الموضوع: الدين النصيحة

المشاركة الأصلية كتبت بواسطة memo823000

اسف على التاخير لانى كنت مشغول جدا
اولا انا معنديش فكره عن المبلغ ده يجيب ايه بالظبط ولاكن هسهلهالك
حاول تشوف حاجه تكون منتشره عشان رخص قطع الغيار ولما تيجى تغير وكمان متتقرفش فى التصليح
يعنى تدور على لانوس - اكسنت - لانسر بطه - حاجات من هذا القبيل (انا بصراحه معرفش اسعار المستعمل القديم قوى فقلب فى كونتاكت كار عشان تاخد فكره ولو حاجه عجبتك بالمبلغ المتاح
طبعا تشوف حد بيفهم كويس يكون معرفه او قريبك خليه يشيكلك على العربيه كويس جدا لان حتى لو حد نصحك بنوع عربيه مناسب
انت ممكن تتدبس فى عربيه عامله حادثه او قالبه عداد والبلاوى كتير
فزى مقولتلك اهم حاجه تكشف على العربيه كويس وتتاكد انها كويسه وتتوافر فيها الشروط ديه
الانتشااااار - عشان رخص قطع الغيار والتصليح واعادة البيع
والسلام عليكم

يترا تنصحونى احدد نوع معين ادور عليه فى حدود المبلغ بتاعى ولا اى نوع حالتة كويسة فى حدود مبلغى اجيبة وخلاص هى ديه المشكله المورقانى ولانى ديمن بشوف نوع ومميزاته وعيوبه ومشعارف ارسى على بر افيدونى افادكم الله

النصيحه. مفيش عربيه فيها كل حاجه

البرايد احسن حاجه فى الفئه دىىىىىىىىى

يجماعة انا هسهل عليكم مساعدتى انا هعمل قائمة استقصاء عشان العربية
السيارة هاتش باك /سيدان مش مهم المهم تكون وسعه من الداخل
اتوماتيك /مانيوال مشمهم ولكن يفضل اتوماتيك
الاعتمادية اعتمادية
استهلاك البنزين معقول
سعرقطع الغيار معقولة
سعر اعادة البيع معقوله
الاوبشن يريت تكيف وباور وزجاج كهرباء
السعر 35000-40000
ويريت تكون عفشتها ناعمة وسهلة القيادة لانى فى السواقة جديد
ارجو من اعضاء المنتدى الكرام الخبراء اسداء النصيحة والاختيار مع عرض المميزات والعيوب لانى تعبت جدا من السوال واللف بدون فايدة ولكم جزيل الشكر على تعبكم معاى ولو فى حد عنده عربية بالمواصفات ديه يقولى

المشاركة الأصلية كتبت بواسطة almohake

يا باشا انت محير نفسك مش عارف ليه ، بص يا سيدى انت قدامك شوية اختيارات كالتالى :

1- الكيا برايد سيدان 1300 سى سى فيها التكييف والباور اللى انت طالبهم وواسعة واستهلاك البنزين يادوب واعتمادية وقليلة الصيانة وقطع غيارها رخيصة الثمن وسعر اعادة البيع كويس جدا وفى منها اتوماتيك كمان واهم شىء انها ارخص واحدة فى الاختيارات لان اعلى حاجة فيها مش حايتعدى 36 الف عيبها انها فقيرة من حيث الشكل من جوة لو انك بتهتم .

2- هيونداى اكسنت 1500 سى سى بلاش ال 1300 لانه مافيهوش باور ، عربية كويسة وبرضو اعتمادية وقليلة الصيانة وقطع غيارها رخيصة وسعر اعادة البيع كويس جدا بس ما فيهاش اتوماتيك وكمان العربية واطية شوية من الارض التابلوه بتاعها حلو بس للاسف بيشقق بسرعة من الشمس وبما اننا بنتكلم عن 1500 فسحب البنزين حايبقى اعلى شوية وكمان حاتبتدى معاك فى السعر من حوالى 38 الف .

3- رينو كليو 1200 سى سى فيها تكييف وباور اعتمادية جدا امان جدا انت عارف بقى الاوربى شيك جدا من جوة يادوب بتشم بنزين مشكلتها فى سعر قطع الغيار غالية شوية مقارنة بالباقيين بس هى معمرة وكمان اعادة البيع مش قد كده واهم حاجة الصيانة اللى مش اى حد يعرف يشتغل فيها وممكن غلطة تدفعك قد كده ده غير انها ضيقة شوية فى صالونها وسعرها ممكن يبتدى معاك من 34 اللى هو الشكل القديم .

4- الكيا سيفيا 2 مش 1 ودى 1500 سى سى فيها برضو تكييف وباور واعتمادية جدا وثابتة جدا وامان وشكلها شيك وواسعة من جوا وقليلة الصيانة وقطع غيارها رخيصة وفيها اتوماتيك وسعر اعادة البيع كويس بس مش زى البرايد والاكسنت كمان العربية واطية شوية ودى ممكن تبتدى معاك من 39 الف .

فيه اكيد عربيات تانية زى الدايو لانوس والمتسوبيشى لانسر بس دول ممكن يكسروا حاجز 40 الف وانت طبعا لازم تحط فى حسبانك انك محتاجلك حوالى الف أو اتنين بعد شراء العربية علشان تغير ما يجب تغييره من زيوت وسيور وما إلى ذلك ، وفيه كمان العربيات الهاتش باك بس أنا مش مطلع قوى على اللى فى الرينج بتاعك ده وبيلبى متطلباتك علشان كده اكتفيت بالكلام عن السيدان ، وربنا يوفقك فى اختيارك.

احسنت يا almohake انت جبت المفيد

وانا راى خليك فى الهيونداى اكسنت 1500 دى اعتماديه جدا ولاحظ انها بتوع التكسيات بيدورو عليها دى دليل انها اعتماديه
وسيبك من الاتوماتيك لانه دى تركبه فى الحديث
طبعا قطع الغيار رخيصه جدا
سعر اعادة البيع ممتاز
والتصليح اسهل مما تتخبل

بس لو عرفت تخلص فى لانسر بطه او لانوس تبقى انت الكسبان لانها افضل من الاكسنت فى الاعتمادية بس احتمال تزيد شويه فى السعر معرفتش
يبقى خليك فى الاكسنت

لو معرفتش يبقى هات السيفيا برده ممتازه وانا عندى 2 صحابى ركبنها وبيشكرو فيها

والسلام عليكم

مليون شكرا ربنا يجزيكم عنى خير
وكان عندى اقتراح اتمنا يلاقى عندكم صدى ايه رايكم يكون فى فى المنتدى مكان يحدد للعايز يشترى وحيران زى الاختيارات المتاحة قدامها وتتقسم من حيث السعر المتاح يعنى زى 10000-20000
30000-40000 وهكذا ويوضح كل نوع مزايه وعيوبه وبكده هيكون كل واحد قادر انه يلاقى المناسب ليه منغير ميتعب نفس التعب الموجود حاليا انا عايز اشوف رايكم وانشاء الله ابدا فى اعدا شى زى كده بمساعدتكم طبعا

كل كمية المشاهدات دية ومفيش ردود ليه بس يجماعة