دعم البنزين (الوقود) موضوع للنقاش

السلام عليكم ورحمة الله وبركاته
بما اننا داخلين على عهد وعصر جديد من العدالة الاجتماعية
عاوزين ننقاش مشكلة دعم الوقود ونجاوب على كام سؤال

دعم الوقود مش بيوصل غير للي معاهم عربيات يعني مش بيوصل لكل الناس
واللي مش معاهم عربيات بيوصلهم دعم البنزين في صورة مواصلات عامة مدعمة (اللي هي غير آدمية وقمة البهدلة والعطلة) يإما يتحط تحت رحمة سواقين الميكروباص ويحاسبوه بالتسعيرة اللي يحبوها
يعني اللي معاه عربية هيوصله الدعم بشكل آدمي
واللي مش معاه عربية هيوصله بس بشكل غير آدمي على الرغم ان الاتنين ليهم نفس الحق في الدعم

نيجي للي عندهم سيارات
ليه واحد يكون غني جدا وياخد دعم على البنزين
ليه واحد اجنبي او مش مصري ياخد الدعم بتاعنا سواء على البنزين او الخبز

يعني معقولة الموضوع ده مالوش حل
يا جماعة دول 66 مليار جنيه دعم
يعني مش قليلين
ولو راحو لمستحقيهم هيفرقو كتير جدا
ياريت نسمع مقترحاتكم

على حسب
لتر البنزين في الاماكن التي لا تدعمه - زي اوروبا - ب 12 جنيه

لو كده يبقى لأ
حفول - 62 لتر - ب 720 جنيه؟ تقبلها دي؟

لو حيغلى شوية عالقد ويرفع عن الدولة كتير و يكون الأقل متوفر
ممكن

هو المفروض دعم البنزين يتقنن شويه بمعنى يكونه لناس معينه بكوبنات شهريه بعدد لترات معينه وبعد كده يبقى البيع بالسعر العادى وخلى بالك الرقم بتاع 66 مليار ده نص البترول اللى بنستخدمه بيكون جيلك من مصر يعنى مش كله مستورد لكن زمان كانوا بيحسبوا الدعم ازاى يقول احنا مثلا عايز فى السنه 100 براميل بنطلع منهم 50 برميل ونستورد 50 برميل يعنى 50 برميل* 100$ سعر البرميل = 5000 $ لكن هما كانوا بيضربوا فى 100 برميل كلهم على اساس ان بيحسبك البترول المصرى بالسعر العالمى علشان كده بيطلعك مبلغ ضخم جدا فى دعم البنزين ياريت اكون قدرت اوضح الصور

اقتباس:

---

المشاركة الأصلية كتبت بواسطة angeliccore

على حسب
لتر البنزين في الاماكن التي لا تدعمه - زي اوروبا - ب 12 جنيه

لو كده يبقى لأ
حفول - 62 لتر - ب 720 جنيه؟ تقبلها دي؟

لو حيغلى شوية عالقد ويرفع عن الدولة كتير و يكون الأقل متوفر
ممكن

---

يا باشمهندس انا لا اقصد يشيلو الدعم
انما ليه شخص غني وعنده عربية ب 200 الف جنيه ياخد دعم (ربنا يزيده انا مش بحسد)
وشخص ماعندوش عربية خالص يحرم من الدعم او يوصله في صورة وسائل نقل غير آدمية يتعذب ويتبهدل
يا ريت لو تبقى مقننة شوية وحتى اللي يستحق الدعم يكون ليه كمية معينة شهرية واكتر من كدة يبقى بدون دعم

اقتباس:

---

المشاركة الأصلية كتبت بواسطة mahamedaraby

هو المفروض دعم البنزين يتقنن شويه بمعنى يكونه لناس معينه بكوبنات شهريه بعدد لترات معينه وبعد كده يبقى البيع بالسعر العادى وخلى بالك الرقم بتاع 66 مليار ده نص البترول اللى بنستخدمه بيكون جيلك من مصر يعنى مش كله مستورد لكن زمان كانوا بيحسبوا الدعم ازاى يقول احنا مثلا عايز فى السنه 100 براميل بنطلع منهم 50 برميل ونستورد 50 برميل يعنى 50 برميل* 100$ سعر البرميل = 5000 $ لكن هما كانوا بيضربوا فى 100 برميل كلهم على اساس ان بيحسبك البترول المصرى بالسعر العالمى علشان كده بيطلعك مبلغ ضخم جدا فى دعم البنزين ياريت اكون قدرت اوضح الصور

---

بالظبط كدة يا محمد
ممتاز جدا موضوع الكوبونات وساعتها فعلا الدعم هيروح لاصحابه

انا وجهة نظرى يلغو المشاريع خالص

و ينزلو حوالى 2000 اوتوبيس او اكتر بس طبعا اوتوبيسات نضيفة


بس طبعا الكلام ده من غير دراسة

يعنى علشان يخدو خطوة زى ديه لازم يبقو عارفين ان عدد كذا هيبقى محتاج مواصلات فى الوقت كذا

و يشوفو كام واحد هيبقى متضرر من الالغاء ده هيبقى فيه بطالة ليهم اد ايه ويتوفرلهم فرص عمل فى نفس المجال

بس طبعا حاجة زى كدة مينفعش تتعمل فى ظل الظروف الراهنة

اعتقد ان محدش حاليا عنده ميكروباصلت زينا

اقتباس:

---

المشاركة الأصلية كتبت بواسطة a_hmed

انا وجهة نظرى يلغو المشاريع خالص

و ينزلو حوالى 2000 اوتوبيس او اكتر بس طبعا اوتوبيسات نضيفة


بس طبعا الكلام ده من غير دراسة

يعنى علشان يخدو خطوة زى ديه لازم يبقو عارفين ان عدد كذا هيبقى محتاج مواصلات فى الوقت كذا

و يشوفو كام واحد هيبقى متضرر من الالغاء ده هيبقى فيه بطالة ليهم اد ايه ويتوفرلهم فرص عمل فى نفس المجال

بس طبعا حاجة زى كدة مينفعش تتعمل فى ظل الظروف الراهنة

اعتقد ان محدش حاليا عنده ميكروباصلت زينا

---

انا راى ان افضل وسيله موصلات هى الميكروباص حاليا دى كفايه الوسيله الوحيده اللى بتقعد فيها مش بتقف وكمان بتقوله على جنب فى اى حته يقفلك عايز ايه تانى :Copy of m-s5:

هو المكيروباص وسيله كويسه جدا من راى بس لازم تتقن شويه خط سير محدد مواقف محدد او يقف على اليمين خالص بدون اعاقه سير المرور لو هيسبوها مفتوحها وطبعا موضوع الاجره وبس هو مش محتاج حاجه تانى ويبقى مشروع بجد ممتاز جدا

فى نقطة تانية كمان بتسبب اهدار لهذا الدعم

وهى الزحااااااااااااااااااااا اااااااااام

شوف كام عربية بتكون واقفة فى الزحام وكل واحدة موتورها شغال يعنى بنزين بيتحرق بدون فايدة وبعدين تمشى سنة وتقف لمدة كيلو مثلا ودا يزود استهلاك البنزين اكتر

يعنى تخيل ان الدعم اللى الدولة بتعمله بيطير فى الهواء


لازم مشاكل الزحام دى تتحل

والاسبوع اللى قبل اللى فات كانوا اقترحوا نوع من الكبارى بيبقوا 2 كبورى تحت بعض على هيئة حرف xبيقولوا انه ممكن يحل جزء من مشاكل الزحام

لما نوفر وسائل نقل ادمية تشجع الناس انها تسيب عربياتها وتركب مواصلات حتلاقى الدنيا تخف شوية

لما تتفتح الجرجات المقفولة وتتعمل جراجات جديدة وكان فيه فديو لجراج يابانى اللى العربيات بتطلع فيه على سير متحرك ومش بياخد حيز نهائى

يعنى الحلول كتير عشان نحس بالدعم بس عاوزة ناس تكون مخلصة فى تنفيذ المشاريع مش عشان تنهب فلوس البلد وخلاص

يا جماعه المفروض الغاء الدعم حتى لو التفويله ب 1000 ج
ايه المشكله لما نحول العربيه الى غاز طبيعى
ولو حد محتاج الدعم يبقى ياخده فلوس انما دعم على هيئه سلع بيعمل فساد وتوجيه الى ناس لا تستحق
وكمان هيخلى كل واحد يتحرك بالعربيه فى المهم فقط يعنى مفيش شباب هيعد يلف بالعربيه على الفاضى

هو المرتب فيه كام عشان يكفي لإيه!!!

اللى اعرفه اننا بننتج حوالى 80% من البنزين المستهلك محلى و بنستورد الباقى ... مبلف الدعم اللى الحراميه بيقولوه مبلغ غير صحيح لأنه مبنى على افتراض انك هتبيع اللى انت بتنتجه بالسعر اللى بتشترى بيه و بيحسب مكسب الكلام ده على انه دعم و ده كلام غلط ... احسبلى الدعم على اللى انت بتشتريه بعشره و تبيعهولى بواحد بس متكونش بتكلفه واحد و تبيعهولى بواحد و تيجى تقولى انا بدعمك بتسعه !!!!
الموضوع لو اتدرس صح مش هتلاقى ان فى مبلغ كبير فى دعم البنزين و الا هتلاقى ان عندك دعم خفى فى اى حاجه بتتصنع او تتزرع فى مصر

انا بفكر في ان البنزين مثلا يبقى ارخص للعربيات اللي ال cc بتاعها قليل يعني حاسبلي مثلا العربية ال 800 cc اللتر بدل ماهو ب 1.85 احسبوا ب 1.5 و ال 1000 احسبها ب 1.60 و ال1300 ب 1.70 و ال1600 1.80 و اكثر من كدة يبقى من غير دعم

بس الفكرة في ان طرمبات التموين بيبقى محطوط عليها قيمة اللتر و عامل البنزينة بيظبط بالعافية انت عاوز كام لتر ولا تفول فمش عارف تتعمل ازاي دي مثلا و تتعرف منين صعب قوي المقترح ده بس انا بتكلم على تشجيع الناس انها تمتلك عربيات صغيرة منها تقلل الضغط شوية على اماكن الركن و تخفف الزحمة

الكلام على دعم الوقود بيحتاج تفاصيل و النتيجة مش ها تكون صحيحة لو اتكلمنا عليه حته واحده
يعنى هنا انا شايف الموضوع اتجه للكلام على دعم البنزين مش دعم الوقود
يبقى نركز فى الكلام على البنزين
و عشان نبقى على نور يبقى نقول ان دعم الوقود الجزء الاكبر منه رايح على دعم البوتاجاز و الجاز
و دول مش بيروحوا لا للعربيات الملاكى الغالية و لا الرخيصة (الا نسبة ضئيلة جدا لشوية عربيات ملاكى ديزل لا تستحق الذكر)
غاز البوتاجاز بنستورده و تكلفته عاليه و لا يمكن حل هذا المر الا بتوسيع تغطية الغاز الطبيعى
و الجاز يعنى نقل و مواصلات و ارتفاع سعره عارفين كلنا انه بيسبب ارتفاع مباشر لأسعار السلع على الفقير قبل الغنى
دعم البنزين يمثل أقل من 5 % من ميزانية دعم الوقود
اكيد محتاج ترشيد لكن لا ترفعوا سقف التوقعات بخصوص المبالغ اللى ممكن تدخل خزينة الدولة نتيجة ترشي دعم البنزين
دعم الووقود محتاج عشان يترشد اعادة هيكله كاملة لمنظومة النقل و المواصلات من أول السكة الحديد لحد النص نقل مرورا بالنقل التهرى الغير مستغل
لو معملناش كده يبقى اللى ممكن الدولة توفرة من اى اجراء مهما كان لن يفى بالغرض و فقط سيضيف اعباء

اقتباس:

---

المشاركة الأصلية كتبت بواسطة angeliccore

على حسب
لتر البنزين في الاماكن التي لا تدعمه - زي اوروبا - ب 12 جنيه

لو كده يبقى لأ
حفول - 62 لتر - ب 720 جنيه؟ تقبلها دي؟

لو حيغلى شوية عالقد ويرفع عن الدولة كتير و يكون الأقل متوفر
ممكن

---

ب12 جنيه بعد تحويل العملات من يورو لجنيه اعتقد الصح متحولش عملات لأنو بيقف عند الاوروبيين ب2 يورو زي 2 جنيه عندنا

اقتباس:

---

المشاركة الأصلية كتبت بواسطة أبو_حمزة

الكلام على دعم الوقود بيحتاج تفاصيل و النتيجة مش ها تكون صحيحة لو اتكلمنا عليه حته واحده
يعنى هنا انا شايف الموضوع اتجه للكلام على دعم البنزين مش دعم الوقود
يبقى نركز فى الكلام على البنزين
و عشان نبقى على نور يبقى نقول ان دعم الوقود الجزء الاكبر منه رايح على دعم البوتاجاز و الجاز
و دول مش بيروحوا لا للعربيات الملاكى الغالية و لا الرخيصة (الا نسبة ضئيلة جدا لشوية عربيات ملاكى ديزل لا تستحق الذكر)
غاز البوتاجاز بنستورده و تكلفته عاليه و لا يمكن حل هذا المر الا بتوسيع تغطية الغاز الطبيعى
و الجاز يعنى نقل و مواصلات و ارتفاع سعره عارفين كلنا انه بيسبب ارتفاع مباشر لأسعار السلع على الفقير قبل الغنى
دعم البنزين يمثل أقل من 5 % من ميزانية دعم الوقود
اكيد محتاج ترشيد لكن لا ترفعوا سقف التوقعات بخصوص المبالغ اللى ممكن تدخل خزينة الدولة نتيجة ترشي دعم البنزين
دعم الووقود محتاج عشان يترشد اعادة هيكله كاملة لمنظومة النقل و المواصلات من أول السكة الحديد لحد النص نقل مرورا بالنقل التهرى الغير مستغل
لو معملناش كده يبقى اللى ممكن الدولة توفرة من اى اجراء مهما كان لن يفى بالغرض و فقط سيضيف اعباء

---

انا مع حضرتك
بس لو حسبنا ال 5% من الدعم هيطلعو حوالي3.5 مليار جنيه
وده برده مبلغ كبير يا باشمهندس ولو راح لمستحقيه هيفرق كتير جدا ولا انا غلطان؟؟

اقتباس:

---

المشاركة الأصلية كتبت بواسطة windsofchange

ب12 جنيه بعد تحويل العملات من يورو لجنيه اعتقد الصح متحولش عملات لأنو بيقف عند الاوروبيين ب2 يورو زي 2 جنيه عندنا

---

بالظبط يا فندم
لما يبقى متوسط الدخل هناك 20 الف يورو في السنة يبقى عادي جدا لما يبقى لتر البنزين ب 2 يورو

انا ضد الغاء الدعم لان البترول اللي بينتج هنا ده بتاع الشعب ده اولا

ضد ان يتم التفريق بين مواطن والتاني يعني زي مابنقول اللي عنده عربيه مش بياخد الدعم وده مش صح يبقي منقولش اللي عنده عربيه نضيفه وغاليه او سي سي عالي مياخدش دعم - هو مش ذنبه انه غني او اجتهد او مش غني بس نفسه يركب عربيه نضيفه

موافق علي موضوع ان يبقي في كوته لكل مواطن ولو خلصها يبقي هو حر وياخد بعد كده باالغالي بس برده مش لدرجة 12 جنيه يعني المفروض اصلا البنزين يرجع سعره زي مان ويبقي ال 92 ب 120 قرش مثلا واللي عايز زياده يبقي ب 2 جنيه وساعتها مش هتفرق معاه كتيير

توجيه جزء من الدعم الي اصلاح الطرق ووضع مرور محترم ينسق سير الحركه المروريه لتقليل الأذدحام وبالتالي البنزين اللي بيتحرق غلي الفاضي

االغاء المشاريع كلها ويبقي نقل عام او شركات خاصه ويبقي في قوانين رادعه لاي سواق منها يخالف ويبقي في محطات زي اي ناس محترمه مش علي جنب يااسطي ويقوم الأسطي راكب علي الفرامل ملبس الناس في بعضها

سؤال هى كل حاجه فى البلد بقت كويسه ومش فاضل غير البنزين اللى حنتكلم فيه ؟؟؟؟؟؟؟؟

بلاش السيره دى يا جماعه لحسن بكره الصبح نلاقى البنزين بقى سعره الضعف

ولما يبقو يحسنو دخل المواطن يبقو يشيلو الدعم من البنزين زى مهما عاوزين

اقتباس:

---

المشاركة الأصلية كتبت بواسطة misoalex

سؤال هى كل حاجه فى البلد بقت كويسه ومش فاضل غير البنزين اللى حنتكلم فيه ؟؟؟؟؟؟؟؟
قبل كل شيء بشكر حضرتك على تقليلك من اهمية الموضوع
ولكن اعتقد لما يكون فيه حاجة بيهدر فيها مليارات الجنيهات ومش بتروح لمستحقيها يبقى لازم نناقشها باعتبارنا منتدى متخصص في السيارات
بلاش السيره دى يا جماعه لحسن بكره الصبح نلاقى البنزين بقى سعره الضعف
الكلام ده حضرتك كان زمان قبل ما يصبح للشعب قيمة وصوت
انما دلوقتي لن يؤخذ قرار ليس في مصلحة الشعب
ولما يبقو يحسنو دخل المواطن يبقو يشيلو الدعم من البنزين زى مهما عاوزين
انا مع حضرتك
ولكن الحفاظ على الدعم من الاهدار سيحسن من دخل المواطن ودخل مصر بالكامل

---

اقتباس:

---

المشاركة الأصلية كتبت بواسطة misoalex

سؤال هى كل حاجه فى البلد بقت كويسه ومش فاضل غير البنزين اللى حنتكلم فيه ؟؟؟؟؟؟؟؟

---

شوف حضرتك اهتمامك بالفاميه قد ايه في حين بتقلل من اهمية مشكلة دعم البنزين

اقتباس:

---

المشاركة الأصلية كتبت بواسطة misoalex

طيب حنعمل ايه يا رجاله الموضوع مش حينفع كلام على النت
ينفع نجمع توقيعات ونقدم بلاغ لاى جهه لالغاء ظلم المرور والتصريح بعدم المساس بأى عربيه متفيمه

او بألغاء الفاميه من البلد نهائيا حتى عربيات الظباط والقضاه ووكلاء النيابه

هل ينفع فلا اننا نتقدم بشكوى او بلاغ
ياريت حد يفيدنا فى الموضوع ده

---

للاسف احنا بنحدد اهمية المواضيع طبقا لاحتياجات اشخاص وليس احتياجات مجتمع او دولة

يعنى انت شايف ان دعم البنزين ال 80 ده اهدار لمال الشعب ؟؟؟؟؟؟؟؟؟؟؟؟؟؟؟؟؟
مش فاهم وجهه نظر حضرتك بصراحه

وهو البنزين ال 95 ده مين اللى بيحطه غير اللى حضرتك تقصد انهم مش محتاجين الدعم

لكن من حق الدوله انها تدعم البنزين للشعب
ده اذا كان اللى بنحطه ده اسمه بنزين اصلا

حضرتك لو حد قرب للبنزين ال80 فى الوقت الحالى حتحصل ثوره تانيه

ولو حضرتك زعلان من اهتمامى بالفاميه اعمل مش واخد بالك اصل دى عربيتى وملكيه خاصه مش من حق واحد يقوللى متعملش كذا او كذا فيها بدون اى وجهه حق او قانون موجود يستند عليه
دى اكتر حاجه غيظانى فى موضوع الفاميه

