الموضوع: نقاش بينى وبين العفشجى عن الشداد اللى تحت

ميسو عامل أيه ،، الشدادات العلوية .. ااو حتى السفلية .. حسب معلوماتي ،، بتتعمل من مادة مقاومتها للشد عاليه،، لكن مقاومتها للكسر مش عالية ..والله كان ليها مصطلح عندنا في الدراسة يا ميسو .. بس مش فاكره .. فاشل بقا تعمل أيه :))))

بحيث انه لو بعد الشر حصل حادث .. مع الكبس لورا او قدام ،، الشدادات تتقطم !! لكن في حالة السواقة العادية ،، مقاومتها لأجهاد الشد عالية !! بالتالي الشاسيه مش حيفتح معاك في الحودان على سرعات عالية .. و حيتمسك :)

و بالفعل الراجل ده عنده ححححق على فكرة !! و فاهم فعلاً ...


بس هو معملش أب دايت لنسفه من مده كبيرة تقريباً لأن المشكلة دي كانت موجودة و تم التغلب عليها بنوع المواد أيها الي قلتلك عليها

=================================

بعد أذنكم ،، أضافة لو تسمحولي بيها ،، بالنسبة لحكاية "أمال الخواجة عملهم ليه؟"و الكلام ده

أحنا لو شفنا حنلاقي أن الحاجات دي معمولة علشان تتحط في العربيات ذات الأداء العالي

الي هي المفروض تكون عربيات رايس ،، بتتسابق في حلبة السباق ،، مش في الشوارع ... و أي حادث في حلبة السباق ،، بيكون أصلاً مدمر ،، مش عارف أوصلهالكم ازاي ،، بس يعني أصلاً كده كده الي حيعمل حادثة في السباق ،، غير الي حيعملها مننا أحنا الناس الي بنمشي في الشارع !!

دي مدمرة ،، و أحنا لا

هو عنده سبونسرز بيصلحوولوا العربية ،، و احنا لا

هو مش يهمه غير الأداء و بسسسسسسس "و عربياتهم بيكون محطوط فيها حاجات بتقلل العمر الأفتراضي لأي حاجة بطريقة كبيييييييرة في مقابل زيادة جبارة في الأداء ... " و هو كمتسابق مش يهمه غير كده


على عكسنا أحنا ،، أحنا في مصر هنا .. كل واحد عنده عربية ،، عايزها جوكر ،، و أنا لأسف منهم !! "إلا من رحم الله"

عايز عربيته تبقى عائلية و رياضية و كل حاجة !!

و ده للأسف مش صح ... و لما واحد بيركب الحاجات دي ،، بيكون عارف أضرارها ،، و متحملها ... و لكنه مش هامه غير الأداء الي بيطلع من عربيته !!!

و على رأي المثل "على قد لحافك مد رجليك ،، و أطبخي يا جارية .. كلف يا سيدي"...!!!

آسف للأطالة