مشكلة اهتزاز الدركسيون عند السرعة

**ahmed_459** · 23-04-2011 03:25 AM

هااااااااااااى
ازيكم يا شباب؟؟
انا عندى مشكلة رخمة لدرجة ان خلتنى اشد فى شعرى .. مش لاقيلها حل . و كنت بعمل بحث لحل المشكلة فى جوجل و جابنى هنا و قالى ربنا يسهل و تلاقى الحل فى الورشة هنا و سمعت كلامه و سجلت .اتمنى انكم تقبلونى عضو جديد معاكم فى الورشة
نخش فى الموضوع على طول

انا عندى عربية 128 موديل 84
لما ازود السرعة عن حوالى 80 كم طارة الدركسيون تبتدى تتهز جامد اوى
رحت للميكانيكى ... قالى غير علبة الدركسيون .. غيرت علبة الدركسيون .. بجرب بعدها رجعت تانى بعد اسبوع
رحتله تانى .. قالى غير مقصات و اطلع علزوايا.. سمعت الكلام و بكل احترام غيرت المقصين و عملت زوايا و بندعى انها تتحل و قلت كله يهون بس تبقى كويسة... زى الفل بردة و بعد حوالى كام يوم رجعت الطارة تتهز تانى
رجعت للميكانيكى.. قالى الطارة دية شكلها معووجة ( طارة سبور صغيرة) قالى اطلع على الزوايا يعدلهالك .. عدلتها و اتهزت بردة
رحت للميكانيكى ... قالى كدة دية عيب كاوتش . غير الكاوتش.. و غيرت الفردتين الى ادام و بردة الطارة لسا بتتهز..
رجعتلة تانى قالى اعمل ترصيص للجنوط .. عملت ترصيص للاربع عجلات و بردة لسا الدركسيون بيتهز.
رجعت للميكانيكى سابع مرة ... قاللى دة العربية بتطأطأ لما بتكسر العجل جامد.. قلتله احيانا.. قالى يبقى ممكن تكون كبالن .. جبت جوز كبالن جداد و لسا المشكلة موجودة و الدركسيون لسا بيتهز لما اعدى ال 80 ليــــــــــــــــــه؟؟؟؟ ؟؟؟ و كل لما اقول للميكانيكى الدركسيون ممكن يكون مش مربوط كويس فى التابلوة يضحك كأنها نكتة و انا معرفش...
زهقت .. دة انا بقيت بشتغل صبى معاه و بردة ملقتش حل

يارب الاقي الحل عندكم
انا اسف لو طولت عليكم .. بس دية خلاصت الى حصل معايا انا محكتش بالتفصيل كمان ...

**mrastra** · 23-04-2011 02:47 PM

اخى الكريم
العيب عندك من اول الامر فى ترصيص الفرد الامامى ........عارف انك رصصت قبل كدة لكن دعنى اوضح لك امر هاااااااااااام
الترصيص اللى انتى عملتة اكيد الفنى فك الفردة وزى الباشا حطها على جهاز الترصيص وبدا يحط كمية رصاص لغاية اما تديلة قراءة زيرو صح؟
طب هو كدة ظبط او رصص اية الجنط وراكب علية الكاوتش صح؟
طب هل هى دى الاجزاء اللى بتلف بس ولا فية اجزاء تانية ؟
اكيد طبعا فى اجزاء تانية زى الطانبورة .......وهنا مربط الفرس
الحل
روح لواحد بتاع ترصيص عندة مكنة ترصيص موتسكل اسمها كدة
والفكرة ان جهاز الترصيص متحرك يعنى انت مش بتفك الفرد لالالالالالالا هو بيجيب الجهاز يرصص المجموعة ككل يعنى اجزاء متحركة بيتم ترصصها او ظبط اتزانها وحاول تبقى ترد علية من فضلك

**kimo-nubira** · 23-04-2011 02:51 PM

ده عيب طنابيــــــــــــــــــــ ر امـــــــــــــامية

**ahmed_459** · 23-04-2011 03:02 PM

شكرا مستر استرا & كيمو على ردكم
بس انا نسيت اذكر ان برده لسا مغير الطنابير الى ادام

