رابطة مالكى الاكسيل-الجزء الأول

**EXL** · 25-11-2011 04:32 PM

المشاركة الأصلية كتبت بواسطة wael6

اولا شكرا جزيلا لردك واهتمامك
الشحن مظبوط والبطارية جديده وعينها خضراء وهى 70 امبير
ساعات الكاسيت والنور يكون شغال وساعات لا
وساعات ترترترترتر وساعات لا حس ولا خبر
هل ممكن يكون عيب القطاطيش نفسها او كابلات الارضي رغم ان الكهربائي قالى كويسين
متابع معاكم باهتمام وشكرا جزيلا

أنت مش قادر تقتنع انه عيب بطاريه علشان شاريها من شهرين
وعلشان تتأكد ضع بطاريه أخري من أي حد صحبك أو كهربائي وجرب
وإن شاء الله خير

**toto_hoho82** · 25-11-2011 04:39 PM

المشاركة الأصلية كتبت بواسطة dotsalah

فية حد يعرف اية نوعية من المرآه الجانبية تركب للاكسل بدل المرايات بتاعتها بس تكون بتتقفل و تتفتح لحسن اتكسر عندى مرايات كتيرة بالشكل ده

مرايات الاسكودا فليشيا تركب زى الفل

**Tarek_Swelm** · 25-11-2011 04:54 PM

المشاركة الأصلية كتبت بواسطة exl

متحيرش نفسك المشكله دي بطاريه لو الشحن عندك كويس يبقي البطاريه عاوزه تتغير
وبرد اليومين كاشفها الغريب بس أنها من شهرين
بتلاقي ساعه التبلوه شغاله والتسجيل وأنوار التبلوه لكن في الدواره بتعمل تر تر تر تر مش مقومه العربيه ....... ولازم تكون البطاريه 70

المشاركة الأصلية كتبت بواسطة wael6

اولا شكرا جزيلا لردك واهتمامك
الشحن مظبوط والبطارية جديده وعينها خضراء وهى 70 امبير
ساعات الكاسيت والنور يكون شغال وساعات لا
وساعات ترترترترتر وساعات لا حس ولا خبر
هل ممكن يكون عيب القطاطيش نفسها او كابلات الارضي رغم ان الكهربائي قالى كويسين
متابع معاكم باهتمام وشكرا جزيلا

لما روحت للكهربائي شحنها ولا نضف القواطيش و خلاص ؟
لو شحنتها و رجعت عملت كدة تاني يبقي كدة البطارية بتودع خلاص
لو مجرد تنضيف و بتشتغل تاني من غير ماتشحنها يبقي في عندك قطاش مشروخ او سلك مش راكب كويس و مش قادر يوصل كهرباء البطارية للعربية
موضوع المارش و صوت تقطيعتة , حصلت معايا لما ركبت البطارية بنفسي و مكنتش مقرط علي القشاط كويس , فالبتالي الكهرباء اللي كانت طالعة للمارش ضعيفة , لما قرطت علية كويس , دارت علي طول
علشان كدة ممكن تغير القطاش , هما مش غاليين و بالمرة تراجع علي فيوزاتك و الاسلاك اللي طالعة من البطارية و يستحسن تخلي كهربائي تاني غير اللي انت روحتلة اول مرة هو اللي يعملك الشغل دة
البطارية عندي كانت جايبة ربع و كان الكهربائي بيقولي دي تمام , نشحنها شوية بس ,و كل مرة بحجة جديدة علشان يستنفع مني بفلوس
و في الاخر روحت قيستها في توكيل فارتا قالي دي جايبة ربع و عايزة تتغير
ممكن يكون الموضوع عندك بسيط في القواطيش و هو عايز يستنفع منك او ان الصنايعي نفسة دة اخر مستواة
علشان كدة الافضل تجرب عند حد تاني , اسف علي الاطالة , ربنا معاك ان شاء الله

