رساله تهديد

**madaxman** · 22-04-2011 03:57 AM

السلام عليكم شباب
نزلت انهرده الساعه 3 العصر بعد ما الحج رجع من الشغل وأخدت العربيه عشان أطلع لقيت ورقه تحت المساحه فتحتها لقيت مكتوب فيها هولعلك في العربيه علشان مرضتش تديني انابيب وهحرقلك العربيه تحت البيت
والدي مفتش تموين وبيطلع علي مع جرارات الانابيب الصبح وهوا صارم للغايه وعارف بتوع العجل ال معندهمش ضمير وبياخدوا الانبوبه ويبعوها ب 30 جنيه واكتر وهيا تمنها 5 جنيه عشان كدا مش بيرضي يديهم واكيد ال حط الورقه دي واحد منهم يعني ال يمشي بضمير في البلد دا ياخد من الناس كدا والله حاجه تضايق فعلا
المشكله اني مش عارف اعمل ايه انا قولت أشكي همي بس

**Mzeid** · 22-04-2011 04:13 AM

يبلغ على طول في أقرب قسم شرطة
و إن شاء الله مادام والد حضرتك أمين و بيرضى ربه هيحفظه و يحفظكم من أي شر بإذنه تعالى

**HOSSAM99** · 22-04-2011 04:18 AM

و عليكم السلام و رحمة الله
اولا تحياتي للوالد علي امانته و نزاهته و أدعوا الله له بالتثبيت و كان الله في عونه و عون كل من يراعي الله
بالنسبه للتهديد ممكن حضرتك تعمل بلاغ في قسم الشرطه و ربنا غن شاء الله يهديكم للمهدد و يتحاسب
و حاول تركن العربيه في مكان آمن في جراج بجاور حارس
و إن شاء الله الموضوع يعدي علي خير

و من يراعي الله و يراعي ضميره أجره عند الله بالأضافه لعلو قدره بين الناس لأن الله قد رضي عنه

**tameraast** · 22-04-2011 04:22 AM

المشاركة الأصلية كتبت بواسطة madaxman

السلام عليكم شباب
نزلت انهرده الساعه 3 العصر بعد ما الحج رجع من الشغل وأخدت العربيه عشان أطلع لقيت ورقه تحت المساحه فتحتها لقيت مكتوب فيها هولعلك في العربيه علشان مرضتش تديني انابيب وهحرقلك العربيه تحت البيت
والدي مفتش تموين وبيطلع علي مع جرارات الانابيب الصبح وهوا صارم للغايه وعارف بتوع العجل ال معندهمش ضمير وبياخدوا الانبوبه ويبعوها ب 30 جنيه واكتر وهيا تمنها 5 جنيه عشان كدا مش بيرضي يديهم واكيد ال حط الورقه دي واحد منهم يعني ال يمشي بضمير في البلد دا ياخد من الناس كدا والله حاجه تضايق فعلا
المشكله اني مش عارف اعمل ايه

انا قولت أشكي همي بس

بلغ و اركنها فى جراش

**madaxman** · 22-04-2011 04:26 AM

شكرا للردود حضراتكم بس المشكله ان الشرطه مش زي الأول دلوقتي يعني لو بلغت زي مبلغتش
اذا كان في مستشفي المطريه بيمتوا الناس وهما بيتفرجوا ولا كأن في حاجه
ودلوقتي الواحد بطل يشوف دوريات بتلف بليل وكده
المشكله اني لما سألت الوالد قالي انا منعت كتييييير يعني مفيش حد معين يعرفه
كلهم بتوع العجل ال بيبعوا بره ومش راضيين يقفوا في الطابور كمان

