احداث مقابلة الهونداوية

**SAMEH_FOUAD** · 24-04-2011 02:29 PM

طبعا بحب اشكر الهونداوية اللى شرفونا امبارح فى المقابلة وبجد قضينا يوم جميل جدا جدا وبجد نشكر المنتدى انة كان لية الفضل اننا نتعرف على الناس الحلوة دية , ونقول للناس اللى ماقدرتش تيجى امبارح ياريت تنورنا المقابلة القادمة وبجد هيقضوا يوم مش هينسوة ابدا

طبعا تفاصيل المقابلة : اننا اتقابلنا على الساعة 5:30 مساء والمكان فى مركز البولينج اللى على طريق صلاح سالم واتشرفنا بمقابلة رامى بس ماقعدش معانا كتير لانة كان رايح الشغل وبجد مشكور انة جية المقابلة قبل مايروح شغلة

طيعا هيثم كمال , واحمد سامى كانوا اول الحاضرين واستنونا فترة مش قليلة بس نعمل اية فى محمد ممدوح بقى بس نقول الحمد لله انة جية المرة دية وقعد معانا للاخر

دخلنا البولينج وقعدنا شوية ودفعنا خمسة جنية مرة واحدة رسم الدخول

وكلمت نو كومنت ( احمد امين ) لقيتة بسلامتة واكلى سمك ونايم مش يجيب لاخواتة 3 - 4 كيلو كدة لكن هنقول اية بقى ...... بالهناء والشفاء طبعا وقولتلة الاقيك قدامى بعد نص ساعة من الان الحمد لله جالى فى ساعة

وبعد كدة لقينا المكان هادى جدا لدرجة اننا ماكناش سامعين بعض قررنا نغير المكان ونتجه الى كارفور المعادى

وطبعا لاقينا محمد نبيل جاى كان نايم بردة ش عارف اجازة اية دية اللى بيناموا فيها , بس المهم انة جية , ومافيش نص ساعة وتشرفنا بمقابلة عضو جديد معنا هنا بس مالحقش يقعد معانا واشترفنا بمعرفتة جدا وان شاء الله يكون موجود فى المرات القادمة

وبعديها تم وصول الفوج التالث ويضم محمد سنهورى , ومحمد عمر , ومصطفى عمر

وبكدة اكتملت العصابة

ودول الاعضاء اللى كانوا موجودين فى المقابلة

احمد سامى HORSEPOWER

هيثم كمال HITHAM KAMMAL

محمد نبيل M_NABIL

محمد معتوق M3TOUK _ 85

محمد ممدوح HOT RIDE

احمد امين NO COMMENT

احمد هونداوى HONDAWY 2008

محمد سنهورى SANHORY

محمد عمر EK4

مصطفى عمر بس هو مش معانا هنا فى المنتدى بس هونداوى بردة

رامى RMS 1986

سامح SEMSEM KANE

وبعديها قررنا نطلع على بنزبنة امارات مصر نقف هناك وطبعا لقيت تليفون جايلى من اخواتنا فى قسم فيات اللى شرفونا المقابلة وبالفعل تمت المقابلة واتعرفنا على رجالة فى قمة الاحترام وحسينا اننا كنا نعرفهم بقالنا كتير وطبعا على رأسهم YOKO ومحمد نبية وقضينا وقت جميل جدا واتكلمنا فى كل حاجة والوقت خدنا ماحسناش غير والساعة الواحدة صباحا

وبجد نحب نشكر كل اعضاء الهونداوية اللى شرفونا واعضاء فيات اللى نورونا ونقول للهونداوية اللى ماجوش هما عارفين نفسهم

طارق زين - امين - تامر تيتو - THE HARD ROCK - محمد هارون

ان شاء الله يشرفونا المقابلة اللى جاية ودية اخر مرة مش هيجوا ان شاء الله

ودول صورتين كدة على السريع لحد ماحد ينزل بقيت الصور

**SAMEH_FOUAD** · 24-04-2011 02:55 PM

المشاركة الأصلية كتبت بواسطة tamertito88

انت اللي لابس قميص وبنطلون و مش اللي في النص يا سمسم صح ؟؟

كان نفسي ابقى معاكم (مشهد من فيلم الطر يق الى ايلات ) بس خيرها في غيرها ان شاء الله

لأ مش انا وقعت منك دية

انا الناس اللى كانت اول مرة تشوفنى كانت تدخل عليا وتقولى انت اكيد سمسم اقولهم اة هو مكتوب عليا ولا اية

**sanhory** · 24-04-2011 03:19 PM

فعلا كانت مقابلة ظريفة جدا والناس كلها 10\10 والواحد اكتسب اصدقاء جدد , شكرا للمنتدى اللي عرفنا عالناس الحلوه دي

**No Comment** · 24-04-2011 03:30 PM

يا فتاح يا عليم ..... وليه الفضايح دى على الصبح كدة .
على فكرة انا مبحبش السمك ومبمدش ايدى فيه الا لما يكون متنضف ليه كويس ..... ده كان فيليه وفطار كمان على اعتبار انى صحيت الساعة 5 مساءاً على غير العادة .
اما بالنسبة للمقابلة فكان يوم جميل بداً من الوقوف ببارك البولنج (على ما وصلت) والقعدة فى كوستا كافى كارفور وانتهاءً بحبة البرد اللى خدناهم عند امارات مصر .
واتشرفنا بمعرفة ناس جديدة من وحوش الهوندا وشباب الفيات الشُداد .
وبالمناسبة يا هونداوية لو شوفتوا طارق زين وأمين ويل فاين ..... بلغوهم انى اهدرت دمهم ولو شفتهم فى اى مكان مش هرحمهم (طبعاً ويل فاين يجهز طربته من الأن لانه قريب منى ) .

**Yones** · 25-04-2011 01:09 AM

شكلها كانت مقابلة لذيذة فعلا يارب تكونوا اتبسطتوا
للاسف الشغل بقى الواحد يعمل ايه ؟ ربنا يسهل ممكن الحق مقابلة تانية ان شاء الله

**engahmedsamy** · 25-04-2011 01:52 AM

كان نفسي اجي مع يوكو بس روحت بدري مرة تانية ان شاء الله

**SAMEH_FOUAD** · 25-04-2011 02:27 AM

المشاركة الأصلية كتبت بواسطة m_nabil

كان يوم جامد فعلاً برغم من ان الواحد نشف من البرد عند البنزينة بس كله في سبيل الهونداوية

في انتظار بقى الصور الاحترافية

تامر تيتو سمسم اللى في الصورة الاولة في النص ولابس تيشرت levi's

ماشى يامحمد اعترفت عليا كنت عايزة يفكر شوية