كده قلة أدب

**A7MED_PHARMA** · 18-04-2011 05:26 PM

المشاركة الأصلية كتبت بواسطة m.mosaad

علي قد معلوماتي المحدودة لان دة مش تخصصي مش المفروض ان الدكتور بيشخص المرض و الصيدلي هو اللي بيحدد العلاج
و لو دة صح ليه مش مطبق في مصر ؟

مهو ده مطلب أساسي للصيادلة قبل وبعد الثورة
علشان نخلص من القصة دي خالص...وكل مجال يلتزم بتخصصه بدون تعدي ..وبدون إحتكاك
ولمهنتين..سواء الطب أو الصيدلة..يتظبطوا ومجال اللعب والبدايل يختفي
وطبعا
نرحم الصيادلة من إنهم يجيبوا أدوية كتيررررررر مالهاش لازمة..ونصهم بيطلع إكسباير

**Dr Ahmed** · 18-04-2011 05:47 PM

فعلا صرف الدواء فى مصر محتاج ثورة مخصوص

**A7MED_PHARMA** · 18-04-2011 06:35 PM

المشاركة الأصلية كتبت بواسطة dr ahmed

فعلا صرف الدواء فى مصر محتاج ثورة مخصوص

والله يادكتور أحمد..سوق الدواء المصري لازم يتفرمت ويتعمل من أول وجديد
وبالذات شغل تحت السلم ..واحد معاه كام ألف..يروح يعمل نوع جديد فيه مادة خايبة..ودعاية ومندوبين وخصومات وأفلامانات
وهيصة في الأسعار والخصومات..وإحتكار الشركات لأنواعى أدوية بعينها...وقصص مالاهش أول من أخر
والمتضرر الأساسي...المريض ..يليه الصيدلي

**A7MED_PHARMA** · 18-04-2011 08:27 PM

المشاركة الأصلية كتبت بواسطة madues

يليه الطبيب..

الموضوع ده أزلي يابوحميد و كان زايد قوي مؤخرا نتيجه نقصان انواع كتير في السوق من قبل الثوره كمان وانت عارف
فكره ان الدكتور يشخص ويسيب الصيدلي يحدد العلاج دي هتبقى هايله قوي و اهو الصيدلي هيشيل حمل كبير من على الدكاتره و بيستفيد باللي اعتلمه وتعب فيه و بكده هنكون في غنى عن مخالفات الصيادله عند صرف البدائل بس طبعا يشترط في الحاله دي صيادله فاهمين جدا لان سمعة الطبيب بتتوقف على نتيجة العلاج.
وللاسف بنلاقي الاعلانات اللي نازله في الجرايد مطلوب آنسه للعمل في صيدليه ! او شاب متفرغ للعمل بصيدليه! اوامال الشهاده دي لازمتها ايه بقى ؟! وطبعا في مجتمعنا في ناس كتير بتستسهل وتروح للصيدلي على طول عشان يشخصلها المرض ويوصفلها العلاج و ساعتها معتقدش ان الآنسه دي او الشاب المتفرغ هيتورع انه يكرر كلمتين سمعهم عن دوا للمغص او مجموعة برد...
وانا ضد المقوله الي بنسمعها كتير, ان الصيدلي بقال ! الصيدلي راجل صاحب شهاده محترمه و يقدر فعلا ينقذ موقف لو جاله عيان في حدود ويقدر يوفر العلاج للحالات الـcommon ومن غيره الطبيب مش هيشتغلو لكن دخلاء هذه المهنه هم من اساؤا ليها ويتحمل هذه المسؤوليه اصحاب النفوس الضعيفه من اصحاب الصيدليات اللي يسيب دكتور صيدلي عاطل ويشغل الأنسه او الشاب المتفرغ .

وربنا يصلح الحال...

ماهو الصيدلي لما يقف في صيدلية..مش أقل من 600 جنيه وإنت طااالع
إنما البنت...بتاخد200-300 وبتمسح وتكنس وتبيع وتعمل كل حاجة
ودي ظروف البلد...
يعني صيدليات كتير ماتقدرش تتحمل تكلفة صيدلي في كل شيفت+عامل ينضف

**atefadel** · 18-04-2011 09:22 PM

المشكلة دي عادي ومكررة كتييير
يعني لما الدولفين لبوس كان ناقص
كنت بطلع بابي ريليف
اذا فجأة الاقي الدكتور يقول لن البابي ريليف دة ممنوع انا كاتب الدولفين
اة الحل والمريض زعلان وبيبرطم
روحت متصل بالدكتور وفهمتوا ان المادة الفعالة واحد يبقي ازاي دة هيضر وازاي دة لالالا

**A7MED_PHARMA** · 18-04-2011 09:30 PM

المشاركة الأصلية كتبت بواسطة atefadel

المشكلة دي عادي ومكررة كتييير
يعني لما الدولفين لبوس كان ناقص
كنت بطلع بابي ريليف
اذا فجأة الاقي الدكتور يقول لن البابي ريليف دة ممنوع انا كاتب الدولفين
اة الحل والمريض زعلان وبيبرطم
روحت متصل بالدكتور وفهمتوا ان المادة الفعالة واحد يبقي ازاي دة هيضر وازاي دة لالالا

أيام نقص الدولفن لبوس...كان البيبي ريليف بيطلع عادي
ومكنتش بقول لحد إنه بديل...أصل الموضوع كله 2.5 أو 3 جنيه
ومش مستاهله أقعد أشرح قصة كل يوم إنهم نفس المادة الفعالة

-

-

-

الموضوع: كده قلة أدب

LinkBack

أدوات الموضوع

عرض

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة