الموضوع: ممكن المساعدة في تقييم هوندا مويل 1975

السلام عليكم إخواني الهونداوية

والله الموضوع مش مستاهل أتعبكم وأشغلكم معي لأن سعر العربية أقل بكتير من ضياع وقتكم ولكن والله {لا خاب من استشار}.
أنا معروض علي عربية هوندا موديل 1975 والعربية 2 باب وليس 4 باب، وأنا شفت العربية هي محتاجه شوية شغل، وقلت إللي هيفدني في الموضوع ده إخواني الهنداوية:
1- الموتور فيه لدعه في الكرنك يمشيني سنة وسعته 1500cc، والعمة مش موجودة ولما سألت المالك قال لي العمة موجودة عنده.
2- المساعد الخلفي يمين على حسب كلام المالك انه محتاج كوتشة الطعمية، وأنا اعتقد أنه مساعد.
3- الكوبلن اليمين محتاج الأوله بتاعته تتغير.
4- محتاجة طقم كاوتش، ممكن أجيبهم استعمال مؤقتاً.
5- العربية حالتها من جوه كويسة جميع العدادات والأنوار شغالة وهي رشة دواخل علشان متغير لونها.
6- محتاجة شوية سمكرة ودوكو علشان البوية بتاعتها بهتانة أوي.
7- باب السائق محتاج يتظبط الكالون بتاعه وكذلك مجرة الزجاج محتاجة تتظبط عند بتاع بيبان محترم.
8- بها رخصة 9 أشهر، والبيع بعقد مسجل.

السؤال هو
هل قطع الغيار للعربية دي موجودة أم هناك صعوبة في وجودها، وهل قطع الغيار معمرة أم لا؟
السعر المطلوب في العربية 5500 جنيه نهائي هل سعرها كده كويس ويستاهل أصرف عليها وأشدها؟
وما هي تكلفة الحاجات إللي ذكرتها سابقاً

وجزاكم الله خيراً أخواني الكرام

جزاك الله خيراً أخي الكريم على إجابتك الوافية لي
وأنا بالفعل حسيت أن الموضوع هيكلفني، ده غير الوقوف على إيد الصنايعية إللي يومهم بسنه وحرقة الدم إللي هشوفها.