الموضوع: احسن كلمة قالها عمرو موسى حتى نعلم من هو عمرو موسى الذى غطى اعلامنا ايجابياته

المشاركة الأصلية كتبت بواسطة tamer_a7

طيب انا ما سمعتش البردعي قال الكلمتين دول لامريكا مثلا في اي مؤتمر او اي اجتماع
ومع ذالك الناس طايره فرح بيه
عموم تحدثنا كثير او رفضنا عمرو موسي هو اقرب مرشحي الرئاسه ما لم يظهر البطل المعور ساحر الافكار
ودا اللي انا متوقعه ومستنيه بس هو اتاخر في الطريق علشان صلاح سالم زحمه

++++++++++++++++++1

المشاركة الأصلية كتبت بواسطة dr_mido

وبعدين لو كان محدد السلطات زى مابيقول ومش عارف ياخد قرارة وكان بينفى انه مجرد سكرتر ل 22 دكتاتور
مستقالش ليه اما لفى وجودة ملوش قيمه الا فى حد الكلام و ساب حد يشوف القضايا المنيله اللى مكنوش عارفين يحلوها
فايدة جامعه الدول العربيه بصراحه م وجهه نظرى الشارع اللى اتسمى باسمها فقط لا غير لو مفيش الشارع دة اتحدى حد كان افتكر ان فى منظمه بالاسم دة اساسا

نفس الكلام يقال عن البرادعي الذي جلس في مقعد رئيس وكالة الطاقة الذرية 3 دورات ولم يحدث فيها اي شئ صحيح وتم ضرب العراق سواء بسببه او بدون سببه المهم انه صمت واستمر في موقعه ولم يتكلم الا حين عرف انه خرج من حسابات امريكا ولن يتم التجديد له وبردو لم يستقيل
وحتي الميزة بتاعة جامعة الدول العربية مش موجودة لوكالة الطاقة الذرية

المشاركة الأصلية كتبت بواسطة otefa

البرادعي ده مش داخل في حساباتي من أساسه مهما حاول مؤيديه تبيض صورته أنا شايفه لايصلح بالمرة
المنافسة عندي بين عمرو موسى وأي مرشح ثاني
البرادعي ليس داخل في المنافسة في أختياراتي ألي أنا حر فيها
وما حدش ليه الحق ولا هايجبرني أغير رئي فيه

+++++++++++++++1

المشاركة الأصلية كتبت بواسطة nevozaky

السلام عليكم .انا شايفة حتى الان انه افضل المرشحين ويا رب يظهر اللى افضل منه .بس انا شايفة انه مش علشان كان فى عهد مبارك انه يترفض .وانه مقدرش يعمل حاجة وهوه امين الجامعة العربية نرفضه .علشان هوه كان مجبر على امور معينة وراضى بالامر الواقع زى ما كلنا كنا راضيين .حد يقول اننا من شهرين ونص حد كان يقدر يغلط بالكلام فى حسنى مبارك ويسب ويلعن .طيب ما احنا كمان كنا فين .ما احنا كنا ساكتين .محدش فينا كان صلاح الدين الايوبى اللى حارب الصليبين .طيب بنطلب ليه بقى منه انه يبقى صلاح الدين الايوبى .على العموم انا شايفة ان اللى بيحصل دلوقتى كله شغل انتخابات .اللى بيحب عمرو موسى يشكر فيه ويظهر محاسنه .ويذم فى باقى المرشحين والعكس صحيح اللى بيحب البرادعى يشكر فيه ويبين ان عمرو موسى اسواْشخصية فى مصر .على العموم ده رايى لحد دلوقتى ما لقيتش غيره اللى يقنعنى ولو مؤقتا لحين ظهور العكس .تقبلوا تحياتى

++++++++++++++++++1

المشاركة الأصلية كتبت بواسطة sara2001

مفيش مرشح مقنع للرئاسه حتى الآن

حتي الان الافضل بين الموجودين هو هشام بسطاويسي
لكن اشعر ان هناك احدهم ما زال قادما في الطريق ينتظر حتي ينهك كل المرشحين الاقوياء بعضهم البعض ويخرج انصار كل مرشح عيوب المرشحين الاخرين ويقتتلوا فيما بينهم ليظهر في النهاية في شكل الفارس المغوار الذي سيخلص الوطن من هؤلاء المرشحين الذين لا يصلحون كما سيظهر انصار كل مرشح بقية المرشحين