اقتباس:

---

المشاركة الأصلية كتبت بواسطة shaddadfalcon1

انا ضد الغاء الدعم لان البترول اللي بينتج هنا ده بتاع الشعب ده اولا

ضد ان يتم التفريق بين مواطن والتاني يعني زي مابنقول اللي عنده عربيه مش بياخد الدعم وده مش صح يبقي منقولش اللي عنده عربيه نضيفه وغاليه او سي سي عالي مياخدش دعم - هو مش ذنبه انه غني او اجتهد او مش غني بس نفسه يركب عربيه نضيفه

موافق علي موضوع ان يبقي في كوته لكل مواطن ولو خلصها يبقي هو حر وياخد بعد كده باالغالي بس برده مش لدرجة 12 جنيه يعني المفروض اصلا البنزين يرجع سعره زي مان ويبقي ال 92 ب 120 قرش مثلا واللي عايز زياده يبقي ب 2 جنيه وساعتها مش هتفرق معاه كتيير

توجيه جزء من الدعم الي اصلاح الطرق ووضع مرور محترم ينسق سير الحركه المروريه لتقليل الأذدحام وبالتالي البنزين اللي بيتحرق غلي الفاضي

االغاء المشاريع كلها ويبقي نقل عام او شركات خاصه ويبقي في قوانين رادعه لاي سواق منها يخالف ويبقي في محطات زي اي ناس محترمه مش علي جنب يااسطي ويقوم الأسطي راكب علي الفرامل ملبس الناس في بعضها

---

اؤيد كلامك بشده

لازم الميكروباصات دى تبقى تابعه لهيئه ويبقى ليها كبير ومش اى سواق يبقى سواق مكروباص لازم يبقى تابع لشركه ومعاه تصريح

اقتباس:

---

المشاركة الأصلية كتبت بواسطة misoalex

يعنى انت شايف ان دعم البنزين ال 80 ده اهدار لمال الشعب ؟؟؟؟؟؟؟؟؟؟؟؟؟؟؟؟؟
مش فاهم وجهه نظر حضرتك بصراحه

وهو البنزين ال 95 ده مين اللى بيحطه غير اللى حضرتك تقصد انهم مش محتاجين الدعم

لكن من حق الدوله انها تدعم البنزين للشعب
ده اذا كان اللى بنحطه ده اسمه بنزين اصلا

حضرتك لو حد قرب للبنزين ال80 فى الوقت الحالى حتحصل ثوره تانيه

ولو حضرتك زعلان من اهتمامى بالفاميه اعمل مش واخد بالك اصل دى عربيتى وملكيه خاصه مش من حق واحد يقوللى متعملش كذا او كذا فيها بدون اى وجهه حق او قانون موجود يستند عليه
دى اكتر حاجه غيظانى فى موضوع الفاميه

---

حضرتك انا مش زعلان بدليل اني شاركت في موضوع الفاميه
ولكن لما يكون في شخص بيعرض مشكلة او وجهة نظر
اعتقد انه لا يستحق من حضرتك انك تدخل فقط لتقلل من اهمية الموضوع
كان من الافضل ان تعرض وجهة نظر حضرتك بدلا من التقليل

وانا بتكلم على مشكلة توزيع الدعم وليس بنزين 80 و95
انا قولت ان اللي ماعندوش عربية بيظلم في اخذ الدعم واللي عنده عربية فارهة ليه يستفاد من الدعم
اعتقد ان مفهوم الدعم هو مساعدة البسطاء وليس الاغنياء
والاجنبي مش من حقه انه ياخد بنزين مدعم

كل الاحترام لحضرتك ولرأي حضرتك

اقتباس:

---

المشاركة الأصلية كتبت بواسطة abdelaziz-waleed

السلام عليكم ورحمة الله وبركاته
و عليكم السلام و رحمة الله و بركاته
بما اننا داخلين على عهد وعصر جديد من العدالة الاجتماعية
مفيش حاجه اسمها عداله اجتماعيه فيه حاجه اسمها و لكل مجتهد نصيب, او بالبلدى الى بياكل على ضرسه
و فى نفس الوقت فيه حاجه اسمها المساواه يعنى تعامل الناس كلها سواسيه بدون تفضيل او تمييز حد على حد
عاوزين ننقاش مشكلة دعم الوقود ونجاوب على كام سؤال

دعم الوقود مش بيوصل غير للي معاهم عربيات يعني مش بيوصل لكل الناس
واللي مش معاهم عربيات بيوصلهم دعم البنزين في صورة مواصلات عامة مدعمة (اللي هي غير آدمية وقمة البهدلة والعطلة و دى مشكلة الحكومه الى مش مهتمه بمنظومة المواصلات فى البلد من نقل برى بجميع انواعه و سكه حديد و نقل بحرى و نهرى) يإما يتحط تحت رحمة سواقين الميكروباص ( و الفكهانى و بتاع الخضار حتى العيش فى ناس غلوه الاسبوع الى فات, دى مشكلة الحكومه الى مش عامله رقابه و سايبه كل واحد يعمل الى هو عايزه) ويحاسبوه بالتسعيرة اللي يحبوها
يعني اللي معاه عربية هيوصله الدعم بشكل آدمي
واللي مش معاه عربية هيوصله بس بشكل غير آدمي على الرغم ان الاتنين ليهم نفس الحق في الدعم
اسمحلى, الى بيشترى سلعة البنزين هو الى يستحق عليها الدعم لان الدعم بيكون على السلعه
الى بيستخدم مواصلات ده بيستخدم خدمه معينه و ليها صفات محدده و سعر محدد
يعنى سواق التاكسى هو الى يستحق دعم على البنزين
انما سواق التاكسى بيقدم خدمه التوصيل بسعر محدد و طبعا السعر هيتحكم فيه حاجات كتير منها الطريق سالك ولا زحمه, العداد شغال ولا بالبركه...

