احسن كلمة قالها عمرو موسى حتى نعلم من هو عمرو موسى الذى غطى اعلامنا ايجابياته

**Dojuar** · 26-04-2011 12:27 AM

المشاركة الأصلية كتبت بواسطة m10_10

ثالثا واخيرا :
اذا اردت ان تعرف شخص فانظر الى اعداؤة .. فإذا كانو صالحين فهو شخص فاسد .. واذا كانو فاسدين فهو شخص صالح ..

البرادعي مين اعداؤة ؟؟ النظام الفاسد السابق .. امريكا نفسها لانها ارادت ان تأخذ شرعية للحرب على العراق وفشلت لانه رفض يديهم الشرعية دي .. اسرائيل لانو دايما عايزها تخش في اتفاقية حظر السلاح النووي وهيا رافضة ..
[

بلاش نشطح........ في حبنا لمرشح

واللي بيحب البرادعي معتقدش يرضى يطبق القاعدة ديه على الاخوان و التيارات الاسلامية

والا حايكونوا أولى من البرادعي بالحكم

لأن النظام السابق و أمريكا عدوهم الأول التيارات الاسلامية

**memo_p910** · 26-04-2011 01:22 AM

أنا بس مستغرب من شدة الهجوم الضاري واصطياد اللمم على البرادعي من بعض الأشخاص كأنه نبي لا يخطأ أبدا في حين تراهم مؤيديون لعمرو موسى مع ان الأخطاء راكباه من ساسه لراسه بصراحه مش قادر أفهمهم هو المهم مصلحة البلد ولا مصلحة أشخاص ؟؟؟؟؟؟

**casperinoo** · 26-04-2011 02:02 AM

هو ايه اللي دخل البرادعي في الموضوع ...سبحان الله نفس الناس اللي كانوا ضد ان الثوره تكمل وقالوا كفايه كده ..هم برده اللي في كل موضوع يجيبوا سيرة البرادعي

**medo_2060** · 26-04-2011 02:23 AM

عمرو موسى اخد دكتوراه فى مدرسه السياسه الغبيه الى اتخرج منها مبارك وشلته كلها..ومهما هيعمل كل حركاته مكشوفه ومش بناخد منه غير كلام وبس... فكرنى بمحافظ الاسكندريه الجديد عنده 80 سنه وكان عضو مهم فى الحزب الوطنى ودلوقتى جاى يقول بوقين برضه من بتوع عمرو موسى..عقليه عمرة موسى دى عمرها ما هتتطور ولو بقى رئيس هيعمل اى اصلاحات هبله وخلاص لكن كرؤيه وتخطيط مستقبلى بحححححح لا يوجد

**hobiko** · 26-04-2011 02:39 AM

المشاركة الأصلية كتبت بواسطة dr-mohamed

+++++++++++++++!
وما زال انصاره كل لحظة يذكرونا بان من قالوا نعم جهلة يجب ان يطيعوهم بل وصلت الوقاحة ببعضهم ان قال ان مصر لا تستحق البرداعي وانه افضل من ان يحكم مصر والمصريين الجهلة

د.محمد

حمدلله على السلامة ...... كنت فين يا راجل

بجد إسلوب كتابتك و ألفاظك و تعبيراتك مميزة جداً ...... لو شالو الإسم و البيانات الشخصية من على اليمين جمب المشاركة

