ارجوكم يا جماعة فيدونى
انا عربيتى بروتون ويرا موديل 2004
ماشى بيها لحد دلوقتى 45000 كيلو
و ماشى زى ما الكتاب بيقول كل 5000 كيلو عند التوكيل عز العرب
عند ال35000 حسيت ان لافرامل موش تمام
قلتلهم و انا فى التوكيل قالوا لا دى زى الفل كانت محتجة زيت بس
المهم عند ال40000 قالوا لازم نغير التيل غيروا التيل و شوية فلاتر و اخدوا 1100 جنيه
المهم من ساعتها و كل لما ادوس فرامل العربية بترجرج منى جامد
رجعتلهم عند صيانة ال45000 قالولى الطنابير محتاجة تتخرط لان فيها ريجه جامده
المهم خرطوا الطنابير و قالوا ان المشكلة خلاص اتحلت
و جربت العربية لقيت ان المشكلة زى ما هى مفيش اى حاجة جديدة حصلت
رأيكوا ايه الحل؟
حاجة كمان العربية و هيا واقفة بحسها بتتهز و البلاستيك بتاع التابلوة بيعمل صوت و اول ما ادوس دوسه بنزين خفيهة بتروح الزنة ديه
هل ده ليه علاقة بقواعد الموتور.
و رايكوا لو كده ابطل اروح عند التوكيل النصاب ده؟ و ابتدى مع المكانيكية و قطع الغيار من الحرفيين.
و لا ايه؟