اهتزاز الدركسيون فى تويوتا

**Dr Ahmed** · 01-08-2011 05:52 PM

السلام عليكم وكل عام وأنتم بخير

انضممت مؤخرا لملاك تويوتا بشرائى تويوتا 2006 1800 سى سى فول أوبشن
السيارة حالتها جيدة جدا لكن لاحظت رجة فى الدركسيون تبدأ من سرعة المائة كيلو وتزيد باضطراد بعدها
قمت بترصيص العجل فى مركز أتعامل معه لأول مرة وغيرت أحد الكفرات القديمة بآخر أحدث وجربت مرة أخرى فوجدت الهزة كما هى

ما رأيكم مع العلم أن كشف السيارة قالوا لى أن العفشة جيدة ومتربطة

ماذا أفعل؟

**mr_sameh** · 03-08-2011 07:32 PM

ممكن تكون مشكله في الجنوط

**mahamede** · 03-08-2011 07:34 PM

غالبا فيه بوش فى الاسكاترة

**Dr Ahmed** · 03-08-2011 07:36 PM

وبوش الاسكاترة يتعرف إزاى وحله إيه؟

**mahamede** · 03-08-2011 08:37 PM

المشاركة الأصلية كتبت بواسطة dr ahmed

وبوش الاسكاترة يتعرف إزاى وحله إيه؟

هقول لحضرتك تعرف ازاى ,,, انزل من البيت ومعاك المفتاح ,,, روح ناحية العربية ,,, دور العربية واقفل باب السواق وابقى فاتح الازاز ,,, وانتا واقف جنب العربية دخل ايدك من الشباك بتاع السواق وحرك الدريكسيون يمين وشمال ,, وخلى عينك ع حركة العجل وشوف هل العجل هيتحرك بالضبط مع حركة الدريكسيون ولا هيبقى فيه تفويت بسيط ,, يعنى الدريكسيون بيتحرك والعجل مبيتحركش معاه بالضبط ,,,شوف كدا الموضوع ده وركز ودقق اوى وانتا بتجرب ,, ورد عليا ,,, وهوا المفرود اللى يقولك ع الكلام ده لو فيه بوش فى الاسكاترة بتاع ضبط الزوايا والترصيص ,,, بس ممكن يكون معندوش ضمير وميقولكش ,, عشان طبعا هوا ياخد فلوسه ويستفيد منك ,,, اى خدمة ع شرحى الوافى ومستنى ردك ,,,, تحياتى ,,,,

**pro_samir** · 10-08-2011 04:16 AM

مبروك يا دكتور

راجع علي الترصيص عند حد تاني ولو الكاوتش قديم ممكن يكون بسببه ، تتأكد منها لو العجل اللي اترصص خد رصاص كتير يبقي الكاوتش مش مظبوط أو الجنوط لو متبهدله

وعند تغيير الكاوتش يفضل تغيير فردتين مع بعض ميكونش واحده قديمه واللي قدامها جديده

بوش الاسكاترا ميعملش كده عندي الاسكاترا فيها بوش بسيط وحتي فوق الـ120 مفيش اهتزاز الا لما تكون محتاجه ترصيص أو زوايا