انا حبيت التجمع الأول جدا بصارحة أكتر كمان من الخامس
العبور مش بشجعها خالص لكن الشروق شغالة لكن كإختيار تاني لأنها بعيدة شوية اذا مكنش فيه حاجة أرخص في التجمع
أنا لسه بقترح الفكرة ولو حد عملها يفيدنا بتكاليفها وجديتها
عرض للطباعة
أنا عرضتها زمان علي أصحابي وإقتنعوا بيها بس مفيش حد قادر ياخد خطوة إيجابية ناحيتها
الناس حاسة إنها صعبة ومتعبة يمكن والناس برده هيكون فيه بينهم إختلافات في حاجات كتير زي مكان الأرض وحجز الشقق والشكل الإنشائي و التشطيبات الخارجية و التركيبات الأساسية ومين هيتابع البناء
وبعدين مفيش دراسة وافية حد أفاد بيها الناس (زي دراسة جدوي مثلا)
الموضوع مش محتاج دراسة جدوي لأنك مش هتعمل مشروع استثماري ده كأنك بتشتري شقة عادية بس بسعر مخفض شوية واحنا دخلنا مشاركات كتير مع ناس واي مشكلة بتتحل بفضل الله اهم حاجة يكون فيه حد مسئول ويكون محايد يعني مش واحد من الملاك او واحد من الملاك صاحب النصيب الأكبر في العقار واي اختلافات صدقني بتبقي سهلة.
معاكم لو حد هايبني
هو البنك كان حاطط إعلان إن التقديم ينتهي 31 مارس ... وأنا قدمت قبل نهاية الشهر بس مفيش أخبار تاني من ساعتها
لكن هناك أخبار (غير مؤكدة) عن طرح قطع إسكان عائلي خلال شهور لكن في مدن جديدة غير (العبور - الشروق - التجمع - أكتوبر) !!!!!!!!! مش عارف هايخترعوا مدن تانية ولا إية ........ ربنا ييسر الأمور
الفكرة يا أستاذ محمد مش في توافر الأراضي .......
وزير الإسكان الجديد عايز يطرح أراضي بأسعار رخيصة ... فمش هايقدر يعمل كدة مع مدن أصبح لها رينج معين في الأسعار وفي ناس إشترت وناس عملت إستثمارات ... يبقي كدة هو هايهد كل حاجة ...
فهو عايز يعمل في مدن جديدة زي بدر والعاشر وأسيوط وبرج العرب إللي هي أسعارها لا تتجاوز الـ 500 ج ...
بالمناسبة أنا كنت أخذت رقم حضرتك عشان أكلمك قبل ما قدم في القرعة عشان أخذ رأيك ... ولكن لإني كسول جدا للأسف متشرفتش بمكالمتك .... وبعدين قدمت في الشروق مع إني بحب العبور جدا لكن طريق الأسماعيلية (أجارك الله) لا أمل فية وخاصة بعد االكوبر القبيح الجديد إللي زود البلل طين .............:crying1:
المشروع لسة في مرحلة البناء
وهو في 6 اكتوبر والرسومات والتراخيص كلفت حوالي 8000 جنيه والارض اتقيمت ب700 الف
الفكرة هي ان شريك يبني لحد ما يوصل ل700 الف وهي تقريباً تكلفة الهيكل والطوب
ودول من الحاجات اللي تقدر تقيم تكلفتها بصورة دقيقة شوية لان مكوناتها ورينج اسعارها ومصنعيتها معروفه واي مقاول يحسبهالك في 5 دقائق
وبعد المرحلة دي كل واحد يشطب بمزاجه بعد الاتفاق على الواجهة وصاعد الكهرباء والمياه والصرف العمومي وتقسيم التكلفة بنسب المشاركة زي ما قلت في المشاركة الاولى
لان اسعار التشطيب متفاوته جداً وفيه صنايعي بلدي وفي صنايعي بيعمل شغل تجاري وفي صنايعي محترم وكل واحد ليه سعره وهنا تكمن المشكلة وهي انك لو شاركت تاجر متخصص في الموضوع ده هتلاحظ انه هيرفض الكلام اللي انا قلته وهيصر انه يشطب كله ويحاسبك عليه لان كل مكسبه بيكون في التشطيب
وكمان في حاجة خطيرة وهي انهم بيطلبو انهم يبيعو نصيبهم في الشقق قبل اكتمال البناء وقبض مقدمات قبل ما تتبني ودي كارثة لانه ممكن يقبض مقدمات ويخلع ويسيبك او يتعثر في التمويل ويتهرب وانت صاحب الارض تتصرف مع الناس ودي رفض كل تجار المشاركة انهم يلغو البند ده
علشان كدة حاول تشوف واحد صاحبك ويكون مش بتاع مشاكل على الفلوس ويكون معاه قرشين محترمين ويا سلام لو صاحبك مهندس او ليه خبرة سابقة في المباني يبقى 100%
يمكن الموضوع هيكون أأمن لما تكون الارض بالمشاركة من الاول لانه هيكون في الصورة معاك ومش هيقدر يلعب بديله
وعلى فكرة الموضوع ده لو مشي صح واتعمل تجاري هيكسب كويس جداً
من سنتين قابلت مجموعة من الاطباء بيعملو الحركة دي وبدؤو من عمارة 5 ادوار وبسم الله ما شاء الله دلوقتي بانيين ابراج كتير وكل واحد بياخدله شقة ويبيع الباقي
القرعة اتلغت رسميا النهاردة الخبر موجود في صحيفة المساء وان شاء الله تكون التوابع خير.