وقفت عربية بدون لوحات معدنية

**م/مصطفى محمود** · 21-04-2011 02:38 AM

أحييك جدا على موقفك ، وفعلا لازم إحنا نساعد الشرطة لحد ما ترجع ، وأنا مش هسمح أبدا أن حد يقول إن هي دي نتائج الثورة

كنت مع والدي من كام يوم فى شارع 6 أكتوبر العمودي على جسر السويس ، وفى حتة الميكروباصات بيمشوا فيها عكس ، فأنا وقفت فى وشهم وصممت إنهم يرجعوا ، وفعلا بدأوا يرجعوا وبعد ما حوالي 4 رجعوا كان فى ناس نزلوا وفضلوا يتكلموا مع والدي وعمالين يقولولة معلش بقى وعديهم والطريق واقف ويعني هم هيعملوا أية والكلام اللى ملهوش لازمة ده، لقيتة والدي بيقولي عديهم ، بجد كنت مخنوق جدا جدا إني مش هعرف أكسر كلمتة وفى نفس الوقت حرام عليا أسيب المُتخلفين دول

والنهردة والله شوفت ملاكي عكس فى جسر السويس ولسة بقولة سيبت أية للميكروباصات لقيتة ظابط (رائد) وللأسف كنت سايب الموبايل فى العربية

وفى النهاية الفئة دي قلة بجد ، ولازم نعرف كده كويس ، دول مش الشعب المصري ، مش ال 5 أو 6 اللى دخلوا عكس دول اللى يمثلونا ، دول شوية همج ، وبإذن الله الأوضاع تتحسن بمساعدتنا وهم يرجعوا يتلموا تاني بإذن الله

**dr-mohamed** · 21-04-2011 02:41 AM

عندك جق طبعا
من اسبوع تقريبا داخل جامعة القاهرة من باب دار علوم اللى هو اول باب من ناحية فيصل وجدت واحد خارج بسيارته وعايز يمشي لشارع فيصل مباشرة عكسي يعني وقفت عربيتي في وش عربيته وشاورت له يمشي صح ومايمشيش عكسي حاول يرجع ويعدي من جنبي جيت مكمل بعربيتي وقافل عليه الطريق تانى وشاورت له يرجع ويمشي صح في الاخر رجع ومشي صح ولو كنا بيتنا في الشارع مكنتش هاخليه يمشي عكسي

**dr-mohamed** · 21-04-2011 02:42 AM

المشاركة الأصلية كتبت بواسطة م/مصطفى محمود

أ
وفى النهاية الفئة دي قلة بجد ، ولازم نعرف كده كويس ، دول مش الشعب المصري ، مش ال 5 أو 6 اللى دخلوا عكس دول اللى يمثلونا ، دول شوية همج ، وبإذن الله الأوضاع تتحسن بمساعدتنا وهم يرجعوا يتلموا تاني بإذن الله

++++++++++++++1

**shooter123** · 21-04-2011 03:09 AM

المشاركة الأصلية كتبت بواسطة dode2002

كان المفروض توقفه وتقوله السلام عليكم انا اسف بس ياريت حضرتك تشوف موضوع النمر دي علشان كده غلط وحضرتك باين عليك انك انسان محترم وابن ناس وميطلعش منك غلط
وشوف بقي هو رد فعله ايه

;gامك صح جدا ومنطقي اوي

**Hondawy_2008** · 21-04-2011 05:16 AM

المشاركة الأصلية كتبت بواسطة casperinoo

في المترو واحد رمي علبة عصير علي الارض ...وطيت جانبه ورحت رميتها في الزباله ...راح جي وقيالي شيلتها ليه
فقلت بضحك : علشان اخلي شكلك وحش :))...
قالي: الصراحه اه كان احسنلي تديني علي قفايه وتقولي ارميها في الزباله
العنف مع المصريين مينفعش بيقلب بقلة ادب اكتر وببجاحه وعند
محتاجين قوانين وتوعيه اعلاميه ودينيه

+11111111111111111111111111

**hondaman** · 21-04-2011 07:34 AM

الناس بقت فى حالة فوضى مش عربيات وسواقة بس يمكن دة اللى بيلفت نظرنا عشان بنسوق وبنشوف امبارح كنت فى شبرا فى شارع دنشواى ( الشارع الجديد ) اللى ساكن فى شبرا مصر عارفة قدام مدرسة شبرا الحديثة فى وش مستشفى الساحل كمية ردش وزبالة ملهاش حصر مكنش فى كدة قبل كدة الناس بتستغل الاوضاع وبقت أسواء من الاول اللى بيعدى هناك هيعرف انا بتكلم على اية يعنى حتى دى مدرسة وشغالة ومفيش مجال ان الطالب يدخل من باب المدرسة ن كمية الزبالة اللى عليت لحد سور المدرسة منظر مقزز و مستفذ فعلا