بسم الله الرحمن الرحيم يا شباب فى موضوع محيرنى اوى اوى ان فى راى بيقول ان
زيت الجيربوكس زيت فلفلين .
و راى تانى بيقول انة زيت باور
و راى تالت بيقول ان الاكسيل العادى زين فلفلين و الاتوماتيك زيت باور .
مش عارف مين الصح و مين اللى ..............
بسم الله الرحمن الرحيم
ازيك يا استاذ احمد واحشني والله
بص يا باشا الجير بوكس الأوتوماتيك هو اللي بياخد زيت زي زيت الباور Dexron III او اعلى او اقل على حسب العربيه وده بيتغير كل 30000-40000 او على حسب حالته (شايط ... لون مغير ....)
اما المانيوال انا معرفش اللفظ فلفلين .. بس الصح اللي من كتيب التشغيل بيتحط زيت بمواصفه SAE W75/W85 يعني لزوجه W75 او W85
وده في منه شيل وموبيل وانواع كتير
وده المفروض يتغير كل 80000 كيلو ويتزود لو ناقص
واي خدمه يا باشا
MY BeloVeD EXCY [img2]http://img810.imageshack.us/img810/6213/03092009180.jpg[/img2]
السلام عليكم عربيتي اكسيل اتوماتيك مو 94 1500 سي سي حليت كذا مشكله وباقى عدة مشاكل تواجهنى ولكن الحمد لله العربيه ماشيه كويس الى حد ما . والآن 1- صعوبة فى الدوارة صباحا او عندما تتركن مثلا لساعه وهذا حديثأ علما بالمتغيرات الآتيه :- البطارية جديده والبوجيهات جديده - فلتر بنزين جديد -- عملت صيانة فى الكربراتير (( كان مسمار الهوا مطبوط بمسمار بلدى !!!!!!!!!! وكمان فتحة المياه اللى بتبرد الكربراتير كانت مسدوده !!!!!!! )) وعملتهم فى المخرطه والمسمار بقا بيغير هوا عادى ولكن صوت المارش عندى خشن وعالى (( قالولى الاتوماتيك طبيعي فيه كده )) والميكانيكي قالى حضرلها بنزين قبل ما تدور (وساعات بتفلح الطريقه دى وساعات لا على فكره) ومش مقتنع بيها بصراحه والله اعلم 1- والله اعلم اللي عندك في صعوبه الدوارة ده من اللعب في الكاربيراتير لأنه العربيه مش بتدور معناه حاجه من التالي يا نظام الأشعال بتاع البنزين من اسبيراتير وبوجيهات و بوبينه مش تمام يا اما نسب المخلوط بتاعه البنزين والهوا مش مظبوطه او اخر حاجه المارش مش سريع كفايه ( بس لو الماتور تمام (بنزين واشعال) حيدور انا عندي عربيه 128 بتاعه والدتي المارش اليومين دول بطيء بس بتدور من تاني مره بالكتير علشان كهربتها والكاربيراتير تمام) شيك على الكلام ده واتعامل مع حد بيفهم بجد مش بحب انا شغل التجارب ده 2- سحب العربيه بطيئ فى الطلعه كان بطيئ الى سرعة 40 كم فلما عملت الشغل السابق فى المكنه اتحسن الى سرعه 20 كم فى البطئ وكمان زودت زيت الفتيس الاوتو ماتيك كيلو زيت جربت امشي من غير فلتر الهوا وملقتش فرق فى السحب برده بطئ فى الطلعه لحد سرعة 20 كم وبلاقي مقاومة شديده فى الطلعه كأنك طالع مطلع يارب اكون قربت لحضراتكم الموقف ؟؟؟ جربت اسوق على وضع l لقيت نفس اللى بيحصل على وضع d (( كنت شاكك ان الفتيس مبينقلش النقلة الاولى وبيطلع ع التانى )) - بالنسبه لموضوع الفتيس ده انت ايه اخبار الزيت متغير قبل كده ولا لأ؟؟؟ (لازم تغيره مش تزوده) لأنه اخره في العربيه 40000 كم وبعد كده لازم يتغير هو والفلتر والا الكلاتشات تبوظ وتتحرق وانت كده غالبا الموضوع اللي عندك من الزيت