حعرفك برضه

المشاركة الأصلية كتبت بواسطة ecybrarian

ماحدش رد علي..هو عمرو موسى فصل الموظفة الإمارتية والمدونة من جامعة الدول العربية ليه؟؟ ..مش عارف دايما يخرج الموضوع عن مساره في اي نقاش مها كان المستوى العلمي والثقافي للنقاش؟؟ مش في نايل موتورز فقط..دا في اي حوار!!! اولا: الموضوع عن عمرو موسى مش عن البرادعي..ثانيا: الموضوع ليس للمقارنة بين الاتنين!!! انا عندي ردود بس مش عايز اخرج عن الموضوع
خللينا في عمرو موسى: ممكن حد يجاوب علي ولا زي كل مرة هانخرح عن الموضوع ولا نجاوب على الاسئلة حتى لو كانت الاجابة "لا اعرف"
اولا: اين كان عمرو موسى ضمن النخبة السياسية المعارضة للنظام المخلوع حتى الشهور الأخيرة بل الايام الأخيرة قبل الثورة بل في الساعات الاخيرة؟
ثانيا: منذ متى (بالتاريخ التقريبي) كان لعمرو موسى رؤية اصلاحية سياسية لمصر؟ طيب ياريت حد يقول لنا آخر مرة تكلم فيها عن ضرورة الاصلاح (وليس التغيير في مصر)؟
ثالثا: اين كان عمرو موسى من قضايا التعذيب (خالد سعيد وسيد بلال مثلا) وقضايا التزوير (انتخابات 2010 مثلا) واستقلال القضاء واستقلال الجامعات؟ ياريت حد من انصاره يطلع يقول لنا ماذا قال موسى في ذلك؟؟
رابعا: موقف عمرو موسى ايه من اصحابه وزملاء العمر إللي في السجن لو لا قدر الله اصبح رئيسا
خامسا: هو عمرو موسى فصل الموظفة الإمارتية والمدونة من جامعة الدول العربية ليه؟؟

انا ارفض عمرو موسى مرشح الحزب الوطني للرئاسة (مجازا) لمليون سبب منها إنه بعدما قفز على الثورة :
- قال لمنى الشاذلى انه سينهى برنامجه الانتخابى فى خلال يومين او ثلاثه وكانه برنامج ترفيهى..وحتى الآن لم ينته من برنامجه الانتخابي (فاكرين صاحبه لما قال مش هاجدد)
- موسى قال اليوم ساقود مصر الى بر الامان وماقالش ازاي
- قال مصر لن يصلح معها الا النظام الرئاسى لمدة عشرة سنوات..

المشاركة الأصلية كتبت بواسطة memo_p910

ما دام الموضوع عن عمرو موسى فاكرين لما الشباب راحولوا السنه اللي فاتت علشان يوقع على بيان التغيير بتاع د البرادعي وتكون شعبيته مصدر ضغط على النظام وخذل الشباب ورفض التوقيع عارفين ليه ؟؟؟؟؟

حد يرد علي من المؤيدين ليه ؟؟؟؟؟؟

اسئلة كتير من غير إجابة ........ لإن مفيش إجابة أصلاً

المشاركة الأصلية كتبت بواسطة casperinoo

هو ايه اللي دخل البرادعي في الموضوع ...سبحان الله نفس الناس اللي كانوا ضد ان الثوره تكمل وقالوا كفايه كده ..هم برده اللي في كل موضوع يجيبوا سيرة البرادعي

بالظبط نفسي أعرف إيه إلي دخل البرادعي في الموضوع

نفس الأشخاص هي هي إلي ضد البرادعي ...... ردنا عليهم في مواضيع كتير قبل كدة

و بالدليل و الوثائق و الصور (واخد بالك يالي في بالي) ........ و برضه بيرجعو يعيدو نفس الكلام تاني

الموضوع عن عمرو موسى

**sara2001** · 26-04-2011 02:54 AM

المشاركة الأصلية كتبت بواسطة ecybrarian

دي بالبلدي اسمها قلة اصل..دا حتى اللمبي قالها "ولا بيصنوا اللقمة الحرام"..ولا هم لما سقطوا طلع الديكتاتور الصغير عمرو موسى يعمل عليهم راجل ووطني وزعيم وكدا

