حد هنا من محافظة حلوان او محافظة 6 اكتوبر....!

**Adham_Sabry** · 20-04-2008 11:51 AM

ليه في التوقيت ده تحديدا ؟
يا جماعه انا اري ان القرار ده سياسي وامني اكثر من تنظيمي
الحكومه حبت تلهي الشعب وخصوصا بعد تنامي الدعوات للإضراب والعصيان المدني والمقاطعه
(اضراب 6 ابريل - الدعوه لإضراب 4 مايو - دعوه لمقاطعه الجرائد الحكوميه - اضرابات في الجامعات المصريه بسبب الأحكام العسكريه - دعوه للإضراب علشان اختفاء اسراء - ....)
والله اعلم

**abo samra** · 20-04-2008 04:30 PM

والله صدمو وحاجه تضحك قوى
انا فى الاول قولت يا حرام بقا المعادى اللى طول عمرها تبع القاهره وبنت ناس تبع تبع محافظه تانيه غير القاهره
الصدمه بقا ان القاهره الجديده اسمها اصلا (القاهره)......الجديده ازاى هتبقى تبع حلوان هههههههههههه

**OsKaR** · 22-04-2008 12:43 AM

المشاركة الأصلية كتبت بواسطة karim_monir

حلوان هاتكون تبعها الشروق وبدر والهايكستب
طب ما كان اولى تتعمل العاشر من رمضا محافظة وينضم اليها الشروق وبدر والعبور والهايكستب كمان اهو كلهم على خط واحد
انا مش فاهم حاجة
ايه اللي جاب حلوان لطريق الاسماعيلية الصحراوي

المشاركة الأصلية كتبت بواسطة إسلام شاهين

الدائري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

المشاركة الأصلية كتبت بواسطة hamedo0

هههههههههههههههههه انا مش فاهم حاجه ايه الجاب حلوان للسويس والشروق
الافاهم حاجه يقوللي اخوكو تايه

و الله العظيم ريحتوني ده انا بفكر في الموضوع بعمق شديد ليا 3 ايام

واضح اني مش لوحدي

المشاركة الأصلية كتبت بواسطة etrawy

انا ساكن فى القاهرة الجديدة وفى جامعة عين شمس :D
دلوقتى بقت تبع محافظة حلوان هل ينفع اقدم فى المدينة الجامعية التابعة لجامعة عين شمس:d
طب هو اسم الجامعة الالمانية هتغير بدل من الguc الى Guh لانها كده دخلت فى محافظة حلوان وليس القاهرة:D
وياترى التاكسيات هيبقى لونها ايه
وهل هيبقى فيه مطار حلوان واستاد حلوان
البلد دى فيها شوية حاجات عثل:D

ده انت كده اثبتلي ان اداره الكييه عندنا بعد نظر اما سمت الكليه BUE والا كان زمانها دلوقتي اسمها BUH دي حاجه اخر مسخره يا جدع

محدش فاهم حاجه

**ams** · 22-04-2008 02:32 AM

المشاركة الأصلية كتبت بواسطة ABOZAYED

ليه في التوقيت ده تحديدا ؟
يا جماعه انا اري ان القرار ده سياسي وامني اكثر من تنظيمي
الحكومه حبت تلهي الشعب وخصوصا بعد تنامي الدعوات للإضراب والعصيان المدني والمقاطعه
(اضراب 6 ابريل - الدعوه لإضراب 4 مايو - دعوه لمقاطعه الجرائد الحكوميه - اضرابات في الجامعات المصريه بسبب الأحكام العسكريه - دعوه للإضراب علشان اختفاء اسراء - ....)
والله اعلم

أنا معاك فى الرأى ده

المشاركة الأصلية كتبت بواسطة Powert

انا سمعت كمان انهم هيضموا الاتنين والاربعاء في يوم واحد

هيبقى يوم الاتنين عن مصادر موثوق منها;)

**abo samra** · 22-04-2008 12:54 PM

ع فكره يا اوسكار انا معاك فى نفس الجامعه
انت بقا فى كلية ايه؟

**OsKaR** · 23-04-2008 01:21 AM

المشاركة الأصلية كتبت بواسطة ahmed_harb

ع فكره يا اوسكار انا معاك فى نفس الجامعه
انت بقا فى كلية ايه؟

اهلا بيك يا بوب انا في 2 حاسبات انت في ايه ؟؟
عموما فرصه سعيده
هو اانت جيت الحفله ؟

**د-احمد عبد اللطيف** · 23-04-2008 09:23 AM

نقلا عن الوفد
http://www.alwafd.org/v4/News/NewsDe...9b941fb31a6929

طلبت المحكمة الدستورية العليا من الرئيس حسني مبارك وقف العمل بقرار التقسيم الاداري الجديد للمحافظات وانشاء محافظتي حلوان و6 أكتوبر. علمت »الوفد« من مصادر مسئولة ان قرار اصدار المحكمة الدستورية العليا ينص علي أن تكون المحكمة في مدينة القاهرة وينتج عن قرار التقسيم الصادر الخميس الماضي ان أصبحت المحكمة تابعة لمنطقة البساتين التابعة لمحافظة حلوان،

وهذا يخالف قانون انشاء المحكمة الدستورية العليا ويدل هذا الموقف علي عشوائية القرارات التي تصدر دون دراسة.

لا تعليق

**alaa_dash** · 23-04-2008 01:56 PM

لا ماهو الريس اصدر قرار و هوه في باريس بتبعية المنطقة اللي المحكمة الدستورية

فيها للقاهرة اداريا ....عشان يبعد عن مخالفة القرار للدستور....

بس فعلا اللي فكروا في القرار ده ما يعرفوش الدستور كويس !!اتفاجئوا يعني !