3- ملاحظه :- مفتاح الكونتاك مبيطلعش من مكانه الا لو الفتيس على وضع p فقط ؟؟ هل هذا طبيعي ام ماذا؟؟ -طبيعي جدا ده نوع من الأمان علشان متنساش وتطلع المفتاح على d او r مثلا .... في عربيات بتطلع على n,p 4- 140 كم فى الصفيحه بنزين 80 استهلاك داخل البلد (( والعربيه بتحتاج تسخين جامد وده اكيد تهدير للبنزين )) وهل لو خلطت بنزين 80 مع 90 فيه مشكله ؟؟؟ معقول بالنسبه لعربيه اوتو جوه البلد الأستهلاك ده بس ممكن يتحسن شويه يعني المفروض يكون 180-160 5 - لمبة الزيت بترعش تظهر وتختفي ومقياس الزيت جاى فوق العلاميتن بحوالى 1 سم
- لازم تكشف على الطربمه بتاعه البنزين عند ميكانيكي علشان كده ممكن تكون الطرمبه بتودع ولسه مقطعتش (لو لا قدر قطعت دي حتبقى مشكله كبيره اوع تمشي بالعربيه واللمبه شغاله)
او لاقدر الله الكرنك الخلوص بتاعه زاد ومبقاش يحكم الزيت كويس وده معناه انه عايز لاقدر الله عمره
بس في الموضوع بتاعك ده بيمشي الأول في تغيير الطرمبه بتاعه الزيت لو لسه بترعش يبقى لاقدر الله عمره كرنك (ماتور يعني) 6 - والعربية دايرة وواقفه بسمع دربكة فى العربيه ورعشه فى الدركسيون ولما بدوس بنزين كل ده بيروح ؟؟؟؟؟
على الrpm شويه المفروض تكون من 750-900 rpm على السلانسيه لو لسه بترعش شوف قواعد الموتور
غالبا حيكونوا تعبانين
متزعلش لما حد يعرف يرد على كلامك اكيد حيرد دي فايده المنتدى
MY BeloVeD EXCY [img2]http://img810.imageshack.us/img810/6213/03092009180.jpg[/img2]
بمناسبة دخلو فصل الشتاء الى مش بينلو شتاء والخوف على فخد وفجوات العربية الى هيا فوق العجل ولتفاهة الكرتيرات لأنها زى قلتها ويدوب مدارية الفجوات فإليكم الآتى:- فصلت اربع كفرات عند متخصص فى الكفرات والدلايات بس يعنى هيا دى شغلته فقط ولكن نصحتى لأى حد داخل على موضوع الكفرات عمل الآتى:- 1) فك كل الكرتيرات الى راكبة وذلك لوجود طينة وراها او تحت الكلبسات الى مثبة الكرتيرات 2) عمل نظافة جمده فى البنزينة ويريت اول متدخل على الراجل تظبطه بحته بخمسة وقلو بعد ما تخلص حديلك وحده كمان ويريت تكون داخل على غسيل الفخذ بس لتركيزه اكتر فى نظافتهم ويريت وهو شغل تدخل معاه فى متابعة النظافة بنفسك وتحط ايدك فى كل حتة فى الفخذ ولو لقيت واكيد حتلاقى طينة طلعه فى ايدك خليه ينظفها تانى 3) تفحص الصاج جيدا لو فيه اى حتة بارومة ظهرت اكشف عليها وتروح تعملها عند السنكرى 4) خد معاك بتاع 2 كيلو اندركوتر وتخلى فنى البنزينة يرشه بالكمبروسور او اى واحد انت بتتعامل معاه دوكو
