سؤال فى دهان الاكصدام

**dagadeeg** · 20-04-2011 02:06 AM

المشاركة الأصلية كتبت بواسطة funnymickey

انا عندي كده بردو وفعلا الاكصدام مش واخد طبقه عازله خبطه واحده جابتلي الاكصدام كله وقشر
سعر رش الاكصدامين 300 جنيه
وبلاش الحي السابع
انا كنت رحت الحرفيين لورشه كريم منير افضل
يوم جمعه كده والدنيا رايقه روحي علي هناك بعد الصلاه
انما بلاش الحي السابع
انا ساكن جمبهم ومبتعاملش معاهم

شكرا على الرد
بس ممكن سؤال ساذج شوية
تمام هاروح الحرفيين يوم جمعة بعد الصلاة
المهم ورشة كريم منير دى مشهورة هناك، اروح اسأل يعنى ولا ليها واصفة او عنوان او اى حاجة كدة

**bio_mz** · 20-04-2011 10:52 AM

مكان الورشه في اول الحرفيين
بجوار مدرسة عمار ابن ياسر الابتدائية
اسم شريكه احمد قدورة
تليفونه
0102892814
0115151578
وطبعا أ- كريم
0101263030

نقلا عن موضوعه الخاص بالورشه

http://www.nilemotors.net/Nile/193804-a.html

**FunnyMickey** · 20-04-2011 03:08 PM

اسهل وصفه تسألي علي نقطه شرطه الحرفيين
ومنها تسألي علي بسام فايبر
وورشه احمد قدوره جمب بسام علي طول

**dagadeeg** · 20-04-2011 08:38 PM

المشاركة الأصلية كتبت بواسطة funnymickey

اسهل وصفه تسألي علي نقطه شرطه الحرفيين
ومنها تسألي علي بسام فايبر
وورشه احمد قدوره جمب بسام علي طول

شكرا هاخد الوصفة معايا
وفى حد كمان ادانى العنوان والتليفون
لو ملقيتهاش بعد كل دة ..... ابقى صحيح اذكى اخواتى

شكرا تانى على الرد

**memo823000** · 22-04-2011 04:04 AM

على فكره انا لسه مسمكر و راشش الباب اليمين ورا عند ورشة نايل موتورز لانه كان اطبق لانى دخلت فى عمود جراش العمارة

ورحت يوم الجمعه على العصر وعملته فى نفس اليوم بس طبعا مروح الساعة 12 بالليل

بصراحه شغل عالى ونضيف جدا كانه سحر رجع الباب زى الاول وناس زوق واخلاق

كلمى الاستاذ كريم وهو هيقولك هتعملى ايه

بس نصيحه متعمليش كله مره واحده

يعنى روحى مره بدرى يعمل بطانة ويرش ويخلصك فى نفس اليوم

وبعدين تروحى تانى يلمع العربية كلها وبالتوفيق ان شاء الله

**dagadeeg** · 25-04-2011 05:15 PM

المشاركة الأصلية كتبت بواسطة emo_ayman

حضرتك تقصد المادة العازلة اللى هيا الفيلر ؟

اقتباس

المشاركة الأصلية كتبت بواسطة dagadeeg

وعليكم السلام ورحمة الله وبركاته
لأ البوية بتقشر لوحدها، والحكاية زادت لما غسلتها فى بنزينة، ضغط المية الشديد زود تقشيرها وقرب الأكصدام يبقى اسود خالص( على فكرة العربية لونها سماوى)

للاسف واضح انها مرشوشة اي كلام.بتاع الدوكو هينزل كل البوية اللى عليها ويمعجن ويحط فيلر وبعد كدة يرش فى الفرن.

شكرا على المعلومة دى،، بصراحة مجتش فى دماغى بس انا فاكرة ان صاحب العربية اللى اشتريتها منه قال انه رشها كلها قريب،، بيقى متهيألى اللون لسة متأسرش بالعوامل الجوية ،،، ولا ايييه

هو انتى اللى هتحكمى عليه اكتر.يعنى اللون لسة كويس ولا فاتح وغامق او باهت فى اماكن معينة زى السقف والكبوت والشنطة.
انا بردة مش مرتاحة لهم بس معرفش مكان تانى

والله انا بتعامل مع سمكرى وبتوع دوكو معرفة فى الدراسة.ولو حضرتك حابة ممكن اوصفلك المحل واديلك رقم تيلفونه.

آسفة على التأخير فى الرد بس انا مشفتش المشاركة قبل كدة
انا معرفش اسم العازل اييه بصراحة بس الواضح انه فعلاً مفيش عازل كل اللى انا شايفاه لون مقشر تحته اكصدام اسود،،،، بس الحكاية دى فى الأكصدام بس لاكن باقى العربية مفيهاش تقشير والحمد لله
اما عن لونها فهى لون واحد كلها شكلها لسة مرشوشة فعلا ومتأثرتش بالشمس او العوامل الجوية الأخرى

والناس اللى بتتعامل معاهم حضرتك فى الدراسة دول امناء أصلى بصراحة مش بفهم قوى فى الحاجات دى،،،،، واكون شاكرة لو حضرتك ادتنى وصفة المحل والتليفون ، اروح واجرب.