هونداوى مستجد يطلب المشورة

**maxman** · 17-05-2011 01:57 PM

أخوك أول مره يروح الحرفيين
أما سألت عن قطع غيار هوندا سيفيك القديم
بعد مجدى الدسوقى إللى عرفتونى بيه فى المنتدى
كنت بسأل والناس بتدلنى
بس هوا مش بعيد عن الجامع إللى هناك .....والمحل إسمه الشيخ..معروف هناك
هتسأل ويدلوك عليه
لو رحت تانى إن شاء الله هجيب العنوان بالظبط والتليفون وأبعتهولك

**No Comment** · 17-05-2011 02:29 PM

شكراً جزيلاً ... وأهو يبقى عندنا دليل لناس جديدة .

**megoz1980** · 19-05-2011 05:50 PM

السلام عليكم..أرجو أن تتفضلوا قبولي في عصابة الهونداوية..
أنا الحمد لله اشتريت سيفيك 92 بس المشكلة ان الموتور محتاج تظبيط والعربية بتسخن جامد والامبير بيعدي النص مع العلم ان الريداتير ممتاز ولسه مغير جوان وش السلندر والطرمبة والحمد لله تعمل بكفاءة من الاخر انا محتاج ميكانيكي شاطر بتاع هوندا بس يكون في المعادي واسف للاطالة 0184892000 وشكراً

**m3touk_85** · 21-05-2011 02:02 AM

المشاركة الأصلية كتبت بواسطة megoz1980

السلام عليكم..أرجو أن تتفضلوا قبولي في عصابة الهونداوية..
أنا الحمد لله اشتريت سيفيك 92 بس المشكلة ان الموتور محتاج تظبيط والعربية بتسخن جامد والامبير بيعدي النص مع العلم ان الريداتير ممتاز ولسه مغير جوان وش السلندر والطرمبة والحمد لله تعمل بكفاءة من الاخر انا محتاج ميكانيكي شاطر بتاع هوندا بس يكون في المعادي واسف للاطالة 0184892000 وشكراً

فى المعادي عندك محمود اللي فى عمارات السعودية

**honda forever** · 23-05-2011 05:34 PM

المشاركة الأصلية كتبت بواسطة maxman

أخوك أول مره يروح الحرفيين
أما سألت عن قطع غيار هوندا سيفيك القديم
بعد مجدى الدسوقى إللى عرفتونى بيه فى المنتدى
كنت بسأل والناس بتدلنى
بس هوا مش بعيد عن الجامع إللى هناك .....والمحل إسمه الشيخ..معروف هناك
هتسأل ويدلوك عليه
لو رحت تانى إن شاء الله هجيب العنوان بالظبط والتليفون وأبعتهولك

تقصد الشيخ سيد؟
لو هو أنا عارفه ده فى وش شارع مسعد وعدلى

**maxman** · 29-05-2011 06:17 PM

أيوه هوا الشيخ سيد وهوا محله بتنزله بسلم
كنت عاوز أسال عندى كام حاجة
1- مروحة الردرياتير عندى ضعيفة المفروض أغيرها ولا أغيير الماتور بتاعها وأجيبها جديده ولا مستعمله وتعمل كام
وبالنسبة للردرياتير الزور بتاعه مش مستوى وأكيد بينفثمن عند غطا الردرياتير ... ممكن أغيره ولا لازم أغيير الردياتيير كله ..
2-وهل القميص الخاص بالفرن ممكن ألاقيه عند بتوع ااإستيراد .. لان فى صنايعى قالى الفرن بتاعك قريب من الردياتير فإنت محتاج قميص للفرن عشان يمنع الحرارة .. إيه رأيكوا
3- أكشف على طلمبة المياه عند الميكانيكى ولا فى فنى خاص بالطلمبات
علما بأن العربيه هوندا سيفيك 1984
وجزاكم الله خيراً

**refaat78** · 29-05-2011 07:52 PM

فيه واحد محترم فى الوكاله كنت بجيب الحاجه منه...اسمه سامح ولو عايز نمرته ابعتلى على الخاص

**tarekomar66** · 29-05-2011 09:59 PM

المشاركة الأصلية كتبت بواسطة semsem kane

ياجماعة المشكلة مش مشكلة بنزين 90 او 80

انتوا نسبة انضغاطكوا 9:1 يعنى 80 كويس على الماتور بس اهم حاجة تكون البنزينة نظيفة

و90 هيبقى احسن وهيهدى صوت الماتور عن ال80

افهم من كده يا عم سمسم انى ممكن اعمل الخلطه دى فى عربيتى

**maxman** · 04-06-2011 02:14 AM

سؤال لأهل الخبرة
كنت إشتكيت ليكم من إرتفاع حرارة العربية ( هوندا سيفيك 84)
ورد على سمسم باشا وسألنى عن المروحة إمتى بتبدأ فى الشغل
وقالى أذا كانت بتبدأ بعد مؤشر الحرارة ميوصل للنص ......شوف الثرموستات...
وجبت الثرموثتات اليابانى وقلت بالمره أظبط الردرياتير وفعلاً حليت الردرياتير وتم تظبيطه وصنايعى الردرياتير قالى الثرموستات ده مش هيركب على الدرياتير إللى راكب ده مش ردرياتيرها ووالثرموستات إللى راكب ده بتاع الفيات...وفعلاً رجعت اليابانى وجبت الإيطالى وكان 72/82 و بعد التركيب مازالت الحرارة كما هيا....
فهل تنصحونى بشراء ردرياتير الهوندا الإستيراد.... أم
ينفع الثرموستات اليابانى على الردياتير ده... شكله ردرياتير بتاع فيات....؟
سؤال تانى .....معلش كترت فى الأسئلة.
مروحة الردرياتير بتاعتى ظعيفة ....عاوز أشترى واحدة قوية...أجيبها جديده ولا إستيراد....
وهلى فى مروحه معينه كويسه ......
جزاكم الله خيراُ