السادة أعضاء قسم هوندا الكرام ...
السلام عليكم جميعا ...

حاليا بأفكر بجدية في شراء هوندا سيتي أوتوماتيك لأنها عجبتني جدا
كنت عايز أعرف من حضراتكم بعض المعلومات الاضافية عنها و مشاكلها و لو حبيت أشوف العربية و أجربها ممكن ألاقيها فين

و هل العربية اللي بتنزل مصر فيها الاوبشن التالية :
- التحكم في مستوي صوت الكاسيت / الراديو من طارة القيادة
- التكييف اللي فيها باللمس و لا بكرات و هل فيه شاشة لبيان درجة حرارة الجو الخارجي
- مدي أتساع الشنطة الخلفية
- سعة الصالون الداخلي و راحة الركاب
- أرتفاع العربية عن الارض و هل فيه مشاكل مع المطبات , لأن من مواصفاتها شايف أنها أعلي من الياريس

ارجو اني ما أكونش طولت عليكم بس حقيقي هأكون شاكر جدا لردودكم لأني محتاج أخذ قرار سريع فيها قبل نهاية الاسبوع لحجز السيارة

مع خالص تحياتي
م/ سمير الشهاوي