احترم عربيتك ومتبخلش عليها

**ice_wolf0000** · 22-04-2011 02:46 AM

بسم الله الرحمن الرحيم

هتكلم فى الموضوع ده عن كذا حاجه لو عملناها انا شخصيا بعتبرها احترام للسياره وهتفرق معانا اوى
هبدا ( بالموتور )............................
1- العنايه بجميع الفلاتر (بنزين -زيت -هواء ) هتفرق جامد فى سحب العربيه وايضااااا على العمر الافتراضى للموتور انا عن نفسى بعتبر العربيه طفل صغير لو اهملته هيكون ضعيف (سحب وقدره صغيره ) وعرضه للامراض (الاعطال الكثيره)

2- تنظيف دوره البنزين اما بوضع سائل تنظيف الرشاشات كل فتره من4:3 شهور مع تفويله التنك والسيرعلى طريق سريع انا عن نفسى بفضل منتجات PRO الامريكيه
او تنضفها بالالتراسونيك وده افضل حل كل60:50 الف كم هيفرق طبعا كمان فى الاستهلاك والفلوس والسحب عن تجربه شخصيه

3- وضع كل تفويله ملىء فنجان صغير بزيت الباور ووضعه فى التنك لان البنزين فى مصر لايوجد به زيت وبالتالى هيعمل عاى تزييت طلمبه البنزين والخراطيم الكاوتش فيطول عمرهم الافتراضى وده على لسان مهندس كان شغال فى شركه مرسيدس من الخبير الاجنبى للشركه بعد تحليله للبنزين فى مصر لكثرة عطب الطلمبات

4- تغيير الزيت فى ميعاده ويفضل تغيير الفلتر كل10 الف كم وافضل نوع للزيت من رايى الشخصى شل انا بحط شل 5000 كم واسقطه عند 4000:3000 كم وده بيفوق الموتور

5- معرفه سبب اى ترشيح للزيت حتى لو بسيط ومعالجته

6- الكشف كل 5000 كم على البوجيهات وحاله الخراطيم لعدم وجود تشققات وحاله السيور وتغيرها فى الوقت المناسب حتى لو حالتها جيده لان لها عمر افتراضى

7- يجب تسخين الموتور اولا فى الصباح للوصول الى Thermal Balance لاجزاء المحرك

8- الاهتمام بنظافه (الموتور) حوض المكنه وغسيله بالفوم المخصص لذلك مع استخدام مانع الصدا على الاجزاء المعدنيه والمسامير وعدم غسله بالماء اطلاقاا لمنع تكوين (تراب مع زيت مع شحومات) كانك بتقتل الموتور

ارجو ان اكون افتكم ولو بجزا صغير وان شاء الله هكمل فى الموضوع باذن الله لباقى الاجزاء مع
الموتور

**HOSSAM99** · 22-04-2011 04:08 AM

السلام عليكم و رحمة الله
شكرا علي النصائح و المعلومات القيمه
لكن بخصوص نقطه إضافة زيت الباور مع البنزين أنا مقتنع بفوائدها المذكوره لكن قلقان منها جدا من حيث ان هي ممكن تتسبب في دخنه نتيجه لأحتراق الزيت ...مع انها كميه قليله بالنسبه 45 _50 ليتر... لكن قلقان و في أنتظار باقي النصائح حتي تصبح موسوعه

**ice_wolf0000** · 22-04-2011 08:13 AM

المشاركة الأصلية كتبت بواسطة hossam99

السلام عليكم و رحمة الله
شكرا علي النصائح و المعلومات القيمه
لكن بخصوص نقطه إضافة زيت الباور مع البنزين أنا مقتنع بفوائدها المذكوره لكن قلقان منها جدا من حيث ان هي ممكن تتسبب في دخنه نتيجه لأحتراق الزيت ...مع انها كميه قليله بالنسبه 45 _50 ليتر... لكن قلقان و في أنتظار باقي النصائح حتي تصبح موسوعه

