الموضوع: الحل النهائي بأذن الله لموضوع سرقه السيراتو حل معاناه الشعب المصري

بسم الله الرحمن الرحيم

دلوقتى كل الناس خايفه و متوتره و بتعانى من موضوع سرقه السيراتو اللى خرج عن حده بكتير دا غير اصلا الاشعاعات اللى المصريين بيعملوها كالعاده (انا اتسرق من تحت بيتي 5 عربيات سيراتو و شفت الحرامى كان لابس زيي سلاحف النينجا خفت منه ههههههههههه)

كل ما في الموضوع ان العربيه لسه جديده يعني لما عربيه يمشي بيها الحرامى منغير نمر محدش هيشك فيها يقولوا دا لسه شاريها و معلقتش نمر و سهل تقطيعها و تخليص قطع غيارها برخص التراب دا غير موضوع التهريب لغزه و دى بشهاده فلسطيني (شفت عربيات سيراتو كتير جدا عليها نمر قاهره و كمبيوتر )..

يعني من الاخر العربيه مش تتعاب فحاجه و الا كان زمان العالم كله عامل زي الكوتشينه تلاقي عربيه سيراتو عليها نمر الصين و بعديها الهند و بعد كدا تلاقي عربيه سيراتو جيالك من الجزر الهيمالايا

موضوع سرقه العربيه من تحت البيت دا بيتمثل ف شقين الشق الاول و انا كدا بدات اقلب على مدرس عربي ههههههههه ما علينا :
اولا :ان الحراميه بيخدوا العربيه على ونش عادى جدا كانها رايحه تتصلح ولا كسر ازاز ولا يحزنون و يخدها يعيش فيها براحته زي منتا عايز الكلام دا جايلي من رتبه ف الداخليه...و متقوليش اصلنا عندنا بواب دا البوابين دول اهبل ما يمكن بسيجاره سوبر يبيع امه و ترجع تساله يقولك مخبرش...

ثانيا : دا جالى من واحد صحبي بتاع مفاتيح قلتله اتحداك انك تفتح عربيتي و فعلا فتحها مفيش داعى اكتب فتاحها ازاى ليكون فيه حرامى هنا ولا حاجه هههههههههههههه قاللى لو عايز ادورها كمان هدورهالك انا كنت واقف مزهول انه فتحها ف اقل من 5 دقايق.. مكنتش لاقي رد على اللى عمله صراحه..

ثالثا : متسبش مفتيحك مع اى حد غرييييييييييييييييييييييي ييييييييييييييييييييييب اللى يفرط ف مفاتيحه كانه فرط .... و كل واحد و نيته باه هههههههههههه

سيبوكوا باه من موضوع VIN Code و الكلام الفاضي و كلام ( دنا شفت الحرامى ماسك جهاز بينور اخضر و احمر و اصفر و بيقول للعربيه افتحى يا سيراتو بتفتح من اوسع ابوابها) دا لانه حتى لو جاب الرقم مش هيعرف يعمل بيه حاجه لان شفره المفتاح ملهاش اى علاقه بسيريال العربيه الا باه لو كيا دى شركه سمك لبن تمر هندى

الحلول و المفروض ان اى عربيه بيتعمل معاها كدا برضوا:
1- و بككررها متسبش مفتاحك مع اى حد نهائيييييييييييييي مهما يكون هوا مين دى عربيتك انتا مش عربيه الجيران

2- بلاش تركن العربيه ف شوارع خاليه من الماره يعني مثلا مش فشارع جانبي ولا تحت شجره ولا حته عتمه و بلاش تغطيها نهائيييييييييييييييييي انا 3/4 صحابي اللى اتقلبت عربياتهم غير السيراتو كان بسبب الغطا كان بيكسر الازاز و بيستخبا جوا العربيه و يعيش حياتوا يا سيدي مش مهم العربيه تاخد ضربه شمس المهم ميروحش عليك اكتر من 100 الف جنيه و دورلها على جراج متين كدا ولونهم ولاد كلب بيستغلوا الناس اليومين دول

3- ركبلها انذار مش هتخسر حاجه برضوا من 200 ل 300 يعني مش رقم بالنسبه للى دفعته ف عربيتك ولو انتا فييس باه روح ركبلها تتبع سياره ب 1500 جنيه عشان لو لاقدر الله اتسرقت تجيب ابوها و تجيب الحرامى هديه كمان ههههههههههه
و الناس اللى هتقولك انا عربيتي بالكارت و ستارت انجن زي حالاتى برضوا فيه نوع اسمه SPY موجود عند سبير كار انا ركتبه ف الفرع اللى ف القاهره الجديده ب 200 جنيه فبريقه على بلاده ولا الهوا ولا سلوك ولا كلام فاضي و شغال معايا الحمد لله زي الفل ضمان 5 سنين..

4- للناس الموسوسه زي حالاتى طبعا بس لسه مجبتهوش دراع الدريكسيون فيه منه انواع لو عايز تكسر القفل بتاعه لازم تخرمه من الجنب و دي بشهاده برضوا صحبي بتاع المفاتيح....

يارب اكون افادتكم وريحت ناس كتير بصرف النظر انى اصلا موسوس و مش مقتنع باللى انا بقوله برضوا هههههههههههه بس انا كل الكلام اللى انا بقوله دا خلال السؤال (ظباط - التوكيل - بتوع المفاتيح - و اخيرا حرامى ههههههههه) و انشاء الله اللى يمشي على الكلام دا يحط ف بطنه بطيخه صيفي..

و احسن ختام ف الدنيا السلام عليكم و رحمه الله و بركاته

اولا الف شكر لكل الاعضاء اللى تابعوا الموضوع و اللى ردوا عليه كمان و خاصه shod90 :D

ثانيا اللى بيسال عن موضوع قرايه من اعضاء بقول لحضرتك انا قريت كتير بس اللى انا قلته دا تجربه شخصيه و سؤال الناس اللى انا زكرتهم ابل كدا
اما بالنسبه لموضوع الفن كوود دا فخش على صفحه كيا موتورز ايجيبت و اقرا اللى هما كتبينه هتلاقيهم بيصدقوا على كلامى ان المفتاح لا يتعلق نهائيا بفن كوود العربيه لانه ليه سيريال لوحده حتى هتلاقيه لزقه ورا الكرت بتاع العربيه و مكتوب عليها Please Remve This Label

ثالثا موضوع الجي بي اس فياباشا انا اللى اعرفه انك بيتبعتلك رساله فيها الكوردنيتس بتاعه العربيه و انتا بطلعها من على جوجل ماب و تقدر تسمع الحرامى و هوا بيتكلم جوا العربيه دا اللى سمعته عن الموضوع دا و هوا موجومد ف المنتدى هنا دور عليه

رابعا موضوع السلوك يا باشا انا قصدي سلوك متفعكشه و الباميه بتاعه الكهربائيه و الحساب 120.75 قول 200 بس ابقا راضي الرجاله ههههههههههه اكيد ف سلوك يعني بس انا اقصد انهم ناس محترفه مش بيعد يجرب و سلك ايه دا والكلام الفاضي لا دول ناس حفظه و فاهمه بتعمل ايه دا اللى انا اقصده

و اى حد عنده اي ااستفسار انا تحت امركوا ف اى حاجه تتعلق بالعربيه الاكثر من رائعه