الموضوع: انا فعلا حزيييييين

المشاركة الأصلية كتبت بواسطة misoalex

طيب سؤال هو مين اللى مسؤل عن رفع الزباله الللى فى كل مكان

متطلبش من واحد ميرميش زباله

اكتر فتره نضفت فيها اسكندريه لما المحجوب جاب لكل بيت صندوق زباله

الناس اللى بترمى الزباله دى عندها تحت بيتها صندوق زباله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

قبل منطلب من الشعب النضافه نطلب صناديق زباله وعربيات تشيل الزباله اللى بتترمى كل يووووووووم

امال ال فلوس اللى بندفعها للزباله على فاتوره الكهربا بتروح فييييييييييين ؟؟؟؟؟؟؟؟؟؟؟؟؟؟؟؟؟؟

ياباشا حضرتك ماتسيبش البدله كلها اللي مقطعه و جاي تسال علي الزرار اللي مش موجد علشان يقفلها
دي اخلقيات ناس اتربة علي ان في دايما واحد ووراهم بالعصايه علشان لما يعمل حاجه غلط يضربه بيها دلوقتي الراجل ابو عصايه دا اضرب و طلع عينه فاكيد مش هايقدر يفتح عينه في حد و كله دلوقتي بيقول مافيش رقابه نعمل اللي احنا عايزينه بقي ماهو مافيش اي حد هايقولك انت بتعمل ايه و البقاء للاقوي
ايام زمان كان في كاميرات و كماين متحركه و امين الشرطه و كانت الدنيا الللي حد ما مش هاقولك 100% كويسه الناس بتقف في الاشارات مافيش مشي عكسي بتوع الميكروباصات مدداااااااس عليهم و ماحدش بيفتح بوقه كمان
زمان مكنش في حد يقدر يرمي ردش كده في الطريق كان زمانه اتنفخ من اول السواق و لحد صاحب العماره او صاحب التكسير نفسه لكن دلوقتي عربيات الزباله و البلديه موجوده عندها و اللودر كمان و الردش كان بيتشال بس مكنش موجود بالكميات المهوووووووله دي
زمان مش هاقولك مكنش فيه ناس بترمي ردش بس كان علي استحياء لان عارفين لو اتمسك هايتنفخ و يدفع غرامه دلوقتي مابقاش في حد خايف من حاجه

المشاركة الأصلية كتبت بواسطة misoalex

طيب يعنى هو الرطش ده بيجى منين وبيطلع ازاى ؟؟؟؟ وكان زمان بيروح فين ؟؟؟؟

الردش دا سعتك بترمي في مقالب ليييه بره المناطق السكنيه بس الناس بتستسهل و يرموه في اي حته علشان ييجي اللودر و التريلا بتاعة الحي علشان يشيلوه
زمان كان في عقوبات علي انك ترمي الردش في الشارع العمومي عادي كده و غرامات بتوصل لالف جنيه كمان

المشاركة الأصلية كتبت بواسطة misoalex

وحضرتك لو قرأت ردى حتعرف ان مش كل الناس معفنه وبترمى زبالتها فى الشارع

انا مقولتش بردوا كل الناس بدليل في المناطق السكنيه الراقيه نسبيا مش هاقولك عشوائيات محدش بيرمي الردش في الشارع العمومي الطبيعي ادفع فلوس زياده شويه علشان ارميه في مكانه و مابهدلش المنظر الجمالي للشارع و احافظ عليه لكن انا بتكلم علي حالة التسيب اللي في العشوائيات او في المناطق السكنيه التي يغلب عليها طابع المناطق الشعبيه هنا بيت القصيده

المشاركة الأصلية كتبت بواسطة misoalex

اقنعنى بقى حضرتك ان اللى رمى الزباله فى الشارع العمومى ده تحت بيته صندوق او على اول الشارع صندوق زباله
طيب معلش حضرتك بترمى زباله البيت بتاعك فين ؟؟؟؟؟؟؟؟؟
ولو ملقتش صندوق الزباله اللى بترمى فيه كل يوم حترميها فيييييين ؟؟؟؟

الزباله بتاعتي في القاهرخ بييجي الزيال بتاع زمان ده لحد باب البيت و بياخدها و هو بيوديها مقالب للزباله مخصوص و بياخد فلوس علي كده زائد الفلوس اللي علي وصل النور اللي هيا المفروض بتروح للشركات بتاعة العربيات زي اونيكس كده و الصناديق بتاعتها موجوده في كل شارع فيكي ياقاهره و اسكندريه موجوده بردوا وانا في اسكندريه كل يوم الصبح باخد الكيس بعربيتي وانا نازل الشغل ارميه في صندوق الزباله علشان العربيه بليل بتاعة اونيكس تيجي تشيله

المشاركة الأصلية كتبت بواسطة misoalex

لو البدله كلها اتصلحت اظن الزرار حيبقى سهل انه يتصلح :10d5c8w1107:

مادا اللي كل الناس بتحاول تقنع نفسها بيه ان البلد لو اتصلحت الناس هاتتصلح للاسف دا مش هايحصل في مناطق كتييييييييييره اللي واخد انه يرمي الزباله في اي حته هايفضل يرميها في اي حته حتي لو كانت البلد كلها زي الفل دي عقليات مش هاتتغير

مثال بسيط للتوضيح حته اسمها منشية ناصر عندنا في القاهره منطقه شعبيه درجه اولي الطريق واسه اربع خانات و كل الناس بتجري فيه لان بداية المنطقه منزل كوبري و قدام المنطقه بتاعتهم ميكروباصات علي الجنبين فالناس بتعدي رايحه جايه زمان واحد بيجري مع شويه ناس بتعدي خبطهم ماتوا 3 او 4 مش متذكر كل الاهالي ثارت و بتاع ازاي و مش ازاي هو احنا مالناش حق نعدي و طبعا جت الحكومه الفاسده اللي هيا في السجن كلها عملت كوبريين مشاه الناس ماستخدموش الكوبري و تكررت الحادثه مره اخري قاموا عملين جزيره في النص جميله و فيها زرع و بتاع و حوطوا الجزيره دي بسور حديد كبييييييير علشان الناس تستخدم الكوبري و بردوا مافيش فايده كسروا الصور الحديد دا و ابتدوا يعدوا من الجزيره و طبعا بهدلوا الزرع قاموا عاملين صور اضخم و سميك عن الصور القديم ليصعب تحطيمه بردوا مافيش فايده و مازالت الحته دي قائمه اللي الان و مافيش اي مواطن بيستخدم كوبري المشاه ابدا الا قله قليله و ساكنين في نفس المنطقه دي
الحكايه دي اللي انا بحكيها لحضرنك علي مدار 7 سنين اقل تقدير و دايما حوادث فيها و الناس بتموت و كوبري المشاه بقي مهجوووووور
دي عقليات اتربت علي كده يستحيل يستحيل يستحيل تتغير
في مثل شعبي بيقول لف سنه ولا تعدي قنا (قنايه زراعيه) هما ماشيين عكسه اعدي القنا دي اسهلي من اللفه