ان شاء الله مفيش مشكله انا برده كنت قلقان فى الاول بس المهندس اللى قلى المعلومه دى اكدهالى وده من الخبير الاجنبى والله الموفق

**khaled_yassin** · 22-04-2011 10:39 AM

ربنا يكرمك ويجعلوا فى ميزان حسناتك

**abo_lamar** · 22-04-2011 09:51 PM

شكرا يا باشا على المعلومات الهامة بس بصراحة انا قلقان من موضوع زيت الباور ده اللي بيتحط في التنك

**mmffor** · 22-04-2011 10:44 PM

شغال انه تحط زيت في البنزين
بيقول فنجان يعني 100 مللي يعني 0.1 لتر في كل 45 لترنسبة لا تذكر اصلا بس فعلا حيعمل تزييت للطلمبة
فكرة هايلة

**ehabomar1987** · 23-04-2011 01:07 AM

متابع باهتمام
+++++1ِ

**ice_wolf0000** · 24-04-2011 11:42 AM

بسم الله الرحمن الرحيم

فى الاول شكراا لكول اللى رد عليه

ان شاء الله هتكلم النهارده عن طريقه جديده ممكن البعض يلاقيها غريبه شويه بس هيه مؤثره جدا ونفعه اوى
ومجربه بس الاول هنتكلم عن راس الموضوع وهو المحافظه على هيكل السياره خارجياا

1- الاهتمام بغسيل السياره وعدم الكثار من غسلها فى البنزينه لان جميع البنزينات تحصل على المياه من الطلمبات فتكون محمله بذرات الرمال ومع القوه الشديده لدفع المياه تعمل هذه الذرات على خدش وتجريح بدن السياره مع الوقت اى تكون البويه الخارجيه مش بصفاء واحد انا بغسل عربيتى مره كل شهر فى البنزينه وباقى الايام الغسيل العادى (جردل مياه +شامبو السياره المخصص لذلك لعدم بهتان اللون )

2- الاهتمام بمعالجه الخدوش اول باول خاصه خاصه العميقه منها لمنع تكون الصدا وايضاا جمال الشكل مع تشميع السياره كل 2 شهر وهذا يعطى للعربيه لمعه ويمنع تراكم الاتربه عليها

3- عدم ركن السياره لمده طويله معرضه للشمس ايضا الاماكن المزدحمه لتجنب احتكاكها او شر مسامير اطفال الشوارع اوتحت شجر مليىء بالطيور

............نتكلم عن الموضوع الجديد............

طبعا كلنا عرفين الاستيكر الشفاف الكبير اللى بيتحط على الخرائط او لوحات الرسم الهندسى
ده منه انواع كثيره (ايطالى ومصرى وفرنسى و ................الخ) هنجيب انظف نوع اين كان صناعته ايه
طب هنعرفه الزاى ؟؟!
يكون درجة لونه شفافه جداا مش مايل للاصفرار وايضاا ناعم جدا مش محبب كانه زجاج عالى الجوده وده سبب مهم

1- هنضعه فى الاماكن المعرضه للتجريح دائماا فى هيكل السياره
اى نحزم بيها السياره تحت مستوى الجريد بتاع الابواب وصدقونى مش هيكون باين خالص بس اهم حاجه
قبل لزقه ان العربيه تكون نظيفه جدا جدا

2- طبعا الفوانيس بطوس وتصفر وتتجرح مع كثره السفر خصوصاا على الطرق الصحراويه
اضع الستيكر على الفوانيس واشيدها كويس جداااا النتيجه المحافظه على الفانوس بحالته وممكن اغير
بس الستيكر كل فتره وهيدى لمعه حلوه للفانوس الخلفى

ايضاا لا قدر الله والفانوس الخلفى او الامامى اتكسر هيكون شادد مكونات الفانوس مع بعض نقدر بعد كده
نعمل ترمييم للفانوس او على الاقل هيمسك اجزاء الفانوس لحد منغيره
باقى سعر فرخ الستيكر هو من ( 11:5 ) جنيه من اى مكتبه
على فكره الموضوع ده ناجح كمان مع الاجهزه الكهربيه المعرضه للخدش مثل الثلاجه والغساله والبوتوجاز واللبتوب