مازلت عند رأيي انهم اول ناس هيضحي بيهم
وده نفس اللى كان هيعمله جمال مع احمد عز

خارج الموضوع: على فكرة البسطاويسي فعلا راجل محترم ورئيس(محتمل) قوي وصاحب رؤية ومبادئ..بس مالوش بخت..للأسف لازال البعض في الشارع المصري يبحث عن رجل يأكل على كل الموائد

الحقيقه ما قريتش عنه كفايه علشان اقدر اكون رأي بخصوصه

**casperinoo** · 26-04-2011 04:04 AM

المشاركة الأصلية كتبت بواسطة hobiko

و بالدليل و الوثائق و الصور (واخد بالك يالي في بالي) ........ و برضه بيرجعو يعيدو نفس الكلام تاني

البرادعي يطالب بمجلس رئاسي ويتحايل علي ارادة الشعب في الاستفتاء

وليه مجبش سيرة اسرائيل ..
.وليه منفاش نفي قاطع ان مفيش اسلحه دمار شامل في العراق ...
و طبيعي من الزهق من كتر تكرار الاسئله يعمل اقتباس ويحط جنبها +1

**otefa** · 26-04-2011 09:11 AM

المشاركة الأصلية كتبت بواسطة memo_p910

مش شايف أفضل منه للآن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده كل المرشحين أفضل منه

كده أنا عرفت ليه بتهاجم د البرادعي عمال على بطال البرادعي برقبته

المشاركة الأصلية كتبت بواسطة casperinoo

هو ايه اللي دخل البرادعي في الموضوع ...سبحان الله نفس الناس اللي كانوا ضد ان الثوره تكمل وقالوا كفايه كده ..هم برده اللي في كل موضوع يجيبوا سيرة البرادعي

عرفت مين!
لانعليق

**ecybrarian** · 26-04-2011 09:41 AM

يا جماعة ياريت اي حد من انصار عمرو موسى يجاوبني على الاسئلة التالية..امال بتأيدوه على ايه وبأي منطق..مش يمكن تغيروا فكري عن الراجل

المشاركة الأصلية كتبت بواسطة ecybrarian

ممكن حد يجاوب علي ولا زي كل مرة هانخرح عن الموضوع ولا نجاوب على الاسئلة حتى لو كانت الاجابة "لا اعرف"
اولا: اين كان عمرو موسى ضمن النخبة السياسية المعارضة للنظام المخلوع حتى الشهور الأخيرة بل الايام الأخيرة قبل الثورة بل في الساعات الاخيرة؟
ثانيا: منذ متى (بالتاريخ التقريبي) كان لعمرو موسى رؤية اصلاحية سياسية لمصر؟ طيب ياريت حد يقول لنا آخر مرة تكلم فيها عن ضرورة الاصلاح (وليس التغيير في مصر)؟
ثالثا: اين كان عمرو موسى من قضايا التعذيب (خالد سعيد وسيد بلال مثلا) وقضايا التزوير (انتخابات 2010 مثلا) واستقلال القضاء واستقلال الجامعات؟ ياريت حد من انصاره يطلع يقول لنا ماذا قال موسى في ذلك؟؟
رابعا: موقف عمرو موسى ايه من اصحابه وزملاء العمر إللي في السجن لو لا قدر الله اصبح رئيسا
خامسا: هو عمرو موسى فصل الموظفة الإمارتية والمدونة من جامعة الدول العربية ليه؟؟

انا ارفض عمرو موسى مرشح الحزب الوطني للرئاسة (مجازا) لمليون سبب منها إنه بعدما قفز على الثورة :
- قال لمنى الشاذلى انه سينهى برنامجه الانتخابى فى خلال يومين او ثلاثه وكانه برنامج ترفيهى..وحتى الآن لم ينته من برنامجه الانتخابي (فاكرين صاحبه لما قال مش هاجدد)
- موسى قال اليوم ساقود مصر الى بر الامان وماقالش ازاي
- قال مصر لن يصلح معها الا النظام الرئاسى لمدة عشرة سنوات..