السلام عليكم يا رجالة الاكسيل
بعد ماغيرت زيت (الفني قالي دة حتي اكتر من الماكس بشوية , قال يعني بيكرمني) لقيت العربية بتنقط زيت من تحت بس بسيط اوي و الميكانيكي قالي دة جوان كارتير
طب اشمعني جوان الكارتير معملش كدة الا بعد ما غيرت الزيت , انا قريت هنا في المنتدي ان زيادة الزيت بتضرب جوان الكارتير , طيب لحد كام مللي زيادة فوق الماكس و يبقي غلط ؟
يا تري حد حصل معاة الموضوع دة قبل كدة ؟
طيب انا عندى
التكيف بيطلع هوا بارد لكن ضعيف ولازم يكون على الدرجه الاخيره
الكهربائي قالى الهوايات بتاعتك اللى بتضخ الهوا عاوزه يتكشف عليها
وكمان الفريون عاوز يتزود
افهم من كلامكم انى اخليه يكشف ع التلاجه وباقي اجزاء التكييف
ولا اعمل ايه بالظبط
وايه موضوع البويه معاكم ووحدة الرفع النضيفه بكام
وربنا ييسر الامور
وشكرا جزيلا
انا جيبت اتنين نضاف بس مش فاكر نوعهم اية علشان رميت العلبة بس هما كانو من عند الشادي في سموحة عند عزبة سعد و عملو الاتنين 90 بعد الواجب علشان كان معايا كهربائي .
اقروا بقى الى هقولهولكم ده وادعولى بعد اما دخت حولين نفسى ورحت عند 6 صنيعيه ومصاريف دخلت فى 300 جنيه وشويه على عيب تافه مش محتاج الا 20 جنيه
اتضح اننا مش عندنا فى العربيه ترموستات داخليه ولكن يوجد ساعه خارجيه وهيه ديه المسؤله عن فصل وتشغيل الكمبروسر المهم ياباشا الساعه ديه هيه السبب خلى الصنيعى يبصلك عليها ويظبطها ليك
بس كده
حسبى الله ونعم الوكيل فى الصنيعيه ..............
طيب ماتقولي هي فين الساعة دي الله يكرمك لاني استويت خلاص
ياريت لو تصورهالنا
يا جماعة انا عندي التكييف مش شغال ...غير الكمبريسور بواحد استيراد وبعد كده اكتشفت ان في ثقب في الكويل ولازم يتعير هو والمساوره اللي فيها البلف بتاع الفريون .... رحت لكذا ورشهه قالو لي هنصلح ونغير الكويل بس علي مسؤليتك او نغير الدوره كلها بدوره يباني وتتكلف في حدود 2700 ....ايه رائيكم في الموضوع ده وياريت تفيدوني مين احسن ورشه ممكن تصلح التكيف
المفضلات