تخيلو ان هانى سرور صاحب شركه هيدلينا طلع برائه

**aliabutaleb** · 17-04-2008 09:07 AM

المشاركة الأصلية كتبت بواسطة Dr_Mido

وعموما دى كانت قرصه ودن زى اللى اتعمل فى ابو الفتوح كدة رضه نفس نظام فيلم عمارة يعقوبيان والدليل على كدة ان الى الان المصانع شغاله بكامل طاقتها فى 6 اكتوبر وبتصدر وبتورد لوازرة الصحه و بتنزل للسوق المحلى
وبتنافس فى الاسعار كمان

الله ينور
أخيراً لقيت حد يتفق معايا :D

**IAbdou** · 17-04-2008 10:09 AM

كل الناس عمالة بتقول عيوب فنية فى قربت الدم ومظنش ان حد يعرف أة هى العيوب الناس بتقول عيوب فنية وخلاص

**محمد المشد** · 17-04-2008 11:16 AM

المشاركة الأصلية كتبت بواسطة Ibrahim Reda

كل الناس عمالة بتقول عيوب فنية فى قربت الدم ومظنش ان حد يعرف أة هى العيوب الناس بتقول عيوب فنية وخلاص

يا عم متزعلش 000 دا العيب فى الناس اللى بتستخدم قرب الدم والفلاتر مش فى الشركة الموردة

**osama** · 17-04-2008 11:20 AM

في نفس اليوم
هاني سرور ياخد برائة
والاخوان المسلمون يحكم علهم بالسجن بتهمة غسيل الاموال

**king_de_egypt** · 17-04-2008 01:44 PM

والله مصر بتغرق يا جدعااان انا مش عارف ايه اللى هيحصل بعدين و على فكره هى ولا تصفيه حساب كبار ولا حاجه الكبااااار مبيكلموش بعض عشان ميوقعوش بعض فى مصر بلزاات و لو وقعو حد كبير اعرف انو يا هيسافر و مش راجع يا هيتسجن اخرها 25 سنه فا اللى بيقول احنا بنتهم الناس منغير ما نعرف او نكون واثقين ادى دكتور رد عليك و قالك انها مش مطابقه للمواصفات و فى نفس اليوم سجنو 10 من رجال الاعمال الاخوان و اتحفظو على اموالهم يعنى يسيبو ال ..... و يمسكو فى البردعه

**Dr_Mido** · 17-04-2008 04:41 PM

المشاركة الأصلية كتبت بواسطة Ibrahim Reda

كل الناس عمالة بتقول عيوب فنية فى قربت الدم ومظنش ان حد يعرف أة هى العيوب الناس بتقول عيوب فنية وخلاص

لا مش بنقول وخلاص انا بقول عيوب فنيه وعارف انا بقول ايه علشان دة مجال شغلى وانا مبقلش اى كلام وخلاص
حضرتك ممكن تخطف رجلك للقصر العينى وهناك تسئل على الاكياس دى وهتلاقى اجماع على العيوب الفنيه واهما الابر اللى كانت راكبه