**wael6** · 26-11-2011 02:10 PM

المشاركة الأصلية كتبت بواسطة tarek_swelm

لما روحت للكهربائي شحنها ولا نضف القواطيش و خلاص ؟
لو شحنتها و رجعت عملت كدة تاني يبقي كدة البطارية بتودع خلاص
لو مجرد تنضيف و بتشتغل تاني من غير ماتشحنها يبقي في عندك قطاش مشروخ او سلك مش راكب كويس و مش قادر يوصل كهرباء البطارية للعربية
موضوع المارش و صوت تقطيعتة , حصلت معايا لما ركبت البطارية بنفسي و مكنتش مقرط علي القشاط كويس , فالبتالي الكهرباء اللي كانت طالعة للمارش ضعيفة , لما قرطت علية كويس , دارت علي طول
علشان كدة ممكن تغير القطاش , هما مش غاليين و بالمرة تراجع علي فيوزاتك و الاسلاك اللي طالعة من البطارية و يستحسن تخلي كهربائي تاني غير اللي انت روحتلة اول مرة هو اللي يعملك الشغل دة
البطارية عندي كانت جايبة ربع و كان الكهربائي بيقولي دي تمام , نشحنها شوية بس ,و كل مرة بحجة جديدة علشان يستنفع مني بفلوس
و في الاخر روحت قيستها في توكيل فارتا قالي دي جايبة ربع و عايزة تتغير
ممكن يكون الموضوع عندك بسيط في القواطيش و هو عايز يستنفع منك او ان الصنايعي نفسة دة اخر مستواة
علشان كدة الافضل تجرب عند حد تاني , اسف علي الاطالة , ربنا معاك ان شاء الله

شكرا لاهتمامكم
امبارح دارت لوحدها من غير ما اخبط على القطاش او اهزه حتى ؟
هل ده له علاقه بالريلاي او الكتاوت
ولا له علاقه بالقطاش وكابلات الارضي مثلا
ولا البطاريه
ولا ده مجرد ربط القطاش زى ما حضرتك تفضلت
جارى الفحص بإذن الله تعالى
وشكرا جزيلا

**stariieg** · 26-11-2011 05:44 PM

انا عندى مشكلة حاسس انها عوامة البنزين
ان لو التنك مليان للاخر المؤشر بيكون على العلامة الى قبل الf يعنى 3/4 بس
مش عارف المشكلة كدا من ايه؟ فى العوامة ولا فى العداد عاوز يتعاير وهل الموضوع دا صعب

على فكرة انا اكسيل 1300 موديل 94 خليجى

**maro2007** · 26-11-2011 06:45 PM

المشاركة الأصلية كتبت بواسطة wael6

السلام عليكم
العربيه بقالها كام يوم
اجى ادور الصبح لا حس ولا خبر
مسمعش صوت الكونتاك ولا المارش
او بالكتير صوت ترترترتر (( والغريب ان الكاسيت اشغله يشتغل وصوت الريموت والسرينه عالى ))
خبط على القطاطيش بتاعت البطارية
دورت واشتغلت
روحت لبتاع البطاريات قاسها قالى كوسه
وحطلى عليها مياه سخنه قالى كانت متأكسده بس ( كان عليها تمليحه بيضا وحوالين اقطاب البطارية نفسها كنت بلاقى مادة بسيطه كده لونها نبيتي وبكمية قليله )
واشتغلت كويس يومين
وجيت فى يوم ادور الصبح الاقى نفس النظام اخبط على القطاطيش تشتغل
وفى نفس اليوم بطلت 5 دقايق وجيت ادور عملت نفس الحركه
فروحت للكهربائي قالى نفس الكلام
وفك القطاشين وصنفرهم وصنفر اقطاب البطارية وحط شحم عليهم من بره قالىعشان ميصدوش او يتأكسدوا تانى وسالته هل في شئ تانى بيعمل كده قالى لا
المهم تانى يوم عملت تانى الصبح وخصوصا وهى بارده
هل ده عيب بطارية ولا عيب اخر فى الكهربا ؟
مع ا لعلم البطارية جديده من شهرين فقط اى سي ديلكو جافه ودينامو جديد كمان
نرجو الافاده العاجله من فضلكم
وشكرا جزيلا