تكلفة الأربع كفرات 200 جنيه وكان ناقصنى دليتين فى الخلف عملهملى بـ 25 جنيه
الف الف شكر يا هيما على النصيحه دى ما قولتش عملت الارضيه الجلد بكام؟
الطقه اللي عندك دي انا محتار برضه فيها مش عارف الاقي لها سبب منطقي
بس المفروض ان اللي بيسمعها في البير يعرف مصدرها بسهوله لان انت كده بتوفر عليه نص المشوار وهو انه يفكر ممكن تكون جايه منين
عموما الموضوع اعتقد انه هيطلع شغل سمكري في الاخر حاجه عايزه تتلحم بس
ربنا يوفقك
زيزو حبيبى اتحلت الحمد لله
واحد عفشجى دكتور مهندس نزل فى البير لمدة 3 دقائق وبنط بنطتين لحام والصوت اختفى تماما
الحمد لله كنت رحت عند واحد تانى كان حيحل العفشة كلها والى كان حالته 80 فى المية كان حيغيرها شوف الموضوع كان حيوصل معايا لكام
الموضوع ده كلفنى 10 جنيهات لا غير
شكرا لاهتمام زيزو
الف الف شكر يا هيما على النصيحه دى ما قولتش عملت الارضيه الجلد بكام؟
انا مقدرش مردش عليك يا ماجد وفعلا انا رديت قبل كدا واقلك كمان
اربعة متر الا ربع جلد من اجود الانواع المتر 23 جنيها
مصنعية 60 جنيها شامل التفصيل والخياطة فى كل انحناءات الارضية عشان متكلكعش
تؤمر مجود
زيزو حبيبى اتحلت الحمد لله
واحد عفشجى دكتور مهندس نزل فى البير لمدة 3 دقائق وبنط بنطتين لحام والصوت اختفى تماما
الحمد لله كنت رحت عند واحد تانى كان حيحل العفشة كلها والى كان حالته 80 فى المية كان حيغيرها شوف الموضوع كان حيوصل معايا لكام
الموضوع ده كلفنى 10 جنيهات لا غير
شكرا لاهتمام زيزو
مليووووووووووون مبروك يا راجل
انا عارف الصداع اللي بيعمله الصوت ده او اى صوت غريب في العربيه
طبعا مش مصدق انه راح ومتهيألك انك هتسمعه تاني وكل شويه تركز اوى يمكن تسمعه صح؟؟؟؟هههههههههه
انا كان بيحصل لي كده كان مربيلي الخفيف
اللي طالع لي دلوقتي بقا صوت تزييق الازاز اعتقد انه عايز الكاوتشه تتغير اللي حوالين الازاز اللي في الباب اللي جنبي
بس يا ريت تقوللي العفشجي بنط فين بالظبط عشان نستفيد
وانتِ البدايه ومسك الختام....عليكِ يا مصر..عليكِ السلام
الساده الاعضاء هل ينفع اركب كاسيت فيرنا ماكان كاسيت الاكسل؟؟ وهل طرمبة البنزين تكون سبب فى تأخير العربيه فى الدواره ؟؟ لان الميكانيكى بيقولى انها مش بتحضر كويس فهل ده صحيح ؟ وطرمبة البنزين جديده احسن ولا استراد احسن لان الميكانيكى بيقولى بردوا الكورى الموجوده فى السوق تعبان الاستراد احسن منه فهل الكلام ده مظبوط و لا لا ؟؟ ارجوا الرد من اعضاء الرابطه الكرام
انا عملت دواسه للعربيه اخدت 3 متر وسعر المتر 30 مع العلم انه نوع جديد جدا وكثيف جدا يعنى مافيش حاجه هتعدى منه خالص والمصنعيه 50 يعنى كله كلف (90 + 50 ) 140 جنيه
المفضلات