الموضوع: استفسارات صيانة

المشاركة الأصلية كتبت بواسطة nice_bird

كنت عايز استفسر منكم علي بعض الحاجات عايز اغيرها لبومه 1600

1- طقم بوجيهات (النوع والسعر )
2- طقم السيور وإذا كان في حاجة بتتغير معاه (النوع والسعر)

هروح لميكانيكي ينظفلي الفلاتر كلها والبوابة والحساس ويغيرلي البوجيهات والسيور لان العربية داخلة في 65000 و معملتش فيها حاجة غير تغيير زيت فتيس اوتوماتيك وفلتر هوا ع 50000 و عايز اعرف في حاجة تاني لازم اعملها لاني مبحبش اروح لميكانيكي كل شوية

يا باشا لسه بدري على تغيير السيور العربية دي بتغير السيور بتاعتها من 80000 كيلو الى 100000 خصوصا لو كانت سيور الفابريكة فانت كل اللي حتعمله انك تغير البوجيهات ( ngk ) ودول ثمنهم تقريبا 45 جنية وممكن تغير البوجيهات بلاتينيوم أو ايرديوم ودول ثمنهم يتراوح من 180 إلى 230 جنيه وطبعا زي ما بتقول تنظف الفلاتر كلها والحساسات والبوابة بس طبعا قبل ما تغير البوجيهات وطبعا فصل كابل البطارية السالب

أرجو يا باشا اني اكون افدتك ان شاء الله

اصلي لما روحت للميكانيكي قالي لازم تغيرهم ع 60 او 65 بالكتير علشان لو اتقطعت الكتينة بتبوظ الموتور كلة

المشاركة الأصلية كتبت بواسطة nice_bird

اصلي لما روحت للميكانيكي قالي لازم تغيرهم ع 60 او 65 بالكتير علشان لو اتقطعت الكتينة بتبوظ الموتور كلة

يا باشا دي افتكاسات الميكانيكية:b4_592:
وكأنه حيعدل حتى على الكتيب اللي جاي مع العربية
يا باشا ان شاء الله غير الكاتينة على 80000 كيلو وماتخافش ولو مقلق روح التوكيل أو أي مركز خدمة واسأل على تغيير الكاتينة امتى علشان تطمن أكتر حيقولولك تغيرها على 80000 كيلو
بس ليه سؤال هو انت غيرت الكاتينة قبل كده ولا لأ؟

متابع عشان حوار الكاتينه ده ناس تقول 40 وناس تقول 60 اصدق مين ياجماعه

انا قررت اغير ع 700000 لان فعلا الكتالوج كاتب كشف ع 600000 (يعني ممكن تتغير لو فيها حاجة ) وتغيير اجباري ع 800000 وانا اخترت المتوسط ونويت اغير ع 700000 إن شاء الله