فك الكاربراتير

**ahmedalramy** · 18-04-2011 01:54 AM

يا رجاله هو فك الكاربراتير بياخد وقت اد ايه و مصنعيته كام تقريبا و يا ترى بيفرق كتير مع العربيه

**amrelsaqqa** · 18-04-2011 01:59 AM

استخدم المنظف احسن
وممكن تستخدم منظف دورة الوقود او محسن دورة الوقود اللى بيتحط على نص التنك تقريبا ده هيظبطلك العربية والكربراتير

ما تفرطش في الكربراتير بسهولة لو صنايعى حط ايده فيه عمره ما هيرجع لأصله

**ahmedalramy** · 18-04-2011 02:12 AM

شكرا على الرد

**SYD** · 19-04-2011 05:38 AM

بص يا باشا
فك وتركيب مش اقل من 3 او 4 ساعات
لازم يستني لما يبرد تماما
ولو هتفك روح عند احمد شبرا
او اي حد من شبرا، هما دكاترة الكاربراتير
وانصحك ماتفكرش تفك قبل 5 او 6 سنين
انا فكيته بعد 130000 كم مش قبل كدة
ممكن تستخدم المنظف بس هتغيرر بعده كل طقم االكهربا
خد مني في الفك والتركيب والتنظيف وتغيير البكات حوالي 75 جنيه
لو عايز العنوان
امشي في شارع ترسا (الموازي لشارع الهرم) وعند محطة بنزين توتال ادخل في الشارع الي هي علي ناصيته واسأل عن احمد شبرا بتاع الكرباتير
بجد دكتور كارباتير
وليه فرع تاني في شارع المطبعة ممكن تسأل عليه بردو عند اي صنايعي هناك وليكن عادل بتاع المفاتيح لأنه في الشارع الي قصاده (الشارع العريض الي بيودي للتعاون والعريش)

**mohamed2002** · 23-04-2011 01:44 AM

المشاركة الأصلية كتبت بواسطة keko

مش عارف ليه بسمع مصنعيات تنضيف وفك الكاربراتير غاليه هنا فى المنتدى
انا اقصى حاجة دفعتها 20 جنيه عند واحد متخصص واغلى مصنعية شفتها 40 جنيه وبيخلص كبيره ساعة مش 75 امال لو عمل اكس وباب هياخد كام بقى ؟؟!!!!

ياباشا المصنعيات بقيت عالية وطالما الميكانيكي اشتغل لازم ياخد ال 50 جنيه

**keko** · 25-04-2011 08:39 AM

المشاركة الأصلية كتبت بواسطة mohamed2002

ياباشا المصنعيات بقيت عالية وطالما الميكانيكي اشتغل لازم ياخد ال 50 جنيه

معاك يا محمد باشا بس مش للدرجة !
انا بروح لواحد جنبك فى السيوف اخر مرة طلع الكاربراتير وغشله بالجاز ونضفه وسلكه وغيرلى بيكات وطلع البوجيهات ونضفها وطلع الاسبراتير ونضفه وصنفر طقم الكهربراء ونضف فلتر الهواء وبعدين ركب كل ده وظبط المكنة ظبطة زيرو وفى الاخر طلب 20 جنيه ولما بروحله عادى ظبط مكنة بس 10 جنيه
بس انا ملاحظ ان الميكانيكية بيعملوا حوار الكاربراتير ده اغلى من بتوع الكاربراتير وشغل مش مظبوط وده عن تجربة