حد هنا من محافظة حلوان او محافظة 6 اكتوبر....!

**Adham_Sabry** · 18-04-2008 12:22 AM

يعني اللي من المعادي مش هيعرف يدخل جامعه القاهره ولا عين شمس ؟؟
ده هايبقي في محافظه تانيه كده ولازم يدخل جامعه حلوان بس !!!

**alaa_dash** · 18-04-2008 12:29 AM

ديه ميزة و عيب على فكرة حكاية الجامعات دي.....
عيبها ان الكليات المشتركة عتتوزع حسب التوزيع الجغرافي الجديد :) يعني اللي كان
ممكن يدخل القاهرة او عين شمس حسب توزيعه ..دلوقتي لازم يدخل حلوان لو الكلية
اللي هوه عايزها موجود في التلاتة ...
اما الميزة ان اللي تابعين للمحافظات *الجديدة* هيدخلوا الكليات اللي مش مشتركة
في الجامعة اللي يحبوها قاهرة ,عين شمس. او غيرها ...

**magomago** · 18-04-2008 12:38 AM

محدش فاهم حاجة خااااااااااااااااااااالص

**Defender** · 18-04-2008 12:56 AM

انا عن نفسي اويد انشاء محافظه 6 اكتوبر ونسميها بدل 6 اكتوبر
محافظه (((((((حرب مصر مع اسرئيل اللي مصركسبت فيها اسرئيل)))))))

بجد مش فكرة حلوة

هههههههههههههههههه

اما حلوان نسميها محافظه الحلويين عالم ثكر يعني

ونا عن نفسي عاوز اموضوع يمشي

علي الاقل السياح هيعرفوا حاجه جديدة اسمها 6 اكتوبر اكتر

والمرشد يقولهم علي البدع اللي المصريين عملوها في الحرب

كفايا يقولهم ن مصر ظبطت اسرئيل ومدت ايدها للسلام واسرئيل عضتها هو هو هو

ههههههههههههههههههههههههه ههههههههههههههههههههههههه هه والله مشروع جميل بالنسبه لسته اتوبر اما حلون مش لاقي ليها سبب يمكن حلوان كبيرة اوي ومتبعترة والمحافظه مش عارفه تلمها مكتوب حد مع ناة السويس ايه اللي ودا حلوان هناك

علي راي اللمبي ايه الجاب القلعه جنب البحر

**douha_wise** · 18-04-2008 01:17 AM

المشاركة الأصلية كتبت بواسطة bassam nagy

الخبر كويس لان عندنا المدينة كبرت اوى
ومحتاجة يبقى ليها محافظ
انا باتكلم على اكتوبر دى داخلة فى 15 حى

ازيك يا بسام يا جارى فى محافظة اكتوبر يا فرحتك يا ابو رقية و يا اسلام المصرى و على فكرة و الله انا من زمان كان نفسى يحصل كدة لإن اكتوبر اكتر من 15 حى و متنساش ان الشيخ زايد ايضا تعتبر تبع اكتوبر غير دريم و مدينة الإنتاج و كل المسافة ليهم و بيفرلى هيلز اكتوبر لها عمق و اتساع فى مساحتها كبير جدا لذلك انا كنت بقول كدة من زمان انها لازم تكون محافظة دا المشوار من كارفور بداندى مول ذهاب و عودة من بيتى بيأخذ حوالى 55 كيلو و انا حسبتها كذا مرة يعنى اكتر من 22 كيلو من بيتى لكارفور و زيهم و انا راجع و المدينة غير انها كبيرة لكن ايضا اصبحت مزدحمة عن الأول
عمار يا اكتوبر

**theking2690** · 18-04-2008 02:55 AM

ايه ده يا جماعه هو الخبر طلع بجد و لاايه ده انا لسه واحد صاحبى كان بيقولى كنت فاكره بيهرج

طيب و بالنسبه للتليفونات يا جماعه هيبقى ايه نظامها هيبقى كأنك بتتصل مباشر بقى و لاايه النظام

**abdelaziz-waleed** · 18-04-2008 04:26 AM

المشاركة الأصلية كتبت بواسطة theking2690

طيب و بالنسبه للتليفونات يا جماعه هيبقى ايه نظامها هيبقى كأنك بتتصل مباشر بقى و لاايه النظام

دي تبقى مصيبة بس اعتقد ان احنا بردو هانكون تبع محافظات القاهرة الكبرى والاتصال هايكون عادي زي بين القاهرة والجيزة كدة ما فيش مباشر

**iunknown** · 18-04-2008 01:40 PM

هما كيد عملوا كدة علشان الـ 26 كان ناقصهم 2 ويبقوا 28 اللي هو عدد الحروف الابجدية
وهما هياخدوا حرف يرمز لكل محافظة في النمر الجديدة

ناس نظرها بعيييييييــــــــــــــــ ـــــــــــــد قوي بس انتوا مش وادين بالكم

يعني كدة مفيش محافظات جديدة تاني دول اخر اتنين

:):) ;)

