
حلو انك تجني ارباح بدري بدري
بس لو في فرصه للدخول تاني احسبها كويس
وربنا معاك
جلسة النهاردة قرف
الله يحرق ابو البورصه المصريه
ليه يا جماعة كده
لعبه البورصه حلوة ولكن على رأى الأخ migo123 احسبها صح بشرط ان تلعب فى مبلغ بعيد عن حساباتك ومش كبير
مكسب صغير محسوب على فترات يعنى مكسب كبير فى الأخر
انا يا جماعه لا افقه شيء في البورصه...
و عايز افهم الدنيا ديه ماشيه ازاي...
اعمل ايه؟؟؟
و انا كمان نفسى اتعلم
و بعدين سمعت ان فيه برنامج او ما شابه ممكن يساعدك على التدريب بانك تبيع و تشترى بالاسعار الحقيقية و لكن بمبالغ افتراضيه
الموقع ده كان عنده برنامج ممكن تعمل عليه محفظه افتراضيه وتجرب
مش عارف لسه موجوده ولا شالوها
https://www.arabfinance.com/
هو فيه ايكون مكتوب عليها trading game
بس لالزم اكون عامل account و شكله و اخد الموضوع جد:)
و شغل شيكات و حوارات شكلها....
و لا انا اللي مش عارف:(
ياريت لو فيه برنامج عادي ينزل علي الكومبيتر يبقي احسن....
عايزين فلوس بقي:D
سهم الكابلات لسه فيه كلام السهم لسه هيطلع عشان السهم لسه فيه مضاربين
البورصة عبارة عن ترابيزة قمار ....
التحليل الفنى و المالى فى البورصة المصرية غير مفيد الاشاعات هى العامل الاساسى المتحكم فى البورصة المصرية
مع case 30 مش هتقدر تغمض عنيك
لا نافع تحليل فنى
ولا نافع تحليل مالى
مفيش غيو الاشاعات واسهم الجيمات اللى اشتغلت الفتره اللى فاتت وخير دليل للى متابع النيل لحليج الاقطان :mad:
نصيحه لكل اللى بيفكر فى السوق المصرى البورصه كالغابه ان لم تكن ذئبا اكلتك الذئاب البورصه لا مكان فيها لطماع او جبان لو عرفت تتحكم فى اهم حاجتين
الطمع ............ لو قدرت تتحكم ومتطمعش
الخوف............ لو قدرت تجمد قلبك وتتحمل جزء من المخاطره تقدر تحقق ربح اذا فضلت خايف ومرعوب من الخساره هتفضل تخسر طول الوقت لان الخوف هيتحكم فى قرارتك و هتتصرف غلط
سوق الاسهم عاوز دراسه وفهم على الاقل لاساسيات التعامل مع الاسهم بلاش تجرب فى شى بفلوسك وانت معندكش اى خلفيه عن الشراء والبيع
نصيحه لاى حد مهتم انه يتابع كم شهر اى منتدى تعليمى ويحاول يتعلم اساس التعامل والتداول وخلافه ويفهم الموضوع ماشى ازاى قبل ما يكود فى البورصه ويفتح له محفظه
طبعا محدش ينسى الشفافيه اللى بتتمتع بيها هيئه سوق المال فى مصر :o:o:o
بصراحة يا جماعة أنا شايف إن الشركة اللي بيشتغل فيها والدي اللي هي شركة مطاحن وسط و غرب الدلتا أحسن شركة في البورصة تقدر تشتري السهم ب 27 جنيه و كسور و تبيعه قبل توزيع الأرباح ب 32 أو 33 و ممكن 35 جنيه دة غير إن فائدته بتبقى حوالي من 11 % إلى 15 % دة حتى الفترة اللي فاتت دي إرتفع بطريقة غريبة و وصل ل 52 جنيه يعني لو أنت شاري ب 30 جنيه مثلاَ كنت كسبت 22 جنيه .