العيب ده عيب مارش (كتاوت) ولوهوه فى اول الموضع معاك اختباره سهل
دور العربيه لو مش دارت خليك فاتح الكونتاك وافضل ضاغط ومدور لحد ما تلقط معاك
حوالى 30 ثانيه جرب كده وابقى عرفنى النتيجه

**Tarek_Swelm** · 26-11-2011 09:56 PM

المشاركة الأصلية كتبت بواسطة wael6

شكرا لاهتمامكم
امبارح دارت لوحدها من غير ما اخبط على القطاش او اهزه حتى ؟
هل ده له علاقه بالريلاي او الكتاوت
ولا له علاقه بالقطاش وكابلات الارضي مثلا
ولا البطاريه
ولا ده مجرد ربط القطاش زى ما حضرتك تفضلت
جارى الفحص بإذن الله تعالى
وشكرا جزيلا

حضرتك موضحتش انت شحنت البطارية لما روحت للكهربائي ولا لأ ؟

**wael6** · 26-11-2011 10:26 PM

المشاركة الأصلية كتبت بواسطة tarek_swelm

حضرتك موضحتش انت شحنت البطارية لما روحت للكهربائي ولا لأ ؟

لا مشحنتهاش
وقيست الشحن طلع مظبوط
وامبارح دارت لوحدها من غير اى مشكله
سبحان الله
علما بان مشاويري قليله ربع ساعه كل يوم او يومين مثلا
متابع معاكم باهتمام
وشكرا جزيلا

**wael6** · 26-11-2011 10:28 PM

المشاركة الأصلية كتبت بواسطة maro2007

العيب ده عيب مارش (كتاوت) ولوهوه فى اول الموضع معاك اختباره سهل
دور العربيه لو مش دارت خليك فاتح الكونتاك وافضل ضاغط ومدور لحد ما تلقط معاك
حوالى 30 ثانيه جرب كده وابقى عرفنى النتيجه

باذن الله
وشكرا جزيلا

**waelmoawad** · 27-11-2011 11:48 AM

السلام عليكم ورحمة الله وبركاته
يا جماعه انا مبسوط اوى انى لاقيت منتدى زى ده وبصراحه انا حاسس انى هاستريح هنا
اولا احب اعرفكم بنفسى ...انا اخوكم وائل معوض ..من القناطر الخيريه
.
.
.
وعندى مشكله صغيره ارجو من الاخوه الافاضل لو حد عنده معلومه ياريت يفيدنى .....انا لسه بايع فيليشيا 95
والحمد لله ربنا كرمنى وجبت اكسيل 98 خليجى كامله اوتوماتيك
.
.
بس حاسس انها بتاكل بنزين كتير اوى مش زى الفليشيا مع العلم انها 1500 سى سى
ورحت لبتاع كاربراتيرات كويس جدا وكشف على العربيه وقالى الكاربراتير زى الفل مافيهوش حاجه
.
.
انا حسبتها لاقيت ......(رحت مشوار حوالى 80 كيلو .........وحرقت حوالى 11 لتر ..)هل ده المعدل الطبيعى لل 1500 ولا كده فيه حاجه غلط ........مع العلم ان المشوار كان سالك وكنت ماشى ع الدائرى سرعه ما بين 90 ل 100 كيلو متر
واخر حاجه بقى عايز اعرفها هو التانك بياخد كام لتر
.
؟
وشكرا جدا جدا جدا على سعه صدركم وتقبلونى عضوا فى المنتدى اللذيذ ده