محتاج خبرة جميع الأعضاء من فضلكم

**smousalim** · 14-09-2009 08:34 AM

كل سنة وانتوا طيبين

محتاج رأي كل من لة خبرة فى السيارات و القيادة ان بتعلم القيادة جديد دلوقتي وعاوز اشتري عربية ومحتار ابدأ بزيرو ولا مستعمل عادى ولا اوتوماتيك مع العلم ان المبلغ اللى معابا فى حدود 90000 جنية
كمان اية الأفضل لية كمبتدأ( كوري -يباني -اوروبي)
وكل سنة وانتوا بخير وصحة وسلامة

**K!ShO** · 14-09-2009 08:36 AM

اعقتد كبدايه
افضل مستعمل لفتره 6 شهور لسنه
وبعدين زيرو

**Mohamed.Ramah** · 14-09-2009 04:52 PM

بص اهم حاجة فى فترة التعلم يبقى معاك حاجة قطع غيارها مش غالية وفى نفس الوقت تكون حالة العربية جيدة لان اقل خبطة فى اليبانى او الاوروبى حتكلفك وانت لسة بتتعلم ممكن تجيب حاجة ارخص ولما تتعلم تجيب اللى انت عاوز طبعا مفيش حد بيتعلم سواقة يجيب اتوماتيك مينفعش لازم مانيوال طبعا الاول وبعد كدة الاوتوماتيك مش مهم راكب اية المهم تعرف تسوق الاول وبعد كدة هات اللى انت عاوزة وبالنسبة جديد او مستعمل دى حاجة ترجعلك وعلى حسب ميزانيتك وربنا يسهل

**madoo** · 14-09-2009 06:34 PM

بس طلما انك لسه بتتعلم يبقى هات مستعمل نضيف لغايه لما تحس انك تمام وان شاء الله كده كده مش هيحصل حاجه متخاوفش نفسك والسواقه قلب وبرده ادب واخلاق واحترام الغير والقوانين

اليابانى والاوروبى افضل بس قطع الغيار اغلى

**M.FOUAD** · 14-09-2009 06:48 PM

انا رايي تجيب فيرنا زيرو تتعلم عليها و مش هتكلفك حاجة و بعد كدة تبقى تجيب اي حاجة عالية ب90 الف

**Ghost2** · 14-09-2009 08:25 PM

بص انا هقولك حاجه يمكن غريبة شوية .. انا مقتنع ان اللي يتعلم سواقة على عربية 504 بيجو ويتمكن منها كويس .. يعرف يسوق اي عربية ... حاول تشوف واحده كويسة .. واركبها شهرين تلاته وبعد كده اشتري زيرو زي ما انت عايز ..لما تحس انك اتمكنت من السواقه هات الزيرو

**Terrible_DaRsH** · 15-09-2009 09:02 AM

ارشح لك بروتون واجا .

**cheetos_892005** · 15-09-2009 09:09 AM

المشاركة الأصلية كتبت بواسطة smousalim

شكرأ لكل الأعضاء اللى تفاعلوا مع موضوعي ومقتنع الى حد كبير مع الأخ اللى اقترح انى اجيب زيرو علشان مليش اى خبرة فى المستعمل واللى غالباً هايغلبنى مع اليكايكية فى بلدنا اللى هما معروفين بأستغلال اى حد ماعندوش فكرة خصوصاً ان الضمير فى بلدنا بيعاني وبعافية شوية كمان بشكر العضو اللى اقترح الفيرنا بس من خلال متابعتى للمنتدى واللى لقيت فية رأى الأغلبية مش مع الفيرنا وعيوبها الكتير اوى بسأل اية رأيكوا فى رينو لوجان او النيو اكسينت زيرو طبعاً على اساس ان اعضاء كتير اوى بيشكروا فيهم ومتشكرجداً مرة تانية لكل الأعضاء اللى اهتموا وردوا على موضوعي ويجعلة فى ميزان حسناتهم.

راقِبْ أفكارَكَ لأنها ستُصبِحُ أفعَالاً

...راقِبْ أفعالَكَ لأنها ستُصبِحُ عادات

...راقِبْ عاداتَكَ لأنها ستُصبِحُ طِباعاً

...راقِبْ طِباعَكَ لأنها ستُحدِّدُ مصِيرَكَ...

انا رايي انك ممكن تمسك العصايه من النص
عربيه مستعمله بس حديثه و تكنولوجيا قليله و سهله في السواقه و قطع غيار رخيصه و في كل مكان و قليله الاعطال عندك بقي
اللانوس او الكريستاله ((او ممكن الجوليت كمان عشان حجمها اصغر منهم))
الاتنين ممتازين
يعني يوم ما تخبط لا قدر الله هتبقي هينه
و قليلا ان شاء الله لما تبوظ بس هات موديل 2000 و انت طالع
يعني ممكن ب 55 الف تجيب كريستاله 2000 حالتها ممتازه او لانوس موديل جديد قوي بردو حلوه
و حوش الباقي حوالي من 6 اشهر لسنه و غير بزيرو
و الميزه كمان ان العربيتين دول مطلوبين قوي و سوقهم مفتوح و مبيخسروش
يعني مش هتخسر فلوس ان شاء الله
ربنا معاك