محتاج مساعدة فى اختيار جى ام

**bassol2000** · 21-04-2011 12:12 PM

@misoalex فعلا انا كنت كتبت موضوع عن مشكلتي مع المضخم ده ... و ده راجع لجهلي بالسماعات .. اللى عملته كالآتي دخلت على موقع Boss و جيبت المانيوال بتاع الصب اللى معايا و اتضح انه مكتوب احسن شئ ليه انه يتحط فى صندوق مقفول ... و ده اللى انا عملته .. فعليا الصوت اختلف 180 درجة و بقي حاجه وصلت لدرجة ان انا معايا نيسان صني 2010 .. صاج العربيه كان بيتهز .. طيب وصلنا للنتيجة دى من غير اى وجع دماغ ده شئ كويس جداً ... بقي حاجه بقي ... ايه هيا .. ال well-Balanced Sound (Bass+Vocal+Tre
يكونو مظبوطين مع بعض .. دلوقتى فى مشكله انا موصل سماعتين كينوود الرف على الهيد يونيت على طول .. يعنى لو عليت .. لحد 30 مثلا الصوت تمام مافيش مشكله .. بس 35 اللى هو الماكس .. صباح المشاكل :D طيب انا فكرت فى حل .. و عشان كده اتكلمت فى موضوع المضخم التانى للسماعات و ممكن اقابلك انا من جمال عبدالناصر و تسمع الصوت و لو شايف فى تعديل غير اللى انا ناوي اعمله المفروض يتعمل .. قولي اكيد منك استفيد ..
KoDaK_Gti@انا مركب امب كينوود 350 2 تشانل بيطلع 1 تشانل مونو 170 واتت ... ماينفعش اخليه للسماعات عشان انا ناوى اعمل اب جريد لسماعات الباب برضه :( اصلي بيني و بينك لاقيتهم ب 130 جنيه السوني يعنى مش فلوس مقابل انى هاخد صوت لذيذ .. يبقي كده انا محتاج امب 4 تشانل مش 2 تشانل ... هى دى النقطة
و شكرا للبيتيلاوي الكبير beetleMOSH هو احتمال بنسبة كبيرة يكون بيونير 640 لانه اقرب لاحتياجاتى

**ah12121981** · 21-04-2011 03:20 PM

بص يا باشا عن تجربه كبيره جدا فى الموضوع دا أحسن جى إم للسماعات هو kenwood وى أفضل جى إم للصب أو البازوكا سيمفونى المصرى وى خلى جى إم تو تشانل لسمعتين أو فور شانيل لأربع سماعات وى جى إم تانى خالص للصب أو البازوكا عشان لو معملتش كدا مش هيبقا عندك تحكم صب فى الكاسيت وى لو الكاسيت مفيهوش تحكم صب هيبقا الصوت ملوش طعم

**bassol2000** · 21-04-2011 03:53 PM

@ah12121981 كلامك على عيني و راسي .. بس انا معايا جي ام كينوود للصب وفر ... و صوته مقبول .. و ناوي اجيب جى ام كينوود 4 تشانل او بيونير للسماعات لانى هوصل 4 سماعات ... سيمفوني ماركة كويسة :$ .. بس انا ماجربتهاش .. و بخاف منها .. لو تقولي RockFord Fosgate اقولك اشطه :D

**bisoolover** · 21-04-2011 04:52 PM

السونى جامد ياجدعاان فعلا للاتنين وهو الماكس بيين السيمفونى والكينود يعنى تشغله على صب مايقولش لا تشغله على سماعات تبقى صاحبى وحبيبى وكفااءة بس الكورى القدييم مش الجديد

**beetleMOSH** · 21-04-2011 05:35 PM

المشاركة الأصلية كتبت بواسطة bisoolover

السونى جامد ياجدعاان فعلا للاتنين وهو الماكس بيين السيمفونى والكينود يعنى تشغله على صب مايقولش لا تشغله على سماعات تبقى صاحبى وحبيبى وكفااءة بس الكورى القدييم مش الجديد

يا سلام عليك يا بيسو و على خبراتك
هههههههههههههه
و اهم حاجه يكون كورى هااااا

واخد بالك انت يا عماد D:

--------------------
bassol
سماعات الباب على فكره مش هاتحتاج جى ام
لان السونى الل ب 130 جنيه دول ال 190 وات
يعنى فى الضعيف اللضعيف
و هاتقول احلى كلام على الكاسيت

**bassol2000** · 21-04-2011 06:59 PM

beetleMOSH@ لا بيتل برو .. انا شوفتهم فى توكيل سوني دول 75 وات ار ام اس .. كويس جداً .. انا بفهم برضه فى الحاجات دى :D انا كنت بتعامل مع سماعات بتتشال بالونش :D هههههههه ايام بقي :$ و هقول لحضرتك برضه على وجهة نظري .. السماعات الكينوود اللى معايا ... لذيذه اوى و مغطيه العربيه كلها " انا حاططها على الرف الخلفي " بس لما يكمل الصوت من عند رجليك تحت كده و السماعات تغلس عليك و تعيش كده معاها .. جو تانى برضه يستاهل الفلوس ... و علي اى حال انا شكلي بعد كل اللى بعمله ده اصلا هخلص امتحاناتى و ابيع العربيه دى .. و اشتري لانسر خليجي :D عاجبانى اوى .. النيسان جميله و كل حاجه .. و بتجري بس اللانسر الخليجي .. مستوي تانى :$

**misoalex** · 21-04-2011 08:31 PM

طيب مش تقول على حوار سماعات الابواب ده ياراجل ههههههههههههه
وانت من الاول كنت حاطط الصب من غير بوكس وعاوز تاخد منه صوت :)
كده انت صح لازم تجيب امب 4 شانيل وافضل حاجه بالنسبه للعده بتاعتك كينود 600 مثلا وابعد السيمفونى مدام انت عاوزه للسماعات

بس عاوز اقولك ان برضه ان الجى ام حيحسن صوت السماعات ويطلعلك صوت كويس لكن برضه لو عليت لحد ال max الصوت حيبوظ
يعنى انت بتقول الماكس عندك 35 ولحد 30 الصوت كويس طيب هو ده الطبيعى على فكره وعشان الصوت ميبوظش بعد متركب الامب حتظبط الجين بتاع الصوت من الامب

يعنى عاوز اوصلك ان الامب او الجى ام حظبطلك الخرج وتجسيم الصوت اكتر من علو مستوى الصوت

انا عامل عندى زى عندك بالظبط حاليا بس الجى ام اللى عندى للبازوكا 600 والسماعات ال 400 على الكاسيت
انا من فكتوريا ممكن نتقابل وافرجك عندى على العده واشوف انت عامل ايه عندك