نيجي للي عندهم سيارات
ليه واحد يكون غني جدا وياخد دعم على البنزين (لان مينفعش تحدد سعر سلعه على حساب القوه الشرائيه للمستهلك, و متحاولش تعمل تقسم طبقى للبلد فقير و غنى و نص نص منعا لنشوب مشاكل بين هذه الطبقات)
ليه واحد اجنبي او مش مصري ياخد الدعم بتاعنا سواء على البنزين او الخبز
علشان ميبقاش فيه تفرقه عنصريه. علشان يكون فيه المساواه. هو شغال فى مصر يبقى خاضع للنظم و القوانين المصريه و زيه زيك بيدفع ضرايب على دخله فى مصر و يزيد عليك انه بيدفع اقامه و حاجات تانيه
حضرتك لما تكون مسافر بره مصر و رايح تجيب سندوتش مثلا و تضطر تشتريه اغلى من ابن البلد لمجرد انك اجنبى هيكون ايه شعورك؟ موضوع انه شغال فى بلدك و بياخد اكتر منك و يمكن حضرتك تكون خبره اكتر منه ده علشان خلل فى النظام العمل المصرى اللى كله فساد

يعني معقولة الموضوع ده مالوش حل
يا جماعة دول 66 مليار جنيه دعم
و هو حضرتك عارف هم اتصرفوا او اتوزعوا ازاى و لمين علشان نرجه ونقول مش قليلين او كتار!
يعني مش قليلين
ولو راحو لمستحقيهم هيفرقو كتير جدا
ياريت نسمع مقترحاتكم

---

مقترحاتى موجوده فى الرابطين دول
لازم المنظومه كلها تتصلح
و علشان نقدر نصلحها لازم الاول نغير طريقة التفكير بتاعنا

http://www.youtube.com/watch?v=DWRUq...eature=related

http://www.youtube.com/watch?v=tCcpG...eature=related

اقتباس:

---

المشاركة الأصلية كتبت بواسطة abdelaziz-waleed

حضرتك انا مش زعلان بدليل اني شاركت في موضوع الفاميه
ولكن لما يكون في شخص بيعرض مشكلة او وجهة نظر
اعتقد انه لا يستحق من حضرتك انك تدخل فقط لتقلل من اهمية الموضوع
كان من الافضل ان تعرض وجهة نظر حضرتك بدلا من التقليل

وانا بتكلم على مشكلة توزيع الدعم وليس بنزين 80 و95
انا قولت ان اللي ماعندوش عربية بيظلم في اخذ الدعم واللي عنده عربية فارهة ليه يستفاد من الدعم
اعتقد ان مفهوم الدعم هو مساعدة البسطاء وليس الاغنياء
والاجنبي مش من حقه انه ياخد بنزين مدعم

كل الاحترام لحضرتك ولرأي حضرتك

---

طيب اللى معندوش عربيه بيركب مواصلات وتاكسيات وكمان متنساش عربيات النقل وغيره
يعنى الدعم بيعم على الكل
والله المواصلات غير ادميه ده حوار تانى ملوش دعوه بالدعم
واللى راكب عربيه فارهه حيحط غصب عنه بنزين 97 مش برضاه واظن الحكومه رفعت الدعم عن الحاجات دى من فتره بنسبه كبييييره

يعنى البنزين المدعم اكتر حاجه هو ال 80
رفع الدعم حتى لو بنسبه معناه ان المواصلات والنقل حيغلى لان الجاز كمان حيدخل فى الموضوع
وطبعا ولا الشعب اللى راكب عربيه حيسكت ولا اللى مش راكب عربيه حيسكت يعنى ثوره تانيه

وعلى فكره من 5 سنين و اكتر لما الجاز غلى السواقين كلهم عملو اضراب ووقفو الشوارع لو تفتكر
دلوقتى بقى الاضراب حيتحول لثوره

طبعا الاجنبى ملوش اى حق فى الدعم ولكن دى حالات فرديه يعنى هو فيه كام اجنبى فى مصر
ومش حينفع تعمل البنزين بالبطاقه او الباسبور

وفى نفس الوقت ممكن الاجنبى يركب مواصلات وبرضه حيستفاد من الدعم

عشان كده بقول الموضوع مش فى وقته خاااااااااااالص لان الدعم قضيه تمس امن مصر القومى والبلد مش ناقصه فى الوقت ده

ممكن يكون فيه طرق تانيه تخفف بيها الدعم او توصله للى يستحقه بس مش دلوقتى

واعزرنى لو اسلوبى زعلك بس الموضوع نفسه ممكن يزعل ناس كتييييييييييير

اقتباس:

---

المشاركة الأصلية كتبت بواسطة misoalex

سؤال هى كل حاجه فى البلد بقت كويسه ومش فاضل غير البنزين اللى حنتكلم فيه ؟؟؟؟؟؟؟؟

بلاش السيره دى يا جماعه لحسن بكره الصبح نلاقى البنزين بقى سعره الضعف

ولما يبقو يحسنو دخل المواطن يبقو يشيلو الدعم من البنزين زى مهما عاوزين

---

انا مع حضرتك 100٪ انا شايف ان فيه حاجات كتييره جداا اهم من موضوع البنزيين زي النااس اللي بتموت كل يوم من الجوع و مشاكل الزراعه اللي مش مغطيه المطلوب و مشاكل الاسكان و البطاله
نيجي احنا نسييب كل ده و نبص علي دعم البنزين
و اظن ان لو كل الحاجات اللي فوق ديه اتحلت الشعب مش حيفكر في موضوع دعم البنزين
و علي فكره مصر بلد غنيه جدا جدا بس هيا اللي كانت مسروقه وحكايه دعم البنزين ديه لو البلد مافيهاش ملليم واحد

اقتباس:

---

المشاركة الأصلية كتبت بواسطة me5ooo

انا مع حضرتك 100٪ انا شايف ان فيه حاجات كتييره جداا اهم من موضوع البنزيين زي النااس اللي بتموت كل يوم من الجوع و مشاكل الزراعه اللي مش مغطيه المطلوب و مشاكل الاسكان و البطاله
نيجي احنا نسييب كل ده و نبص علي دعم البنزين
و اظن ان لو كل الحاجات اللي فوق ديه اتحلت الشعب مش حيفكر في موضوع دعم البنزين
و علي فكره مصر بلد غنيه جدا جدا بس هيا اللي كانت مسروقه وحكايه دعم البنزين ديه لو البلد مافيهاش ملليم واحد

---

ده تفكيرى والله يا باشا

شوفو الاراضى اللى تم تبويرها
والاراضى اللى اتباعت المتر بنص جنيه لحراميه البلد جوه وبره مصر
والمليارات اللى بتتصرف على علاج الفشل الكلوى والسرطانات اللى بسبب المياه الملوثه والمبيدات المسرطنه
نشوف المليارات المنهوبه اللى مرجعش منها جنيه واحد والله اعلم حترجع امتى وحترجع ولالا
نشوف باقى شله الحراميه اللى عمالين يهربو بره ويهربو فلوسهم وعمالين يغسلو اموالهم

موارد مصر كتييييييييييييييييييييييي يييييير جدااااااااا والله لو عرفنا نستفيد ب 75% بسسسسسسسس منها حنخللى لتر البنزين ال 95 بنفس تمن ال بنزين ال 80
وحنزود الدعم مش نرفعه عن الشعب

وصدقونى لو انا وغيرى معانا فلوس ومبسوط وراكب عربيه نضيفه ايه اللى حيخلينى احط بنزين 80 من المدعم اللى بيخللى العربيه تكركر للصبح وابوس ايدها عشان تجرى
ده غير البنزينات اللى كمان بتغشه قال يعنى هو ناقص غش

عملنا وثورة على حسنى مبارك علشان بعدها نلغى الدعم يعنى نعمل اللى هو ما قدرش يعمله ونخلى الناس تترحم على ايامه
ده كلام يا راجل ....

