مقابلة الهونداوية مين جاى ؟؟؟

**SAMEH_FOUAD** · 26-05-2012 01:08 PM

اذيكوا ياهونداوية عاملين اية يارب تكونوا بخير

دلوقتى فية ناس كتير كلمتنى نفسهم يعملوا مقابلة تانى زى اللى فاتت وفعلا كانت ماشاء الله مقابلة جميلة جدا جدا جدا ياريت وفتحت نفس الاعضاء كلها على اننا نتقابل تانى

وطبعا عشان كان فية ناس عندها ظروف امتحانات وسفر وشغل فمقدرتش انها تيجى المقابلة فان شاء الله نتمنى انهم يكونوا موجودين معانا فى المقابلة

ومش عايزين بقى الناس اللى كانت بتصلح عربياتها وجاتلنا الساعة 10بليل هما عارفين نفسيهم كويس , عايزينهم يكونوا موجودين معانا من اول المقابلة ان شاء الله

وان شاء الله الميعاد المبدأى يوم الجمعة القادمة الساعة 6 عشان نقدر نقعد مع بعض اطول فترة ممكنة لان فعلا الوقت بيعدى بسرعة جدا مع الناس الحلوة دية

وبردة هيكون مكان المقابلة فى مدينة نصر الحى السادس عند كافية ( سى عمر )

عايز بقى اشوف مالايقل عن 40 , 50 واحد كدة

**AHMED_HAMDY** · 26-05-2012 01:27 PM

طيب يا سامح معلشي يعني هوه مش فيه امتحانات اخر السنه دلوقتي في جميع انحاء الجمهوريه ولا علشا اغلبكم مخلصين يعني
خليها في اخر شهر 6 بجد وان شاء الله هيكون فيها لا يقل عن 50 واحد يبجد وانا من الزقازيق اللي من بنها او اي مكان ممكن اجيبه معايا كمان
بس المعاد الايام دي صعب انا امتحاناتي هتبدأ الخميس وكل اللي في جامعات هتلاقيهم كدا برضه
انا عمري مطلبت تأجيل مقابله الا دي علشان نفسي بجد اجي واقعد معا كل الناس ال محترمه اللي في القسم هنا

**SAMEH_FOUAD** · 26-05-2012 01:43 PM

والله انا قولت ميعاد مبدأى مش اكتر

وانا هسيب اكبر عدد هو اللى يحدد المقابلة

وعموما ياجماعة اية رأيكوا فى الجمعة 8/06/2012 تمام الميعاد دة

**Dr'AhmZZong** · 26-05-2012 06:23 PM

يييييييييييييه هو أنا كل ما انوي اجي مقابلة ل هوندا يطلع عندي حاجة ..

نفسي اشوفكم واللهِ ..

طب متخلوها الجمعة اللي بعد 8 / 6 ..

**AHMED_HAMDY** · 26-05-2012 07:00 PM

طيب خلوها من بعد يوم 22
نظرا لظروفي واظن انا اصغر واحد في القسم لسه 21 سنه :d d:d
جاملوني بقى
وانا عن نفسي هاجي ومعايا احمد عاصي وممكن اي حد قريب من الشريه مش تكسفوني