الموضوع: فـامــييه ســليم لعـبور سـليم

المشاركة الأصلية كتبت بواسطة mido777

احمد باشا ... ازيك ... معلش معرفتش اقعد معاك يوم المقابلة .... بس ان شاء الله حظبط حاجة كده فى الكنج انا وشنورى وأقولك وأكيد جتيجى ان شاء الله علشان نعرف نشبع منك :)

بالنسبة للفاميه انار مركب درجة ( 0 . 0 ) من 3 سنوات ومفيش اى مشكلة فى اى لجنة مرور معايا سواء قبل الثورة او بعدها
ده بالعكس قبل الثورة كنت مركب ستائر كبس فى الخلف وكان فيه لجنة مرور وقفتنى وخلانى اشيلها واقطعها بنفسى وكان عايز ياخدهم

وسألته على الفاميه اللى مركبه قالى مفيش مشكله طالما الرؤية واضحة جوه ومن بره الصبح او باليل ....
فغالبا انا حركب الدرجة (0.1)

ياباشا ولا يهمك , وباذن الله مع بعض فى مقابلة الكنج رتب انت وقول وحتلاقينى موجود وراشق باذن الله

كفاية ان حنشوفك ونقعد معاك

هو لو فى زيرو وفاتح حيكون حلو طبعا

المشاركة الأصلية كتبت بواسطة bassamhafez

عارفها انا العربيه دي

بص يا ابو حميد انا عن نفسي مفيم العربيه كلها 0 0 وخلي بالك الدرجه دي بتدي غمقان اعلى حاجه بسيطه عندنا عن اي عربيه تانيه لان الازاز عندنا اصلا uv يعني بيغمق سنه بسيطه في الشمس

ومركب فوقيهم الستاير اللي انت شفتها عندي في الاجناب وورا وعامله شغل حلو وممكن تنزلهم لو داخل على لجنه

بس انا اعتقد ان الفيميه اصلا كان بيتكتب في المخالفه حاجب رؤيه فا مش عارف لو انت ركبت درجه فاتحه ها تعدي ولا لا

دي محتاجه نعرف نظام اللجان المروريه الجديده ايه

بس كان في موضوع هنا واحد بيقول انه كان مفيم درجه مش غامقه قوي ودخل على لجنه وعدوه وكانوا موقفين عربيات كتير مفيمه غامق

الله اعلم بقى دى ها يمشي في كل اللجان ولا على حسب مزاج ابو دبورة اللي واقف لان لحد دلوقتي ما فيش اي حاجه تحدد رسميا ايه الدرجه المسموحه

ما هى فعلا بتمشى بالمزاج , بس ان شاء الله يكون المزاج اتغير بعد الثورة

وياريت بجد يصرحوا بالفامية الفاتح مشض الغامق اوى , يبقا حاجة كويسة

المشاركة الأصلية كتبت بواسطة a.saad

انا حاطط 0.0 على الزجاج الخلقى والمثلث الورانى
علشان التيت اللى بيضربوا العالى فيا على المحور والصحراوى
لو عايز تشوفه يا احمد تحت امرك

حبيبى انا عاوز اشوفك انت يا بوحميد , لانك واحشنى جداااا

المشاركة الأصلية كتبت بواسطة easy2002

السلام عليكم ورحمة الله وبركاته
لو سمحتم يا جماعه هوا أنا لو جبت النيسان الصني السوبر سالون هاي لاين اللي هيا فاميه بيقولوا انها مثبته ف الرخصه هل انه فعلا هينفع تثبت ف الرخصة ولا مش هيوافقوا ف المرور؟؟؟؟؟؟

الفاميه بتاع الهاى لاين مثبوت فى ورق العربية وبالتالى بيتكتب فى الرخصة عادى , وكمان انت تقدر تفيم باقى العربية
لان فى الهاى لاين بيفيموا الزجاج الخلفى والجانبين اللى فى الخلف
اما الامامى ممكن حضرتك تكملوا عادى مفيش فيها مشكلة , ما هما كاتبين كدا كدا فاميه , فكمل الطقم عادى
يامحظوظين يا صناوية

المشاركة الأصلية كتبت بواسطة محمد محمد

انا اقولك علي فكرة معرفش حد نفذها قبل كده...ودي العربية لواحد بتاع نظارات خليه يعملك الزجاج عاكس زي العدسات البولارايزد وساعة ما الظابط يقولك شيل الفامية هيحط ايده علي الزجاج مش هيلاقي حاجة يشدها.

هى حلو الفكرة يا محمد جدا , بس بردوا مشكلة فى الفحص , اذا كان بيخلوك تشيل ورق الفاميه بايدك , واومال حيعملوا ايه فى الزجاج , ممكن يقولك كسروا هههههههههههههه

ساعتها حتضطر تفك الابواب وتشيل الزجاج وشغلانة

هو ممكن لو ينفع نركب زجاج ملون درجة درجة الفامية الزيرو , وححط الموضوع ده فى دماغى

المشاركة الأصلية كتبت بواسطة abdoelshazly

جاااامد ههههههههههههههه ومالها ياعم ستاير الكبس شغاله زى الفل معانا وبعدين ياعم الحج دا النص نقل بقوا بيفيموا والتكسيااات ههههههههههههههههههههههههه

هى الستائر الكبس شغالة مع انها ممنوعة بردوا , بس انا عاوز اغمق سنة الزجاج عشان يعطى شكل للعربية بردوا


حبقا اخد جولة على بتوع الفاميه , واشوف الدرجات , الاسعار , وابلغكم

وكمان لو حركبه حخليه يعمله ويركبه بطريقه سهلة خصوصا فى الخلع عشان لو فى حاجة وحبيت اشيله يكون سهل

وموضوع تغير الزجاج الى زجاج ملون واغمق سنة هى فكرة حلوة , بس مكلفة اكيد