1. نقص في الزيت لإن ده بيسبب زيادة الاحتكاك بين اجزاء الموتور
2. عدم تغير الزيت في مواعيده... وده بيؤدي لانخفاض نسبة لزوجة الزيت وبالتالي زيادة الاحتكاك بين اجزاء الموتور.
3. ارتفاع درجة الحرارة وعدم معالجة التسريب في أسرع وقت ممكن.. لأن ده بيؤدي ل حاجتين:
ا. مشاكل في جون وش السلندر . مما قد يؤدي إلى دخول الزيت مع مية التبريد مما يؤدي لاختلاف لزوجة الزيت وانهيار قوامه . وأيضًا يؤدي إن المية تعوق حركة سرايا ن الزيت الطبيعية وبال تالي زيادة احتكاك اجزاء الموتور.
ب. مع كل ارتفاع في درجة حرارة 1 درجة مئوية بيقل معامل الزوجة في الزيت ومع تمدد جسم الموتور الزائد فـيؤدي إلى زيادة الاحتكاك.
4. عدم معالجة الصدى في دورة التبريد لإن الصدى يبدأ في الاحتكاك في جسم الموتور خاصة وش السلندر ويسبب توقفه أو بعد التاكل فيه .
5. عدم تغير مية الرادياتر لمدة تزيد عن سنة أو عدم تغيرها بـالمية الاصلية الخاصة بالتبريد لإن المية العادية بيها بعض المشاكل:
ا. سريعة التبخر مما تؤدي إلى ارتفاع في درجة الحرارة.
ب. بيها املاح مما تؤدي إلى تاكل مجرى المية في الموتور وانسداد الرادياتر بـشكل سريع ويؤدي إلى ارتفاع درجة الحرارة.
6. عدم تغير سير الكاتينة في اوقاته وعدم الكشف عليه بـاستمرار. لإن لو حصل فيه قطع أو في سنة في السير بتفوت أو اتقطعت فـده بيبوظ التزامن بين عمود الكرنك والكامة اللي بتحرك الصمامات المسئولة عن دخول البنزين والهوا داخل حجرة الاحترق فوق الباستن وفي نفس الوقت المسئولة عن خروج العادم من الموتور بعد تمام عملية الإحتراق. مما يؤدي إلى تواجد الصمامات في أماكن لا يمكن ان تتواجد فيها في هذا الوقت مما قد يسبب اصطدم البستن في الصمام وده أكيد بيدمر البستن ووش السلندر.
7. طبعا دي حاجة كل الناس عارفاها ودي أول نصيحة عرفتها أول ماابتديت أسوق. إنك تزود مية والعربية سخنة بس مبطلة. والوقت الوحيد اللي ممكن تعمل فيه كده هو الصبح بدري جدا وقبل طلوع الشمس.وسر ذلك بقى إن الوش بيبقى سخن جدا.. ولما بيتعرض ل برودة مرة واحدة وهو مش داير بيحصل فيه صدمة حرارية وبينبعج وبالتالي الموتور مش هيدور أصلا لإن الصمامات مش هتفتح أصلا.
8. آخر حاجة ... لو راكن العربية فترة طويلة (شهور مثلا). بيؤدي لبعض الترسبات في الزيت والمية. والترسبات دي بـتحتك بـجسم الموتور جامد وبال تالي نقص في عمر الموتور.
من رأيي إن لو التزامنا بالنقط السابقة الموتور هيعيش فترات طويلة جدا . سبب إني كتبت الموضوع ده إن في أكتر من واحد (منهم أنا :d) تعرض ل مشاكل في الموتور في الفترة دي واتمنا إن المشاركة دي تحمي كتير من الناس أصحاب العربيات. وياريت لو حد عنده إضافة يقولها عشان الناس تستفيد. وربنا معاكم إن شاء الله.
المفضلات