الموضوع: حاسس استهلاك النزين عالى ؟ اللى يعرف الجواب يدخل بليز

السلام عليكم و رحمة الله
هو أنا الصراحه معرفش شرطه اللوجان كام ليتر
و لكن في طريقه أسهل أن حضرتك تفول التفويله المتينه و تصفر العداد و تمشي شويه نص التنك تقريبا و تروح تفول و تشوف حطيت كام ليتر و العداد عمل كام كيلو

و بالنسبه لحساب حضرتك يعني كده أستهلكت 5 شرط ب 25 لتر في 273 كيلو يعني بمعدل ليتر لكل 10.92 كيلو يعني ال 10 لتر بيعملوا 109 كيلو

بالنسبه لضبط الهوا هاتلاقي الضبط الصح يا أما علي قايم العربيه اليمين أو بالتأكيد في الكتالوج

المشاركة الأصلية كتبت بواسطة elshaky

انا حاسس ان استهلاك النزين عالى شويتين وعايز حد يقعد يحسبه معايا اولا اللوجان هاف اوبشن سوده

من معلوماتى القليله عرفت ان شرطه البزنين بتساوى 5 لتر قولت طب ما اعمل فتك شويتين ونحاول نحسبها انا عندى فى الهاف فى عداد رحلات المهم صفرته وانا بفول وقلت امشى وفى الاخر احسب واحده واحده مع بعض

1 جيت فى الشرطه الاولى عملت 120 كيلو ولسه الشرطه ما اختفتش

2 تانى شرطه لقيت نفسى عامل حوالى 70 لتر المهم فجأ كده كبرت الجى على العربيه ( طبعا الكل فاهمنى ) ههههههههههههه

فجأه لقت العربيه نزل منها 3 شرط و عداد الرحلات عامل 273 كيلو بالظبط فكده يطلع الاستهلاك كام ؟ بليز حد يحسب معايا ويوشف لو كده طبيعى ماشى لو مش طبيعى ايه الحل

اهم شئ هو انى ظابط ضغط الاطارات على 30 قدام وورا

شاكى باشا
بص يا معلم انت فولها عالاخر وصفر العداد
واعمل بيها مثلا 250 كيلو
ارجع لنفس المكنة الى فولت منها وفول تانى(للدقة مش اكتر)
هنفترض انها خدت 20 لتر
يبقى 250/20=12.5 كيلو فى اللتر

اول شرطة بتغيب لانها بتكون مليانه للزور يعنى واخده فوق حقها
تانى شرطة معدله طبيعى
تالت شرطه فعلا مش بتمشينى كتير انا برده وبتخلص بسرعه بعد كده المعدل طبيعى
يعنى عربيتك مفيش فيها مشكله ولو عاوز تحسبها صح فول على الاخر وامشى بيها حوالى 400 كيلو وياسلام لو متنوع من سفر وجوه البلد وساعتها حتعرف ان معدلها فى حدود 12 كيلو للتر يزيد او يقل على حسب حمولة العربيه واسلوب سواقتك واتجاه الهوا وباقى العوامل المؤثره على استهلاك البنزين

الشرط اللي في العداد عمرها ما كانت مقياس باي شكل للاستهلاك

انت تفول العربية على الاخر و تمشي مشوار معلوم المسافة (يعني 200 كيلو مثلا) و بعدين تفول تاني و تشوف خدت كام لتر
و تقسم الكيلومترات على اللترات