الانتظار في البومة 2008

**Ahmedjomhor** · 20-04-2011 03:34 PM

السلام عليكم ازيكم يا جماعة
أنا عضو جديد هنا معاكو و اتمنى منكو تفيدوني انا عندي لانسر 2008 بومه و للأسف اردني
عندي مشكلة في نور الانتظار مبيشتغلش مع فتح الابواب و لما اجي افتح العربية من الريموت بتاع الانذار زي الاول فجأة كدا مبقاش يشتغل مش عارف ليه و مع العلم انه بيشتغل الانتظار من زرار الانتظار العادي يعني بيتهيألي مفيش مشكلة في الفيوز
و كمان لسه لابس مطب بسرعة 40 تقريبا في الضلمه كده عند ميدان جهينه بس العربية محكتش من تحت....... خايف اكون ضريت العربية من غير مأحس فيا ريت تقولولي ممكن ابص على ايه بعد المطب ده عشان اتأكد من العربيةو أطمن انه مفيهاش حاجه
مستني خبرتكو في المشكلة الي عندي دي و ايه يكون حلها

**محمد فضالي** · 20-04-2011 03:53 PM

المشاركة الأصلية كتبت بواسطة Ahmedjomhor

السلام عليكم ازيكم يا جماعة
أنا عضو جديد هنا معاكو و اتمنى منكو تفيدوني انا عندي لانسر 2008 بومه و للأسف اردني
عندي مشكلة في نور الانتظار مبيشتغلش مع فتح الابواب و لما اجي افتح العربية من الريموت بتاع الانذار زي الاول فجأة كدا مبقاش يشتغل مش عارف ليه و مع العلم انه بيشتغل الانتظار من زرار الانتظار العادي يعني بيتهيألي مفيش مشكلة في الفيوز
و كمان لسه لابس مطب بسرعة 40 تقريبا

في الضلمه كده عند ميدان جهينه بس العربية محكتش من تحت....... خايف اكون ضريت العربية من غير مأحس فيا ريت تقولولي ممكن ابص على ايه بعد المطب ده عشان اتأكد من العربيةو أطمن انه مفيهاش حاجه
مستني خبرتكو في المشكلة الي عندي دي و ايه يكون حلها

بص ياباشا في بعض أنواع الانذار ممكن تتحكم في عملية الاشارات دي بانك تلغيها أو تشغلها ودي ممكن بالضغط لفترة طويلة على أحد الأزرار وتقريبا ممكن تتحكم كمان بانك تعمل الانذار صامت
لو ماكنش حاجة من دول أنصحك انك تروح للي ركب لك الانذار وتشوف فيه ايه

أما بالنسبة للمطب فما تقلقش أوي كدة ( شوارع مصر كلها حرير

) ان شاء الله مش حيكون في حاجة علشان العربية كانت ماشية بطئ مش سريع أوي وانت بتقول انها محكتش في حاجة

ان شاء الله خير