**megamoudy** · 22-04-2011 04:30 AM

ربنا يحفظكو ........ ويبعد عنكو ولاد الحرام

وحسبي الله ونعم الوكيل في كل ظالم وحرامي

**devilishtigers** · 22-04-2011 05:53 AM

انا رايي تبلغ في قسم الشرطة وشوف ايه اللي هيحصل لكن ان حضرتك تقول مش هيعملوا حاجة بدون حتى ما تجرب دا مرفوض
وربنا يحفظكوا وتحياتي لنزاهة والدك وربنا يجازيه خير

**Mzeid** · 22-04-2011 06:00 AM

المشاركة الأصلية كتبت بواسطة madaxman

شكرا للردود حضراتكم بس المشكله ان الشرطه مش زي الأول دلوقتي يعني لو بلغت زي مبلغتش
اذا كان في مستشفي المطريه بيمتوا الناس وهما بيتفرجوا ولا كأن في حاجه
ودلوقتي الواحد بطل يشوف دوريات بتلف بليل وكده
المشكله اني لما سألت الوالد قالي انا منعت كتييييير يعني مفيش حد معين يعرفه
كلهم بتوع العجل ال بيبعوا بره ومش راضيين يقفوا في الطابور كمان

اعذرني للخروج عن الموضوع
بس ايه اللي بيحصل في ستشفى المطرية ؟

**misoalex** · 22-04-2011 06:56 AM

لازم تبلغ عشان لاقدر الله لو حصل حاجه للعربيه يبقى عندهم علم من الاول والموضوع يتحقق فيه ووالدك طبعا لازم يروح معاك وهما اكيد حيهتمو والدك موظف فى الحكومه فأكيد لازم الشرطه تتعامل معاه غير المواطن العادى

وطبعا حاول تركن العربيه فى جراش الايام دى حتى لو شهرين فقط

واللى فى ايدك تعمله انك تدور فى الشارع على اى حد شاف الشخص ده وهو بيحط الورقه على العربيه
لازم تدور فى الشارع عندك كويس واسأل المحلات وكده اى حد يديك اوصافه وبلغها لوالدك يمكن يعرفه

واخيرا طبعا ربنا الحافظ انا عربيتى من فتره كانت حتولع والله اعلم بفعل فاعل ولا صدفه بس ربنا اللى بيسترها اولا واخيرا والناس كبت عليها ميه وانا معرفتش غير بعديها بيوم يعنى مدام والدك بيراعى ربنا يبقى اكيد ربنا حيوقفلك ولاد الحلال

**mero100** · 22-04-2011 11:28 AM

بص يا madaxman .... البلد دي علمتنا حاجة :

اللي بييجي يعمل حاجة مبيقولش ..... يعني الواد اللي حطلك الورقه دة جبان مش حيعمل حاجة.... هوة عاوز ينكد عليكوا ليل نهار ويخلييكوا قلقانين ....لكن اتطمن اللي بيهدد مبيعملش حاجة.

نعتمد علي النظريه دي ونسكت؟؟؟؟؟؟

لا..... زي ما قال الاخوة الافاضل : بلغ قسم الشرطة لان همه ليهم طريقة في الشارع بيعرفو بيها ومش بيقولوها لحد .
و لازم تحط العربيه في جراج .... زيادة اماان ..... بس الواد كدة وصل لهدفه.... و يمكن يخوفكم في حاجة اكبر ..... لو قلبك جامد توكل علي الله و خلي ثقتك بالله كبيره وسيبها ادام البيت و ربنا خير حافظ.....المهم مقصد كلامي انك متقلقش اوي .... كتير اتعرضوا للسخافات وقله الادب دي و 99% مبيحصلش حاجةة لان الموضوع صعب ...... يعني اانت مثلا تخيل انك رحت تولع عربيه
1- حتروح تشتري بنزين وانت حاسس ان الناس كلها بتشاور عليك
2- حتشيل البنزين و تمشي في الشارع وبردو حتتبقي ماشي بتترعش
3- حتدلق البنزين عالعربيه او تحتها وحتبقي مرعوب ساعتها لحد يشوفك .... بص...الموضوع صعب ان شاء الله