**fiatmomo** · 18-04-2008 02:42 PM

تحديث للخبر

44328‏السنة 132-العدد2008ابريل18‏12 من ربيع الآخر 1429 هـالجمعة

مبارك يصدر حركة محافظين جديدة
‏12‏ محافظا جديدا‏..‏ ونقل ثلاثة‏..‏ وبقاء‏13‏ في مواقعهم
استحداث محافظتين جديدتين في حلوان و‏6‏ أكتوبر
القويضي لحلوان وسعد لأكتوبر وشحاتة للجيزة
أداء اليمين الدستورية أمام الرئيس صباح الأحد

أصدر الرئيس محمد حسني مبارك قرارا جمهوريا بحركة المحافظين‏,‏ تضمنت تعيين‏12‏ محافظا جديدا ونقل‏3‏ محافظين إلي محافظات أخري‏,‏ وسيؤدي المحافظون اليمين الدستورية أمام الرئيس صباح بعد غد‏..‏ والمحافظون الجدد هم‏:‏

الدكتور جلال مصطفي محمد سعيد‏,‏ محافظا للفيوم والدكتور عزت عبدالله أحمد‏,‏ محافظا لبني سويف‏.‏ومصطفي عبداللطيف سعيد أحمد‏,‏ محافظا لبورسعيد وسعد محمد محمد خليل‏,‏ محافظا لمطروح والدكتور أحمد ضياء الدين محمد خليل‏,‏ محافظا للمنيا وسمير عبدالمنعم أحمد سلام‏,‏ محافظا للدقهلية ومصطفي أحمد السيد أحمد‏,‏ محافظا لأسوان ومحمد عبدالفضيل محمد شوشة‏,‏ محافظا لشمال سيناء و عبدالحميد علي حسين الشناوي‏,‏ محافظا للغربية والمهندس سامي محمود محمود عمارة‏,‏ محافظا للمنوفية والدكتور محمد حازم محمد سعيد القويضي‏,‏ محافظا لحلوان والمهندس سيد عبدالعزيز السيد شحاتة‏,‏ محافظا للجيزة‏.‏

كما تضمن القرار نقل كل من الدكتور فتحي سعد من الجيزة إلي المحافظة الجديدة‏6‏ أكتوبر‏,‏ والمهندس أحمد زكي عابدين من محافظة بني سويف إلي محافظة كفر الشيخ‏,‏ واللواء مهندس مجدي القبيصي من الفيوم إلي محافظة البحر الأحمر‏.‏

بينما احتفظ كل من السادة المحافظين بمواقعهم‏:‏
المستشار عدلي حسين‏,‏ محافظا للقليوبية والدكتور عبدالعظيم وزير‏,‏ محافظا للقاهرة وسيف جلال محافظا للسويس و عادل لبيب‏,‏ محافظا للإسكندرية ويحيي عبدالمجيد‏,‏ محافظا للشرقية و فتحي البرادعي‏,‏ محافظا لدمياط ومحمد شعراوي‏,‏ محافظا للبحيرة و نبيل العزبي‏,‏ محافظا لأسيوط‏.‏

وعبدالجليل الفخراني‏,‏ محافظا للإسماعيلية وأحمد مختار‏,‏ محافظا للوادي الجديد ومجدي أيوب‏,‏ محافظا لقنا ومحمد هاني متولي‏,‏ محافظا لجنوب سيناء ومحسن النعماني‏,‏ محافظا لسوهاج‏.‏

كما تضمن قرار رئيس الجمهورية تعيين سمير فرج رئيسا للمجلس الأعلي لمدينة الأقصر‏.‏

كما أصدر الرئيس مبارك القرار الجمهوري رقم‏116‏ بتقسيم محافظة القاهرة إلي‏3‏ مناطق عين فيها بدرجة نائب محافظ كل من‏:‏ محمود ياسين للمنطقة الغربية‏,‏ وحسن مختار يحيي السعيد للمنطقة الشمالية‏,‏ ومحمد مختار محمد محمود الحملاوي للمنطقة الشرقية‏.‏

كما عين محمد ياسين أحمد بدوي نائبا لمحافظ الجيزة لقطاع المدن والمراكز والتنمية‏,‏ كما عين صفاء الدين مصطفي كامل نائبا لمحافظ الإسكندرية‏.‏

وتضمنت المادة الرابعة نشر القرار في الجريدة الرسمية‏,‏ ويلغي ما يخالف أحكامه‏.‏

وقد أصدر الرئيس حسني مبارك قرارا جمهوريا بإنشاء محافظتين جديدتين في حلوان والسادس من أكتوبر‏,‏ وتعديل نطاق الحدود الإدارية لبعض المحافظات‏.‏

-

الموضوع: حد هنا من محافظة حلوان او محافظة 6 اكتوبر....!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مراكز الإقتراع في محافظة الجيزة

المرور فى محافظة حلوان

اى اجرائات نقل الملكية من محافظة الى محافظة اخرى؟

محافظة بورسعيد

محافظة مصرية جديدة رقم 31

الكلمات الدلالية لهذا الموضوع

المفضلات

المفضلات

ضوابط المشاركة