الموضوع: إستفسار من جميع الأعضاء

بسم الله الرحمن الرحيم
أنا قررت ان شاء الله انى اغير فرش العربية واعمل فرش جلد تفصيل ومازلت محتار مين يعملى الفرش دة بأحترافية لكن المشكلة مش هنا المشكلة انى رحت لكذا واحد من ضمنهم جينز كار والسلام لأن الاتنين دول هما اكتر اتنين انا محتار ما بينهم والاتنين قالولى خبر وحش قوى وهو:-
إن عربيتى بوما موديل 2006 موتور 1300 سى سى وبالتالى قالولى ان الكنبة عندى ورا مش مجسمة زى بتاعة الـ 1600 سى سى ومش هتكون بنفس الجمال لأنها هما بيسموها كنبة حتة واحدة لكن التانية مجسمة ومتقسمة اكتر فبتدى شكل جمالى أحلى بكتيير.
ونتيجة لذلك بفكر انى أغير الكنبة اللى ورا قبل ماعمل موضوع الفرش الجلد فهل فى أى حد عمل الموضوع دة قبل كدة وأشترى الكنبة بتاعة الـ 1600 سى سى ولو فى اشتراها بكام وإية رأية فى فرق الشكل وياترى ممكن أعمل عملية بدل وأدفع فرق ولو ممكن هيكون الفرق كام ولو فى حد معاة أرقام الناس بتوع الاستيراد ياريت يبعتهوملى علشان اتصل اسأل.
وياريت ياجماعة لو فى حد يعرف مكان كويس للفرش التفصيل ويكون محترف ياريت يقولى علية
ألف شكر وجزاكم الله خيراً

إية يا جماعة الناس راحت فيين؟؟