انا ليا راي في الموضوع ده وهيرخص البنزين كمان والحصيلة هتكون اكتر من دلوقتي طب ازاي
الاول يتم دراسة ما تحتاجة سيارة 1600 سي سي من بنزين خلال شهر في الاستخدام العادي وليكن 200 لتر في الشهر سعر اللتر واحد جنية يتم صرفة عن طريق كوبونات
اما لو زادا الاستهلاك يتم حسابة بسعر 5 جنية للتر مثلا ل 200 لتر ايضا
يبقى كدة الواحد ليه 400 لتر 200 بسعر واحد جنية للتر و200 بسعر 5 جنية للتر
واللي يزيد استهلاكة عن كدة يتم حسابة بالسعر العالمي حتى لو 20 جنية للتر
ووجهة نظري ان مش معقول يتم معاملة واحد متوسط الدخل جايب عربية على قدة ترحمة من المواصلات زي واحد جايب عربية بنص مليون وبيعمل 100 كيلو في اليوم وهو اصلا مش محتاج وبياخد اكبر قدر من الدعم الذي لا يستحقة اصلا

ويا ريت لوفيه تعديل في اقتراحي يتم المناقشة فيه

اللي بيجيب سيرة الدعم على العربيات الفارهة يفتكر ان اللي راكب العربية دي دافع تمنها مرتين جمارك وبيمثل اكبر جزء من الدعم الوهمي اللي الحكومة مبتدفعش فيه مليم
يعني ايه واحد راكب عربية ب300 الف وسعرها الاصلي 100 الف ويحط لتر ب12 جنيه!!!
اقول حل أسهل وهو اننا نلم الحرامية الوحشين اللي راكبين شيروكي ومرسيديس ونحط عليهم بنزين مدعم ونولع فيهم
اخص عليهم ازاي يشتغلو ويبقى معاهم فلوس !! وفي ناس بتقبض قليل
بدل ما ندور على اللي بيقبضهم قليل بننتقم من اللي بيقبض كتير
ممكن ننتخب روبن هود رئيساً للجمهورية وهو هيظبط الحوار ده

اقتباس:

---

المشاركة الأصلية كتبت بواسطة mahmoudysf

انا ليا راي في الموضوع ده وهيرخص البنزين كمان والحصيلة هتكون اكتر من دلوقتي طب ازاي
الاول يتم دراسة ما تحتاجة سيارة 1600 سي سي من بنزين خلال شهر في الاستخدام العادي وليكن 200 لتر في الشهر سعر اللتر واحد جنية يتم صرفة عن طريق كوبونات
اما لو زادا الاستهلاك يتم حسابة بسعر 5 جنية للتر مثلا ل 200 لتر ايضا
يبقى كدة الواحد ليه 400 لتر 200 بسعر واحد جنية للتر و200 بسعر 5 جنية للتر
واللي يزيد استهلاكة عن كدة يتم حسابة بالسعر العالمي حتى لو 20 جنية للتر
ووجهة نظري ان مش معقول يتم معاملة واحد متوسط الدخل جايب عربية على قدة ترحمة من المواصلات زي واحد جايب عربية بنص مليون وبيعمل 100 كيلو في اليوم وهو اصلا مش محتاج وبياخد اكبر قدر من الدعم الذي لا يستحقة اصلا

ويا ريت لوفيه تعديل في اقتراحي يتم المناقشة فيه

---

و كل واحد يروح يجيب كوبوناته كل اول شهر
ويبيع الكوبونات بتاعته على حساب السعر 3 جنيه
و نعمل سوق سوده
الناس بتشتغل بالفيزا و معدش حد بيشيل فلوس كاش و احنا لسه بنفكر فى الكوبونات
:0

اقتباس:

---

المشاركة الأصلية كتبت بواسطة l0new0lf

و كل واحد يروح يجيب كوبوناته كل اول شهر
ويبيع الكوبونات بتاعته على حساب السعر 3 جنيه
و نعمل سوق سوده
الناس بتشتغل بالفيزا و معدش حد بيشيل فلوس كاش و احنا لسه بنفكر فى الكوبونات
:0

---

عندك جق ياباشا موضوع الكوبونات دا فكرنى بايام الاشتراكيه وبيجامات الكستور هههههه
وليبيا

اقتباس:

---

المشاركة الأصلية كتبت بواسطة windsofchange

ب12 جنيه بعد تحويل العملات من يورو لجنيه اعتقد الصح متحولش عملات لأنو بيقف عند الاوروبيين ب2 يورو زي 2 جنيه عندنا

---

عندك حق بلاش تحويل عملات لان اليورو فى اوربا قيمته واحد
والجنيه فى مصر قميته واحد
واحد صديقى فى انجلترا بيقول تفويله العربيه ب 70 يورو بس قيمتهم كانهم 70 ج

اقتباس:

---

المشاركة الأصلية كتبت بواسطة ralliart

اللي بيجيب سيرة الدعم على العربيات الفارهة يفتكر ان اللي راكب العربية دي دافع تمنها مرتين جمارك وبيمثل اكبر جزء من الدعم الوهمي اللي الحكومة مبتدفعش فيه مليم
يعني ايه واحد راكب عربية ب300 الف وسعرها الاصلي 100 الف ويحط لتر ب12 جنيه!!!
اقول حل أسهل وهو اننا نلم الحرامية الوحشين اللي راكبين شيروكي ومرسيديس ونحط عليهم بنزين مدعم ونولع فيهم
اخص عليهم ازاي يشتغلو ويبقى معاهم فلوس !! وفي ناس بتقبض قليل
بدل ما ندور على اللي بيقبضهم قليل بننتقم من اللي بيقبض كتير
ممكن ننتخب روبن هود رئيساً للجمهورية وهو هيظبط الحوار ده

