الموضوع: برائه للفتيس الاوتوماتيك وشكرا للاعضاء..

انا لسه راجع من عند مجدي اوتوماتيك حالا واللي حصل كالاتي :

انا : عايزك تكشف على الفتيس ..علشان مابقاش يعمل كيك داون وبقى بيفصل لمده ثانيه في الغيار من النقله التالته للرابعه

هو : بعد لما جمع 2 صنايعيه تانيين ..فتح الكابوت وبص علي الزيت وقال ..لا لا لا الزيت وحش ومحروق
ياباشا احنا لازم نحل الفتيس ونغير الكلانشات

انا : انا بس المشكله عندي انه مابقاش يعمل كيك داون ..تقوم تعملي عمره للفتيس !!!!!

هو : اه ياباشا مادام الفتيس بيفصل يبقى فيه تفويت

انا : بعد لما عشمته ..خلاص انا هجيلك من بدري يوم السبت ونفك ونحل ونضبط بس ضبطلي الكيك داون دلوقت

هو : مد ايده وقرط على السلك (مكانه في بكره البنزين ) لانه كان مرخي جدا ..والحكايه مخدتش نصف دقيقه

انا : طيب سلامو عليكوا واجيلك يوم السبت بقى يااسطى

واخدت العربيه وجربتها والحمد لله بقيت احسن من الاول ..والكيك داون استجابته بقيت ممتازه والفتيس مابقاش يفصل بين النقله التالته والرابعه ..والعربيه الحمد لله بقيت احسن من الاول

وده كله بفضل ربنا ثم الاعضاء اللي ردوا عليا في موضوعي
استشاره عاجله في الاونوماتيك http://www.nilemotors.net/Nile/97262-a.html

وشكرا خاص للبشمنهدس سمير الشهاوي اللي قالي انه قابل المشكله دي وانها مشكله سلك كيك داون ..ولولا ربنا ثم هو..كان زماني بعمر الفتيس دلوقت