بس تحذير يا جماعة لازم اللي يدخل يبقى عارف المخاطر اللي هيقابلها أو على الأقل يدخل بمبلغ صغير لأن أنا واحد قريبي أيام ما طرحوا سهم المصرية للإتصالات دخل بمبلغ محترم بس للأسف السهم نزل نزلة جامدة .
:):)
ياجماعه انا خريج كليه تجاره وكنت شاري اسهم في القابضه الكويتيه دي فيها البيع والشراء بيكون بالدولار
انا كسبت كتير بس بعت في الاخر لاني سمعت ان البورصه حرام وناس تقول لا مش حرام
بس لو اجتمع العلماء واختلفو بين حرام وحلال بيكون الشيء ده حرام
البورصه مضاربه هنا في مصر
بس البورصه اصلا علم ومش اي حد بيفهم فيه لان في ناس كتير تقولك انا مش بحب اخاطر
لاكن في شركات تداول اموال ممكن تساعدك في الشراء والبيع نظير عموله من المكسب
نصيحه للي عاوز يمشي في موضوع البورصه ده يتعامل مع شركات سمسره وتداول اوراق ماليه احسنله لاني انا كنت بقعد هناك كنت بتابع الاسهم بتاعتي كنت بشوف ناس بتخسر الاف الاف في دقيقه
ويارب اكون وصلت المعلومه واي استفسار انا في الخدمه
موضوع هائل بجد وياريت يتثبت
ايوه صح .. ايه نظام البورصه المصريه ... ايه الحياه فيها .. و هل يتم بيع و شراء الاسهم الاجنبيه فيها برضه ؟
طيب هاقول تانى .. البورصة ترابيزة قمار... ترابيزة قمار... ترابيزة قمار
ومين اللى قال لحضرتك المعلومه الغلط دى
مش كل الورق في البورصه تقدر تتقول على الشراء والبيع فيه قمار فيه اسهم دفاعيه واسهم استثماريه ذى اى استثمار بتشترى وتحدد المدى اللى هتبيع فيه الاسهم ايه القمار فى كده
لما تشترى سهم يكون فى القاع بتاعه وتبيعه قرب قمه وبعدين قمار ايه انا بشترى اسهم شركات معروفه ومطروحه للتداول يعنى انا بشترى حصه فى الشركه اللى طرحت اسهمها للتداول ايه القمار فى كده لو اشتريت كميه محدده من اسهم الشركه ليا الحق فى عضويه مجلس ادارتها وحضور الجمعيات العموميه والغير عموميه للشركه
ايه القمار فى كده مش فاهمه
اسهم القمار معروفه والاسهم اللى فيها شبهه شرعيه من ناحيه الحلال والحرام برضوه معروفه لكن عمر ما حد من المشايخ قال على ان التعامل فى البورصه حرام لان البورصه حرام .....
عارف ... من اجمل الحجات اللي بتقابل الواحد بعد فتره طويله جدا في البورصه انه يجيله واحد لا يفقه شيء عن البورصه و يقوله بمنتهى البساطه حرام ... قمار ...