---

احنا دلوقتي مش بنتكلم على جمارك لو ليك وجهة نظر في موضوع الجمارك ممكن تعمل موضوع ليه
ومحدش قال ان اللي راكب شيروكي او مرسيدس حرامي والله اعلم بعد اللي بنشوفة دلوقتي مين الحرامي ومين لا
وبعدين بلاش سيرة الشغل وخصوصا في مصر اللي بتجيب فلوس بالطريقة دي وكلنا شوفنا الفلوس كانت بتيجي ازاي لفئة معينة من الناس

اقتباس:

---

المشاركة الأصلية كتبت بواسطة l0new0lf

و كل واحد يروح يجيب كوبوناته كل اول شهر
ويبيع الكوبونات بتاعته على حساب السعر 3 جنيه
و نعمل سوق سوده
الناس بتشتغل بالفيزا و معدش حد بيشيل فلوس كاش و احنا لسه بنفكر فى الكوبونات
:0

---

اولا اللي هياخد الكوبونات اللي معاه عربية يعنى مش اي حد وممكن ياخدها وهو بيرخص او فيه افكار كتير مش دي القضية
وبعدين والله اللي عايز يبيع يبيع هو حر طالما ما خدش حق غيرة
وبعدين لو انت معترض على طريقة التخلف بتاعة الكوبونات ممكن تحطلنا تصورك واقتراحك وقولنا ممكن ده يتم ازاي بالفيزا

اقتباس:

---

المشاركة الأصلية كتبت بواسطة sherif4004

عندك جق ياباشا موضوع الكوبونات دا فكرنى بايام الاشتراكيه وبيجامات الكستور هههههه
وليبيا

---

وبعدين بصراحة في الوضع الاقتصادي السيء للبلد ده
انا شايف ان المفروض تتعاد هيكلة حاجات كتير ومن ضمنها البنزين
يعنى مثلا العضو الكريم اللي بيقول المفروض نولع في اللي راكبين شيروكي
انا بقولك لا مش هنولع فيهم بس لما تكون الشيروكي 4000 سي سي وبتشرب بنزين
ونلاقي حمادة عمال يلعب بالعربية طول النهار ومامي وبابي سايبينو يدلع مفيش مشكلة يدلع براحتة بس مش بالنزين المدعم
وبعدين اللي ربنا كرمه وربنا يكرم الجميع وراكب عربية بمليون جنية وفوق 2000 سي سي
مش معقول هيبقى معفن اوي لدرجة انو عايز ياخد بنزين زي اللي راكب 127 او 128 بنفس التمن
وانا اتكلمت من حيث المبدا وقولت الطريقة قابلة للمناقشة حول ازاي وبكام يكون فيه فرق اسعار في البنزين
وعلى فكرة دي مطبقة في الكهربا بتاعة البيت فيها شرائح ومحدش اتكلم عنها اشمعنى في البنزين تعبانا اوي

اقتباس:

---

المشاركة الأصلية كتبت بواسطة mahmoudysf

اولا اللي هياخد الكوبونات اللي معاه عربية يعنى مش اي حد وممكن ياخدها وهو بيرخص او فيه افكار كتير مش دي القضية
وبعدين والله اللي عايز يبيع يبيع هو حر طالما ما خدش حق غيرة
وبعدين لو انت معترض على طريقة التخلف بتاعة الكوبونات ممكن تحطلنا تصورك واقتراحك وقولنا ممكن ده يتم ازاي بالفيزا

---

ماهو لما باع حاجه مدعومه يبقى خد حق الناس الى تستحق الدعم و طبعا باعها بسعر اكتر من الى دفعه فيه يعنى تربح و سوق سودا يعنى احنا بدل ما بنصلح حاجه بنبوظ اقتصاد بلد كامل
و موضوع الفيزا ده انا اثرته علشان الى عايز يصلح يفكر فى حاجه جديده مش يروح يدور فى الانظمه الى استعملت قبل كده و اثبتت فشلها
بس من الواضح محدش فيكم بص على الفيديوين الى انا حاططهم لان ده لو حصل مافتكرش ان دى هتكون مشاركاتكم
تقبلوا احترامى و عدم مشاركتى فى الموضوع ده تانى
( مفيش فايده. مات الكلام) بالبلدى

فيه حاجه انتو نسيتوها يا جماعه يا اللى بتتكلمو على العربيات الفارهه وال 2000 cc وغيره

شوفو صاحب العربيات دى بيدفع كام ضريبه فى السنه الواحده على الترخيص ؟؟؟؟؟؟ وكام ضريبه على تمن العربيه عند الشراء ؟؟؟؟؟

ده ال 128 ال 1100 cc بتدفع 200 جنيه فى السنه مشيت ممشيتش بتدفع 200 جنيه

يبقى المرسيدس حتدفع كام

صاحب العربيه الفارهه بيدفع جمارك اعلي وضريبه اعلي وبنزين اعلي
يعني بيتعاقب علي انه راكب عربيه نضيفه وبلاش الله يكرمكم موضوع اللي بيجيب عربيه بمليون جنيه مش هتفرق معاه لان العربيه اصلا المفروض يبقي تمنها 200 الف

اقتباس:

---

المشاركة الأصلية كتبت بواسطة mahmoudysf

احنا دلوقتي مش بنتكلم على جمارك لو ليك وجهة نظر في موضوع الجمارك ممكن تعمل موضوع ليه
ومحدش قال ان اللي راكب شيروكي او مرسيدس حرامي والله اعلم بعد اللي بنشوفة دلوقتي مين الحرامي ومين لا
وبعدين بلاش سيرة الشغل وخصوصا في مصر اللي بتجيب فلوس بالطريقة دي وكلنا شوفنا الفلوس كانت بتيجي ازاي لفئة معينة من الناس

---

ازاي يعني الموضوع ملهوش علاقة بالجمارك؟؟؟ مش ده دخل للحكومة اللي بتصرف بيه على الدعم ومرتبط بفئة العربية وحجم موتورها؟ دي علاقة وثيقة جداً ومينفعش نجيب سيرة الدعم من غير ما نجيب سيرة الجمرك
وبعدين ليه حضرتك مش متخيل ان ممكن واحد في مصر يركب مرسيديس من الحلال والله عادي مفيهاش حاجة واحد وربنا كرمه مش لازم يكون من الفئة المعينة اللي مشرفة في طرة
تعالى نشوف اللي بيركب مرسيديس s500 بيدفع ايه ؟
1-تمن العربية الاصلي يساوس 600 الف وهو بيشتريها بمليون و400 الف يعني دافع 800 الف فوق تمنها يعني اكتر من تمنها مررة وتلت للدولة يعني يمون بنزين 10 سنين قدام
2-العربية مجمعة محلياً يعني بيفيد اقتصاد البلد والعمال اللي شغالين وضرايب المصنع
3- ضرايب في الترخيص ودي بمبلغ يشتري عربية تانية جنبها مش فاكر بيالظبط بس بتلعب في 40 الف تقريباً

نيجي لاستهلاك العربية حضرتك متصور ان عربية 5500 سي سي يعني حريقة بنزين والغريب ان العربية دي بتستهلك زي اللانسر الـ1600 بالظبط 10.9 لتر لكل 100 كم يعني بتمشي في حدود 180 كيلومتر في الصفيحة يعني الاستهلاك مش زي ما سيادتك متخيل وقيس على ده كل العربيات اللي في السوق مع العلم ان الفيات 132 وال128 بتاعت الغلابة استهلاكها كارثي ويضر باقتصاد بلاد بالنسبة للمرسيديس !!