مستر اكسترا .. هو فعلا لما كان بيعمل ترصيص كان بيفك كل فردة و يحطها على جهاز عندة..
انا هدور على حد يكون عندة ترصيص موتوسيكل و ربنا يسهل و تبقى هى دية .. و هبقى اقولكم على الاخبار لو اتصلحت

**Sh_sunsea** · 23-04-2011 03:17 PM

طب حد ممكن يرشدنا لمكان فيه جهاز الترصيص الموتسكل ده - ..؟

**smsm_cato** · 24-04-2011 12:09 AM

كلام مستر استرا مظبوط 100 % والمكانيكى بتاعك ده شكله نص كم لان تشخيصة من الاول بيقول انه مش فاهم شغلة صح وانا جربت موضوع الترصيص بخلع الفردة وترصيصها خارجيا وده كانى معملتش حاجة لكن لما روحت لشيبوب عندنا فى الزقازيق وده معروف جدا وبيجيله ناس من جميع المحافظات على اسمة وشهرتة بيرصص والعجلة فى مكانها وده بيديك شغل مظبوط وهتحس بالفرق

**ahmed_459** · 24-04-2011 12:54 AM

المشاركة الأصلية كتبت بواسطة sh_sunsea

طب حد ممكن يرشدنا لمكان فيه جهاز الترصيص الموتسكل ده - ..؟

انا دورت ملقتش و لما اسأل اى حد يقولى انه مسمعش عن ترصيص الموتوسيكل قبل كدة .. و يفتكرنى عايز ارصص موتوسيكل عندى ... فياريت لو حد يعرف عنوان اى حد يقولنا.. انا قريب من رمسيس .. او فى حد فى شارع احمد سعيد؟؟

المشاركة الأصلية كتبت بواسطة smsm_cato

كلام مستر استرا مظبوط 100 % والمكانيكى بتاعك ده شكله نص كم لان تشخيصة من الاول بيقول انه مش فاهم شغلة صح وانا جربت موضوع الترصيص بخلع الفردة وترصيصها خارجيا وده كانى معملتش حاجة لكن لما روحت لشيبوب عندنا فى الزقازيق وده معروف جدا وبيجيله ناس من جميع المحافظات على اسمة وشهرتة بيرصص والعجلة فى مكانها وده بيديك شغل مظبوط وهتحس بالفرق

ربنا يسهل با سمسم . و يطلع انها عايزه ترصيص موتوسيكل بس... و لو زنقت اوى و ملقتش هنا .. ممكن انبقى اطلب منك عنوان شيبوب اللى فى الزقازيق و خلاص

**heshamzaky** · 24-04-2011 01:09 AM

ترصيص الحصان دة موجود عند بتوع الزوايا أعتقد ب 7 جنية بالكتير و ممكن 6 جنية للفردة الواحدة . موجود عند بتاع زوايا فى كوبرى القبة أمام محة ميرو الانفاق بتاعت كوبرى القبة بالظبط و دة شكلة
و على فكرة هما بيستعملوة لما يكون الجنط مفيهوش فتحة فى النص علشان الجنط القفول مش بيركب على الجهاز الى زى الى عملك ترصيص علية . الفكرة فى ترصيص الحصان انة ممكن يدارى العيب الى فى العجلة لانة بيظبط العجلة و هر راكبة فى مكانها

**ahmed_459** · 24-04-2011 04:05 AM

شكرا يا هشام على المعلومات دية و الصورة.. و ربنا يسهل و اروح بعد العيد عشان يبقى فاتح

**Piowood** · 24-04-2011 04:12 AM

باشا .. الميكانيكي عليه عامل كبير ... لازم يكون صنايعي وبيفهم مش بطيخ .. كونك تروحله 7 مرات ومايفهمش العيب ده كده مايبقاش ميكانيكي . ده كبيره بياع ملوخيه ..

الموضوع: مشكلة اهتزاز الدركسيون عند السرعة

LinkBack

أدوات الموضوع

عرض

-

-

-

-

المواضيع المتشابهه

مشكلة فى اهتزاز العربية

صوت تكتة في الدركسيون فضلا علي اهتزاز الدركسيون

اهتزاز الدركسيون فى تويوتا

مشكله فى الدركسيون على السرعة

اهتزاز الدركسيون مشكله!!!

الكلمات الدلالية لهذا الموضوع

المفضلات

المفضلات

ضوابط المشاركة