ياجماعه عاوزين نبارك لاعضائنا وزمايلنا الحلوين اللى اتكرموا فى قسم رينو لوجان

**MOUSTAFA_SAAD** · 21-04-2011 05:48 PM

السلام عليكم
عاوزين نبارك هنا لزمايلنا واعضائنا اللى تم تكريمهم فى هذا الموضوع

http://www.nilemotors.net/Nile/214710-a.html

وهم
ringoo _ gebreel _Dr.Karim Emam

لانهم يستحقوا التكريم فعلا ودايما ساعدونا ووقفوا جنبنا فى استفساراتنا الكتيره

**wassim_nasser** · 21-04-2011 06:37 PM

الف الف الف مبروووووك يارجالة ودايما كده رافعين راس وحوش اللوجان وتفيدونا بتجاربكم وربنا يقدرنا نفيد اللي بعدنا.. تحياتي لدكتور كريم وعمرو بيه سعيد واخونا الحاج جبريل .. اهم حاجه بس تحرصوا من الاستاذ جبريل لحسن كنت باشوفه بيتنطط كتير فى قسم بروتون (محدش يسألنى وانت كنت هناك بتعمل ايه) وشكله عايز يضحى ب لوجى

**frhateg** · 21-04-2011 07:07 PM

مبروك للوحوش و الي الأمام دائما .

**Dr.Karim Emam** · 21-04-2011 09:50 PM

الله يبارك فيكم يا وحوش اللوجان
أنا بس بأرد الجميل للأعضاء المحترمين اللي استفدت منهم كتير

شكرا رينو لوجان

**amr.elsayed** · 22-04-2011 12:11 AM

قسم اللوجان من الاقسام الجميلة اللى مش بتعتمد على فرد معين بيكون هو اللى عنده المعلومة .. لأ ... الجميل فى القسم اننا كلنا تقريبا مستويات واحدة وخبراتنا قريبة من بعض ودة بيخلى عندنا حب فى البحث والوصول للمعلومة الصحيحة .. بالاضافة ان كل اعضاء القسم ناس جميلة ومحترمة و الكيبورد بتاعهم مش بيطلع منه العيب .. نادر جدا انك تلاقى خلاف حاد بين اعضاء القسم ودى حاجة تحسب لهم
....................
و فى ناس كتييييييير جدا فى القسم الجميل دة تستحق اكتر من شهادة تقدير على مشاركتها الفعالة ومجهودها الرائع مع اعضاء القسم
....................
انا بشكر ادارة المنتدى على الثقة الغالية وبشكر اعضاء القسم اللى من غير مجهودهم مافيش حد فينا يقدر يحصل على شهادة زى دى
....................
والف مبروك للقسم كله ..لان وجود 3 اعضاء فى التكريم من القسم دة تشجيع واضح وصريح للقسم من ادارة المنتدى
...................
ان شاء الله نكون متجمعين دائما على خير فى قسمنا الجميل وان شاء الله يكون فى نشاطات اكتر من وجودنا على صفحات المنتدى
...................
وشكرا يا استاذ مصطفى على المبادرة الجميلة