العالم كله بيقيس الضرايب على حسب استهلاك البنزين والانبعاثات واحنا هنقيسها بمين بيتفسح ومين جايب عربية غالية!؟
والله لو اطبق الصح لا يشيلو كل العربيات اللي في وجهة نظر حضرتك انها مستحقة للدعم ويرموها في اقرب زبالة
وبعدين مين قال ان مفيش توتو بيتفسح بـ132 ؟؟ ما هي بتستهلك بنزين اكتر من المرسيديس والشيروكي ومبيدفعش ضرايب ولا جمارك وبيحرق فلوس البلد وبيلوث الجو

وبعدين بالنسبة لموضوع الكوبونات ده عودة للعصر الحجري
اي بلد في العالم بيبقى فيها دعم للبنزين بيكون للكل من غير اي تحديد ومقابل العربيات الغير اقتصادية بيكون في ضريبتها
تخيل كدة لو واحد من المنصورة وبيشتغل في القاهرة مثلاً وعلشان حضرتك متزعلش هنعتبره غلبان مستحق للدعم وبيجري على اكل عيشه وراكب شاهين وعايز يرجع كل اسبوع مثلاً ،كوبوناته هتخلص في مشوار واحد وبعد كدة يجيب بنزين منين؟؟ يشحت؟

واللي حضرتك بتستهزأ بيه وبتقول بابي ومامي مديينله شيروكي 4000 سي سي (ده حقه وميصحش تستهزأ بيه ولو حضرتك عندك المقدرة هتجيب لبن العصفور لولادك)
بيكون دافع التمن في الجمارك والضرايب اللي بتدفع كل سنة
صدقني بيدفع اكتر من تمن البنزين لو مش مدعم اصلاً

اقتباس:

---

المشاركة الأصلية كتبت بواسطة Ralliart

ازاي يعني الموضوع ملهوش علاقة بالجمارك؟؟؟ مش ده دخل للحكومة اللي بتصرف بيه على الدعم ومرتبط بفئة العربية وحجم موتورها؟ دي علاقة وثيقة جداً ومينفعش نجيب سيرة الدعم من غير ما نجيب سيرة الجمرك
وبعدين ليه حضرتك مش متخيل ان ممكن واحد في مصر يركب مرسيديس من الحلال والله عادي مفيهاش حاجة واحد وربنا كرمه مش لازم يكون من الفئة المعينة اللي مشرفة في طرة
تعالى نشوف اللي بيركب مرسيديس s500 بيدفع ايه ؟
1-تمن العربية الاصلي يساوس 600 الف وهو بيشتريها بمليون و400 الف يعني دافع 800 الف فوق تمنها يعني اكتر من تمنها مررة وتلت للدولة يعني يمون بنزين 10 سنين قدام
2-العربية مجمعة محلياً يعني بيفيد اقتصاد البلد والعمال اللي شغالين وضرايب المصنع
3- ضرايب في الترخيص ودي بمبلغ يشتري عربية تانية جنبها مش فاكر بيالظبط بس بتلعب في 40 الف تقريباً

نيجي لاستهلاك العربية حضرتك متصور ان عربية 5500 سي سي يعني حريقة بنزين والغريب ان العربية دي بتستهلك زي اللانسر الـ1600 بالظبط 10.9 لتر لكل 100 كم يعني بتمشي في حدود 180 كيلومتر في الصفيحة يعني الاستهلاك مش زي ما سيادتك متخيل وقيس على ده كل العربيات اللي في السوق مع العلم ان الفيات 132 وال128 بتاعت الغلابة استهلاكها كارثي ويضر باقتصاد بلاد بالنسبة للمرسيديس !!

العالم كله بيقيس الضرايب على حسب استهلاك البنزين والانبعاثات واحنا هنقيسها بمين بيتفسح ومين جايب عربية غالية!؟
والله لو اطبق الصح لا يشيلو كل العربيات اللي في وجهة نظر حضرتك انها مستحقة للدعم ويرموها في اقرب زبالة
وبعدين مين قال ان مفيش توتو بيتفسح بـ132 ؟؟ ما هي بتستهلك بنزين اكتر من المرسيديس والشيروكي ومبيدفعش ضرايب ولا جمارك وبيحرق فلوس البلد وبيلوث الجو

---

معاك فى كل كلامك ضيف عليه ان الشروكى والمرسيدس الجديد لازم تحطلها بنزين 95 او 92 غصب عن صاحبها مش برضاه عشان العربيه مينفعش تمشى بأقل من كده والعربيه فعلا سحبها فى البنزين مش زى ما الناس متخيله

تانى حاجه فعلا مش الشروكى اللى المفروض تتعدم اللى تتعدم 132 و ال 128 ولا لانسر موديل 80 1800 cc ولا خنزيره و الحاجات دى كلها هى اللى بلاعه بنزين تعالى قارنها بلانسر ولا لانوس جديده وشوف انهى الاوفر لصاحب العربيه وللبلد وللعادم اللى بيطلع ويأزى الناس ويسبب امراض

بس هى الحدايه مش بتحدف كتاكيت عشان الدوله تفكر كده

لسه قاري خبر من يومين ان لندن هتمنع سير السيارات اللي قبل سنة 97 والموتوسيكلات اللي قبل 2004 واحنا لسه بنتكلم علي الدعم للعربيات ال 132 اللي بقالها مليون سنه

المواتير الضخمه دلوقتي بقت بتستهلك اقل من العربيات ال 127 بسبب التكنولوجيا الحديثه اللي بتقدر تستفيد اكتر من الطاقه اللي موجوده في البنزين

وفعلا اللي بيركب بي ام ولا ميرسيدس بموتور كبير المفروض ميدفعش ضرايب في المرور ولا يدفع تمن بنزين لانه دافع تمن الحاجات دي مدي الحياه في الجمرك اللي بيوصل ل 600 % من تمن العربيه