البورصه زي التجاره ... لازم تعملها دراسه تامه من كل النواحي ... زي بالضبط واحد بيفتح محل بقاله لازم يعمل دراسه وإلا كل السلع اللي في المحل هتضرب ... او تخيل واحد بيبيع ميه في حاره السقايين ... اكيد برضو هيخسر .... ده السبب في ان الناس بتخسر ملايين في البورصه ... بس دي مش مشكله البورصه ... مشكله العقول اللي بتتعامل مع البورصه على انها منجم دهب في اي لحظة تبيع او تشتري هتكسب
المشايخ حددو مواصفات معينه للتعاملات وللشركات الي يجوز التعامل معاها
حضرتك بتتكلم على اي اساس بقا ؟
ياجماعه الحرام في البورصه فقط لما تشتري اسهم وانت مش واثق 100 % انها هتعلي معاك يبقي كدا مضاربه او تنبق بشيء وكدا حرام
كمان في اسهم حرام زي اسهم الشركه الشرقيه (ايسترن كومباني)
بس غير كدا البورصه مش حرام وفي شيوخ كتير شاريين اسهم لفودافون هناك
طبعا اي مصري من حقه ان يدخل اسهم البورصه وتقدر تشتري الاسهم الاجنبيه واسهم معظم الشركات القباضه بس لازم تحويل المبلغ للدولار للشراءاقتباس:
ايوه صح .. ايه نظام البورصه المصريه ... ايه الحياه فيها .. و هل يتم بيع و شراء الاسهم الاجنبيه فيها برضه ؟
الافضل عن تجربه اتعامل مع شركات تداول الاسهم والاوراق الماليه لانهم ذو خبره كبيره
ياريت فعلا حد يفيدنا فى موضوع البورصه ده علشان انا لا افقه شىء فيها ونظام البيع والشراء ازاى وكل الامور المتعلقه بيها
بصوا يا جماعة راى ان البورصة ترابيزة قمار ده طبعا راى شخصى .. انا مش هاتنازل عنه..
علاقتى بالبورصة كانت عن طريق فلوس حاطيتها فى صندوق استثمار الرائد فى البنك السعودى الأمريكى وده كان موافق للشريعة الأسلامية ...
الصندوق ده كان عامل 130% فى السنة اللى قابليها يعن اللى حط 100 خدهم 230 بعد سنة ربحية طبعا غير معقولة ..
لما دخلت فلوس فى الصندوق كان برضة القيمة بتزيد وحصل growth حوالى 30% فى اربع او خمس شهور ...بعد كده حصل يوم اسود من امثال الثلاثاء الأسود
الأسهم كلها كانت بتنزل بالنسبة القصوى بتاعتها 5% وده كان بيحصل يوميا .. كنت بفتح ال cnbc... الاقى كل الأسهم دون استثناء نازلة 5% مو
معلش حصل غلطة معايا كنت الاقى السهم كلها نازلة 5% من اول دقيقة دون استثناء وده فى الجلستين الصباحية والمسائية ...
كام يوم والملك طلع قرار وكل الناس اتفائلت ... البورصة تانى يوم تلاقى كل الأسهم دون استثناء طالعة من اول دقيقة بالنسبة القصوى .. الكلام ده استمر يوم واحد لان القرار ماكانش يفيد ... وبعدين رجعت الأسهم تنزل بنفس الطريقة ...
لو حد عنده تحليل منطقى علمى بناء على الدراسات اللى هو اتعلمها او الخبرات اللى هو اكتسبها يحللى اللى حصل واللى ممكن يحصل فى اى بورصة ..
لى سؤال كمان لو فى سهم انا اشتريته ب 10 جنيه وطلع خلال شهر وصل 100 جنيه
هل ده معناه ان الشركة حققت ارباح 900% فى شهر ...
ولا
ده
كده
يبقى
قمار
وانا شاكر ليكم
اللي حصل في بورصة السعودية والخليج ده عملية نصب منظمة وطبعا انت سمعت عن هوامير السوق والمليارات اللي جمعوها من الغلابة
ودي مرحلة لازم كان السوق يمر بها ... وشوية شوية يحصل استقرار
الموضوع ده حصل في مصر سنة 1998 و1999 و 2000 في بدايتها
الوضع في مصر الآن مختلف
انواع الاسهم في البورصة المصرية الآن :
اسهم استثمار
اسهم تجارة
اسهم مضاربة
اسهم مقامرة
....
وده غير ان فيه انواع اسهم تانية مش عاوز اقول تسميتها .. وهي اسهم مش باحاول اقرأ عنها اساسا زي الدخان والبيرة والانتاج الاعلامي والبنوك عامة والتأمين والفنادق
وكل واحد يختار النوع اللي عاوز يشتغل فيه
وكلما زادت المخاطر ... زاد الربح ... او الخسارة لو جت الطوبة في المعطوبة
إتمسو بالخير