السلام عليكم ياشباب أحب أضيف معلومه إن الهوندا CBR 250 الموديل الجديد 2011 واحد سلندر بس
وده يطلق عليه Big Single يعني بستم واحد كبير زي التريلات بالضيط بتكون 600 و 750 كمان وبتكون واحد سلندر بمعنى إنه مش هايدي الصةت الي إنتم عايزينه أو مستنيينه وبيكون أشبه بصوت الصيني شويه بس أضخم طبعا وبيكون أقرب لصوت التريلا والبيتش باجي
والإختلاف الموجود فعلا بينه وبين الباجاج الهندي هو التبريد وعدد الصبابات
يعني الهوندا تبريد مياه رادييتور + مروحه + قربة مياه والباجاج تبريد هوائي
ثانيا الباجاج إتنين صباب واحد شكمان وواحد بنزين
أما الهوندا أربعه إتنين شكمان وإتنين بنزين وده بيفرق كتير في السحب والتسارع والتجميع
وعن تجربه لأني قارنت علنا بين الـ CBR 150 وهي الأقرب من حيث التكنولوجيا للـ CBR 250 2011
ومابين الباجاج الـ 180 موديل 2010
وما أدراك ما الفرق وبعد طول إختبارات إكتشفنا إن الفارق في عدد الصبابات الي بيخلي فرق التسارع والتحميل عالغيار والعزم في الـهوندا 150 أقوى بكتير جدا من الباجاج 180 و الـ 200 و الـ 220
وفي حاجه تانيه عايز أقولهالكم كنت ناسيها إن الهوندا هوندا مهما كان
معلومه كمان الهوندا الـ CBR 125 2008 وما بعدها و الـ CBR 150 2007 والـ CBR 250 2011 والـ CBR 250 RR 2011
تايلاندي إنتاج مصنع هوندا للصناعات المغذيه والصناعات الخفيفه وقطع الغيار والصناعات التكميليه الكائن بتايلاند
وبيكون مختوم على أي موتسيكل Made in thailand

وهتقابلكم سوزوكي صناعة فرنسا من مصنعها الكائن في فرنسا

وأخيرا الـ kawasaki ninja 250r في السنوات الخمس السابقه إنتاج شركة Bajaj الهنديه بتوكيل من kawasaki Japan
ودي إتنين سلندر بس صوتها حلو وأقرب لصوت الريسنج وتقدرو تتفرجو عليها على موقع BAJAJ الرسمي

شكرا وأسف عالمداخله وعلى ضياع وقتكم الثمين
أخوكم إبراهيم أسعد