اتمنى من الله ان اكون افتكم ولو بجزء صغير
ولو الموضوع نال الاعجاب ارجو من الاداره التثبيت ومستنى ردودكم

**kaza** · 30-04-2011 01:51 AM

المشاركة الأصلية كتبت بواسطة ice_wolf0000

بسم الله الرحمن الرحيم

فى الاول شكراا لكول اللى رد عليه

ان شاء الله هتكلم النهارده عن طريقه جديده ممكن البعض يلاقيها غريبه شويه بس هيه مؤثره جدا ونفعه اوى
ومجربه بس الاول هنتكلم عن راس الموضوع وهو المحافظه على هيكل السياره خارجياا

1- الاهتمام بغسيل السياره وعدم الكثار من غسلها فى البنزينه لان جميع البنزينات تحصل على المياه من الطلمبات فتكون محمله بذرات الرمال ومع القوه الشديده لدفع المياه تعمل هذه الذرات على خدش وتجريح بدن السياره مع الوقت اى تكون البويه الخارجيه مش بصفاء واحد انا بغسل عربيتى مره كل شهر فى البنزينه وباقى الايام الغسيل العادى (جردل مياه +شامبو السياره المخصص لذلك لعدم بهتان اللون )

2- الاهتمام بمعالجه الخدوش اول باول خاصه خاصه العميقه منها لمنع تكون الصدا وايضاا جمال الشكل مع تشميع السياره كل 2 شهر وهذا يعطى للعربيه لمعه ويمنع تراكم الاتربه عليها

3- عدم ركن السياره لمده طويله معرضه للشمس ايضا الاماكن المزدحمه لتجنب احتكاكها او شر مسامير اطفال الشوارع اوتحت شجر مليىء بالطيور

............نتكلم عن الموضوع الجديد............

طبعا كلنا عرفين الاستيكر الشفاف الكبير اللى بيتحط على الخرائط او لوحات الرسم الهندسى
ده منه انواع كثيره (ايطالى ومصرى وفرنسى و ................الخ) هنجيب انظف نوع اين كان صناعته ايه
طب هنعرفه الزاى ؟؟!
يكون درجة لونه شفافه جداا مش مايل للاصفرار وايضاا ناعم جدا مش محبب كانه زجاج عالى الجوده وده سبب مهم

1- هنضعه فى الاماكن المعرضه للتجريح دائماا فى هيكل السياره
اى نحزم بيها السياره تحت مستوى الجريد بتاع الابواب وصدقونى مش هيكون باين خالص بس اهم حاجه
قبل لزقه ان العربيه تكون نظيفه جدا جدا

2- طبعا الفوانيس بطوس وتصفر وتتجرح مع كثره السفر خصوصاا على الطرق الصحراويه
اضع الستيكر على الفوانيس واشيدها كويس جداااا النتيجه المحافظه على الفانوس بحالته وممكن اغير
بس الستيكر كل فتره وهيدى لمعه حلوه للفانوس الخلفى

ايضاا لا قدر الله والفانوس الخلفى او الامامى اتكسر هيكون شادد مكونات الفانوس مع بعض نقدر بعد كده
نعمل ترمييم للفانوس او على الاقل هيمسك اجزاء الفانوس لحد منغيره
باقى سعر فرخ الستيكر هو من ( 11:5 ) جنيه من اى مكتبه
على فكره الموضوع ده ناجح كمان مع الاجهزه الكهربيه المعرضه للخدش مثل الثلاجه والغساله والبوتوجاز واللبتوب

اتمنى من الله ان اكون افتكم ولو بجزء صغير
ولو الموضوع نال الاعجاب ارجو من الاداره التثبيت ومستنى ردودكم

فكرة هايلة الله يباركلك