لو سمحتو ممكن استفسار

**sayedkamal** · 24-04-2011 10:27 AM

عندى عربية كيا سيراتو جديدة موديل 2011 بس اللى لاحظته فى الايام الاخيرة انى عند تشغيل المكيف بحس العربية تقيله فى السحب مش كده وبس صوته ابتدى يبقى عالى مع ان المروحه على اول درجه كمان عند السحب بالراحه بحس ان الموتور زى ما يكون بيكركر.

كمان فيه حاجة بس مش عارف دى فى كل العربيات ولا لا انى لما بكون واقف بالعربيه فى اشاره مثلا وضاغط فرامل بس العربيه على d بحس ان العربيه فيها رعشه بسيطه كده و العربيه بتهدى شويه اما بجيبها على ال n.

ملحوظه: العربيه كويسه جدا جدا بدون تشغيل المكيف.

يارب الاقى عندكم جواب للموضوع ده

**m3touk_85** · 24-04-2011 11:33 PM

اولا ده طبيعي في كل العربيات ان التكييف بيعمل حمل على الموتور بس بيختلف بقي من عربية لاخري بس لازم تحس بكتمة سنة

انت بتحط بنزين كام والعربية عاملة كم كيلو

**abo_kanze** · 24-04-2011 11:52 PM

كمان فيه حاجة بس مش عارف دى فى كل العربيات ولا لا انى لما بكون واقف بالعربيه فى اشاره مثلا وضاغط فرامل بس العربيه على d بحس ان العربيه فيها رعشه بسيطه كده و العربيه بتهدى شويه اما بجيبها على ال n.

بتهيالي مش طبيعي,لانها 2011(ماشاء الله)الكلام ده ممكن مععربيه 2005 او 2000 بس مش عايز افتي,بس حضرتك نوع البنزين ممكن يعمل الحكايه دي,وممكن يكون طبيعي,بس بتهيالي لا ,,,والله اعلم.

تحياتي لكـ