استفسار هام بخصوص جراند بونتو

**mohamedgamall** · 22-04-2011 11:40 AM

انا بهزر معاك يا فوميلاتور و بصارحة بحاول اوقعك فى الغلط زى برامج التوك شو بتوع اليومين دول

**hossam_eldin** · 27-04-2011 08:14 PM

شكرا يا جماعة على ردودكم

انا روحت لمركز روكسان و كشفلي على زيت الفتيس و لقاه ناقص
و بمجرد اني زودت الزيت العيب اختفى
المشكله ان فيه تسريب للزيت مش عارف مكانه لحد دلوقتي
و التسريب ده مش من الخزان

لكن اسطوانة الدبرياج ما كانش فيها حاجة خالص زي ما كان التوكيل بيقول
يعني التوكيل كان هيكلفني 3200 جنيه من غير ما يصلح العيب الرئيسي اللي في العربية

**yoko** · 27-04-2011 08:40 PM

المشاركة الأصلية كتبت بواسطة hossam_eldin

شكرا يا جماعة على ردودكم

انا روحت لمركز روكسان و كشفلي على زيت الفتيس و لقاه ناقص
و بمجرد اني زودت الزيت العيب اختفى
المشكله ان فيه تسريب للزيت مش عارف مكانه لحد دلوقتي
و التسريب ده مش من الخزان

لكن اسطوانة الدبرياج ما كانش فيها حاجة خالص زي ما كان التوكيل بيقول
يعني التوكيل كان هيكلفني 3200 جنيه من غير ما يصلح العيب الرئيسي اللي في العربية

هام جدا خلي بالك إن الزيت الي حطيته يكون زي الكتالوج لإن الزيت العادي هيحرق الفتيس
وروح التوكيل نزلها سوفتوير لو مكنش إتعملها قبل كده لإن موديل ٢٠٠٧ كان فيه مشكله بتعمل الحكايه دي (على مستوى العالم ونزلها recall)
ولو مظبتطش إبقى شوف بتسرب منين

وأهم حاجة متحطش زيت غير بتاعها عشان الفتيس ميتحرقش ولما تروح التوكيل متقولهمش إنك زوت زيت عشان ميلبسوكش في الحيطة

**yoko** · 27-04-2011 08:58 PM

المشاركة الأصلية كتبت بواسطة hossam_eldin

شكرا على الرد
هو الزيت اللي حاطيته قالولي في مركز روكسان انه هو بتاع العربية دي , و مش هو الزيت الاحمر بتاع العربيات العادية
هي عموما المشكلة اختفت و العربية ماشيه معايا كويس حاليا
المشكله الوحيده اللي لسه باقية , انى كل يوم الصبح الاقي نقطتين زيت تحت الفتيس
و لما كشفت على الخزان قالولي انه ما بيسربش , و اني لازم انضف العربية من تحت عشان يشوفه مكان التسريب كويس

يبقى كده تمام
والتسريب غالبا من السلونويد لو كده إعمل سوفت للفتيس وكله هيظبط

**yoko** · 27-04-2011 09:06 PM

المشاركة الأصلية كتبت بواسطة hossam_eldin

معلش انا معلوماتي عن العربيات قليله جدا

هو ايه السلونويد ده و يعني ايه اعمل سوفت للفتيس

اشكرك جدا على اهتمامك بالموضوع و اسف على تعبك معايا

الفتيس عندك بيتم التحكم فيه عن طريق صمام كهرمغناطيسي (solenoid ) وده الي بيتحكم فيه الكمبيوتر بتاع العربيه موديل ٢٠٠٧ بعض العربيات الكمبيوتر كان بيتحكم غلط فيخلي زيت الفتيس يطلع من الفايظ فالزيت يقل ومفيش مكان تسريب

فلو عملت السوفتوير والدنيا ظبطت يبقى تمام والكمبيوتر إبتدأ يدي قرايات صح للفتيس لو فضلت موجوده يبقى فيه حاجة بتسرب