<<<( الحمدلله ) اصبحت من مالكى الالنترا <<<

**sameh.acc** · 17-04-2008 11:46 AM

الحمدلله ياجماعة روحت استلمت الالنترا 2008 امبارح (لونها كحلى) اللون دة دخل دماغى لانو طلع تحفة وبيبقى فى الشمس جبار ومش منتشر فيها برضة الحمدلله رسيت فى الاخر على النترا الحمدلله انى جبت حاجة هههههههههه ,,, انا كنت متردد جدا بين العربيات بس العربية ماشاء الله ناعمة جدا لدرجة انى لسة مش متعود عليها ,,, والدركسيون اقل مايقال عنه (ملبن) ,,, والساوند سيستم بتاعها مش بطال محترم التسجيل (هيونداى) الاضاءة بتاعتة بتقل لو قللت نور التابلوة وشكلة تحفة وفية EQ بس ان شاء الرحمن هركب عليه الامبليفاير بتاع الريتمو القديم (سونى اكسبلود) ,,, والتكييف ماشاء الله ساقع على درجة (2) ,,, والعزل بتاع العربية ممتااااااااااااااز ,,, اما الانذار بتاع غبور نص كم خالص وساعات بيعلق او الريموت بتاعة اللى بيعلق ,,, بس اللى مكنتش اعرفة ان العربية فيها وحدة رفع ازاز اما اشغل الانذار بيرفع الازاز اتوماتيك لو مفتوح ,,, تعقيبى انى مش متعود ع الفتيس بتاعها لان تشكيلة النقلات مختلفة شوية العربية بس بالتعود ان شاء الله هتعود عليها , المانيوال بتاعها مفيهوش ايرباج خالص
(welcome to gabbour's world ) :D بس الفرامل تحففففففة وبتمسك من اقل حاجة وحساسة جدا وعايزة تعود برضة ,,, الصالون بتاعها فخم جدا وشكل العدادات بيهدى اعصاب الواحد مريح نفسيا المانيوال بتاعها بجد كان ناقصة فتحة سقف ويبقى قمة الرومانسية :D للاسف فتحة السقف موجودة فى الموديل المانيوال والاتوماتيك الخليجى او فى اعلى موديل اتوماتيك للى بتنزل هنا ,,,,,
الحمدلله العربية انا اقتنعت بيها اما ركبتها وحسيت بالراحة النفسية جواها ,,

**mido777** · 17-04-2008 11:57 AM

الف مبروك يا سامح باشا
وربنا يدلك خرها ويكفيك شرها

صدقنى كل يوم اعجابك بالعربية حيزيد وحتقول الحمد لله كان قرار صح 100%

بالنسبة للكاسيت لو حتحط كاسيت محترم جدا حتلاقى نفسك عندك سوند سيستم جامد جدا من غير ما تضيف اى حاجة تانية

**fahd_628** · 17-04-2008 11:58 AM

الف الف مبروووووووووووووووووووووو وووك

و فعلا الفرامل فى العربيات الجديدة بتبقى مش طبيعية انا اول ما سقت الجيتز بتاعت خالتى لما كانت جديدة لبست كل الى جمبى فى الزجاج ههههههههههههههههههههههههه هه

:d بس بجد الف مبرووووووووووك بس اية الى خلاك تصرف نظر عن الأمبريزا !

و براحة بقى فى التليين

**amrfikry** · 17-04-2008 12:02 PM

الف الف مليون مبروووووووك .... و ربنا يباركلك فيها و يكفيك شرها ان شاء الله
و ادعيلي اجيب انا كمان ان شاء الله ..... لانها عجبانى جدا.
بس كنت عايز اسأل سؤال :
يعنى ايه تشكيلة النقلات بتاعت الفتيس مختلفة ؟ مش الاول لفوق و التاني لتحت و كده و لا ايه ؟

.................................................. .........
تنبيه للعضو بعدم الكتابة باللون الأحمر لإنه مخالف لقوانين المنتدى
الإدارة - 3

برجاء مراجعة قوانين المنتدى
http://www.nilemotors.net/Nile/showthread.php?t=21391

**theking2690** · 17-04-2008 12:07 PM

الف الف مبروك يا سامح باشا على العربيه و الصراحه عربيه تحفه و فعلا اعجابك بيها كل يوم هيزيد

**ASD peugeot** · 17-04-2008 12:16 PM

مبروووووووووووووووووووووو ووووووووووك

**محمد عز** · 17-04-2008 12:18 PM

الف مبروك وربنا يديك خيرها ويحفظك من كل سوء

**sameh.acc** · 17-04-2008 12:23 PM

الله يبارك فيك يا استاذ ميدو فعلا انا معجب بالعربية جدا ومقتنع بالاختيار الحمدلله ,, ان اء الله ناوى اركب تسجيل jvc cd\mp3 بتاع الريتمواو اشترى dvd بس بعدين علشان خبطتين فى الراس توجع :D ,,,
الله يبارك فيك يا استاذ فهد انا برضة اما سقتها دوست فرامل حزام الامان بتاع الكرسى اللى جنب السواق من قوه الفرملة مسك واللى كان جنبى اتخض ,0
اتضح انها مختلفة عن الريتمو كتير :$ هههههههههههه
اللى خلانى اصرف نظر عن الامبريزا قطع الغيار وغير كدا وكداا انى مكانش ينفع اجيبها كاش فكنت هقسط وكان فية شبهه فى موضوع التقسيط والفوايد وكمان انا فية احتمال انى اغير فى خلال 4 سنين لو كنت جبتها علشان مكانتش هتبقى عائلية اوى وموضوع الشنطة .ان عامل بيها 114كيلو لحد دلوقتى وبحاول معديش ار بى ام 3 علشان التليين :D
,,,
الله يبارك فيك يا استاذ عمرو ,,, ان شاء الله تجيبها وربنا يرزقك بيها ويديك خيرها ويكفيك شرها ,,, امين ,,, تشكيلة النقلات للمانيوال اقصد بيها ان الغيارات المجرى بتاعتها مختلفه يعنى الاول بتاعها والتانى والتالت والرابع والخامس والخلف بتاعها غيرالعربيات العادية يعنى مثلا الخلف بيجى : فية سوستة بشدها على فوق وبجيب الاول كأى عربية عادية دة الخلف بتاعها

**sameh.acc** · 17-04-2008 12:27 PM

الله يبارك فيك يا theking2690 باشا العربية فعلا حسستنى براحة نفسية ومستريحلها جداااااااا ,,
الله يبارك فيك يااستاذ ASD peugeot
الله يبارك فيك يا casber باشا