الموضوع: تسخين العربية ؟!!

اى عربية حديتة فيها ECM بتبقى متبرمجة على انها فى حالة التشغيل والمحرك بارد cold starting
فبتعلى ال RPM اوتوماتيك لغاية ما العربية تسخن شوية و ده عشان متبطلش
بدل ما تعد تزودها برجلك
وعلى فكرة ال cold start ده كان موجود برضه فى الكربيراتير زمان انا درسته بس معدتش فاكر

دور على الانترنت على cold starting & engine mapping

طب سؤال لولبي ... مش كده كده الار بي ام بيعلي؟ يبقى ايه لزمة انك تتحرك ما هي هي .. استنى لحد ما الار بي ام ينزل و بعدين امشي...

ما هو الاحماء بياخد اقل من قيقه مش ساعه

المشاركة الأصلية كتبت بواسطة mg_embabi

قلنا نبص في الكاتالوج ...
لقينا مكتوب : "يجب ان تتم عملية احماء السيارة في وضع اللاتعشيق"


يا جماعة انا شاكلي فاهم غلط ولا إية كلكم بتقولوا دور و أمشي و 10 ثواني و امشي
طب إزاي إذا كان الراجل بص في الكتالوج و وجد انا يجب إحماء السيارة في وضع الا تعشيق هو مش وضع الا تعشيق يعني المور يبقي إزاي هتمشي و هيا في المور يبقي لازم يسخن و هي واقفة وبعد كدة يعشق و يمشى.
ده الي انا فاهمه

لا لا معاش دي غلطة طباعة مني هي لا تتم في وضع اللاتعشيق معلش الكاتالوج مترجم بطريقة عجيبة شوية

المشاركة الأصلية كتبت بواسطة bloody_stone

لا لا معاش دي غلطة طباعة مني :copy of m-s5: هي لا تتم في وضع اللاتعشيق معلش الكاتالوج مترجم بطريقة عجيبة شوية

الكتالوج فيه انجليزي؟ لو فيه يا ريت تكتبلنا مكتوب ايه بالانجليزي. عموما كل العربيات الجديده مش محتاجه اكتر من ٣٠ ثانيه علشان تتحرك من مكانك بس متشدش بيها غير لما الحراره توصل للمستوى الطبيعي

حسب تعليمات الصانع
في العربيات الحديثة كلها زي تويوتا و نيسان و هوندا , المفروض تشغل الموتور و بعد 30 ثانية تعشق الموتور و تطلع بالعربية علي السلانسيه ideal speed الي أن تنطفئ لمبة بيان الحراة الخضراء أو الزرقاء

أما في العربيات القديمة فهي تعتمد علي مؤشر الحرارة (و منها الكورولا) فيجب ألا تتحرك بالسيارة حتي يرتفع المؤشر قليلا و تنخفض عدد لفات المحرك

و في كلتا الحالتين .. يجب ألا تزيد من سرعة السيارة أو تقم بتشغيل التكييف حتي تصل درجة الحرارة الي درجة التشغيل الطبيعية

لو أتبعت تلك التعليمات و بدقة أضمن لك عمر أطول للمحرك و كفائة عالية

مع خالص تحياتي
م/ سمير الشهاوي